2 Korinto 5:9 - Manobo Sarangani

⁹ Pengkey matay a, aw pengkey wedà a pa kematay dalem te wedà pa likò se Pengolo, ontò ko ibeg meluba sikandin kanak.

2 Korinto 5:9 ပူးပေါင်းရင်းမြစ်များ

Kolasas 1:10

Yan se egpemoyoen day amon ibeg te Pengolo tadon se eg-inangen niyo, aw amon gayed sikandin meluba tepad kenyo. Aw yan se inangen niyo, mèpiya se kedita te inang niyo, aw labi kaw pa metaga-taga tepad te Timanem.

Roma 14:18

Aw yan se inangen te kedita tadon egtolò ki Cristo, meluba se Timanem kenitadon, aw mikagi heman se doma otaw te mèpiya se eg-inangen tadon.

2 Pedro 3:14

Nayan, kedita niyo egkedekelan ko te pedowan, dalem te pegtagad niyo te aldaw sìyan, keilangan megpekeaseb kaw menimanem amon wedad salà niyo isila te Timanem, aw amon melinaw se pedowan niyo.

1 Timoteo 4:10

Yan se doun te egpekagsen kidon te eg-inangen tadon so egseligan tadon se Timanem wedad temanan din. Sikandin se megpelowà te kedita te otaw, aw labi din pa ipelowà se kedita tadon egpemenal ki Jesu Cristo.

1 Tesalonika 4:11

Keilangan gayed kaw metingen. Ikà niyo eg-inabut te eg-inangen te menge doma otaw. Keilangan megpekeaseb kaw megterbaho amon mekeabat kaw te kenyo kepulukan, so yan se impunù day kenyo kedengan.

Genesis 4:7

Aw metòlid se inangen nikaw, yan meluba a kamno. Meneng aw eked ka peg-inang te metòlid, delisegen ka den i Satanas amon meg-inang ka te salà. Dàgen ka peden te peg-inang no te salà, meneng keilangan domaeg ka kenyan.”

1 Tesalonika 4:1

Nayan menge kedowa day, migtoladà kay kenyo te keilangan metòlid se eg-inangen niyo amon meluba se Timanem kenyo. Yan se ininang niyo. Meneng tandà te pegsebad tadon diyà te Pengolo tadon si Jesus, ontò kay den memoyò kenyo te gayed kaw megpekeaseb meg-inang te metòlid.

1 Korinto 15:58

Menge kedowa ko egkedekelan ko te pedowan, lobosi niyo se pegtaking niyo te Pengolo tadon. Ikà niyo egpedaeg te toladà kebolalaw. Pegpekeaseb kaw tolò te ibeg te Timanem kenyo, so netegahan niyo den te doen ontong te kedita te inangen tadon aw tomolò kidon te Pengolo tadon.

Roma 15:20

Doen gayed ibeg ko megtoladà te Mèpiya Indan doton te menge ogpeanan te otaw wedà pa ketaga-taga tepad ki Cristo, so eked a keibeg todà megtoladà te otaw tapay tinoledaan te doma otaw tepad ki Cristo.

Roma 14:8

Dalem te wedà kidon pa kematay, Pengolo tadon si Cristo se egseligan tadon. Pengkey matay kidon, sikandin heman se seligan tadon. Yan, pengkey dalem te wedà kidon pa kematay, pengkey matay kidon, sakop kidon pa te Pengolo tadon.

Ininang 10:35

Meneng keidowan din se kedita te otaw egtolò kandin aw eg-inang te mèpiya, pengkey otaw Judiyo aw pengkey otaw kenà Judiyo.

Menge Hebreo 12:28

Yan keilangan megpesiontong kidon diyà te Timanem so sinakop kidon din diyà te peglowan din eked palos kebàti. Keilangan megsimba kidon heman kandin onawa te ibeg din inangen tadon, aw megsagman kidon heman kandin,

Menge Hebreo 4:11

Yan, so doen mèpiya ogpeanan impetagad te Timanem kenitadon, keilangan megpekagsen kidon amon ipeogpà kidon din doma din doton te mèpiya ogpeanan sìyan impetagad din. Keilangan eked kidon peg-iling te menge kemonaan tadon sìyan, so wedà dan tolò aw yan wedà din dan peogpai doton.

Kolasas 1:29

Yan se doun te ontò a egpekagsen te pegtoladà ko kenyan pineokit te kagsen imbegay te Timanem kanak.

2 Korinto 5:8

Gayed egkeantag se pedowan ko. Mèpiya kanak aw matay a amon megdoma a te Pengolo.

2 Korinto 5:6

Yan se doun te gayed egkeantag se pedowan ko. Netegahan ko te dalem ko pa te mig-ogpà a dini te keneyonan, eked a pa pegdoma te Pengolo,

Juan 6:27

Ikà niyo egpengemahà te kànen megkewedad te eked kenamay. Meneng pengemahà kaw te kànen eked pegkewedad aw mekebegay te pedowan wedad temanan. Yan se ibegay ko kenyo, so siaken se Timanem Migpekeotaw, aw impetaga-taga te Amay ko Timanem te siak se insogò din.”

Efeso 1:6

Iduyun tadon se Timanem so ontò mèpiya se keido din, so ontò kidon din tinebangan pineokit te Batà din egkedekelan din te pedowan.