2 Korinto 5:5 - Manobo Sarangani

⁵ Se Timanem, yan se migpetagad den kenitadon amon mekekinawà kidon te kaling lawa, aw sikandin se simogò te Espiritu Santo meg-ogpà dini kenitadon, amon ketegahan tadon te metoman pa se impakang din.

2 Korinto 5:5 ပူးပေါင်းရင်းမြစ်များ

2 Korinto 1:22

Impetaga-taga din te batà kidon din pineokit te Espiritu Santo imbegay din meg-ogpà dini te pedowan tadon, amon ketegahan tadon te metoman se kedita te pakang din.

Roma 8:23

Kenà olò doma ininang te Timanem se egkelimahan, meneng sikitadon heman se egkelimahan dalem te pegpeliman tadon te aldaw te ipekità te Timanem se kedita te menge batà din, aw metoman meinang kaling se lawa tadon. Imbegay den se Espiritu Santo kenitadon, aw sikandin se tagnà te kedita te ibowang te Timanem kenitadon,

Efeso 4:30

Ikà niyo eg-inang te pengkey eden eked keibegi te Espiritu Santo. Binegayan kaw te Timanem te Espiritu Santo, so yan se pengilala te sinakop kaw din aw ipelowà kaw te aldaw te peglikò te Pengolo tadon.

1 Juan 3:24

Se kedita te otaw egtolò te punù te Timanem, diyà dan te Timanem aw se Timanem heman diyà kandan. Netegahan tadon te diyà kenitadon se Timanem so pineokit te Espiritu Santo imbegay din kenitadon.

Efeso 2:10

Meneng pineokit ki Cristo, ininang kidon den te Timanem kaling amon mekeinang kidon te mèpiya, so yan se tapay din inlalang kenitadon.

2 Korinto 4:17

Pegpemilang kanak, aneng-aneng ko meketayod a, so doen temanan niyan. Aw meketayod a te pegpemilang kanak, ontò mèpiya se ibegay te Timanem kanak doton te langit. Ontò mèpiya se ontong wedad temanan.