2 Korinto 5:4 - Manobo Sarangani

⁴ Dalem te peg-ogpà ko dini te keneyonan, doen pa kelimahan ko, meneng kenà ibeg ko ayas a matay, meneng ibeg ko begayan a te kaling lawa doton te langit, amon keselilinan se lawa ko seini egkeledak te lawa eked palos kematay.

2 Korinto 5:4 ပူးပေါင်းရင်းမြစ်များ

2 Korinto 5:2

Dalem te wedà a pa kematay, ontò melima se keogpà ko. Ontò ko ibeg begayan a te Timanem te kaling lawa doton te langit.

2 Pedro 1:13

Dalem te eked a pa kematay, aneng-aneng ko mèpiya aw gayed ko iyan ipeaneng-aneng kenyo amon eked niyo iyan kelibeli.

Roma 8:23

Kenà olò doma ininang te Timanem se egkelimahan, meneng sikitadon heman se egkelimahan dalem te pegpeliman tadon te aldaw te ipekità te Timanem se kedita te menge batà din, aw metoman meinang kaling se lawa tadon. Imbegay den se Espiritu Santo kenitadon, aw sikandin se tagnà te kedita te ibowang te Timanem kenitadon,

1 Korinto 15:51

Nayan, ikegiyen ko den kenyo se kebenalan wedà pa petega-tegahi te Timanem. Eked kematay se kedita tadon, meneng tigbayà se lawa tadon keselilinan te kaling lawa.

2 Korinto 5:3

Pineokit te pegpemegay din kanak te kaling lawa, gayed doen ogpaan te pedowan ko.