2 Korinto 5:16 - Manobo Sarangani

¹⁶ Kedengan, iling te aneng-aneng te menge doma otaw se aneng-aneng ko, so medita se otaw nebensihan ko, aw yan se doun te nebensihan ko si Cristo. Meneng songkani netodà den se aneng-aneng ko tepad kandin aw tepad te kedita te otaw.

2 Korinto 5:16 ပူးပေါင်းရင်းမြစ်များ

Kolasas 3:11

Diyà te kedita tadon egpemenal, wedad palos lindoan te Timanem, pengkey Judiyo aw kenà Judiyo, pengkey tinolì aw wedà tolii, pengkey mig-iskwila aw wedà peg-iskwila, pengkey allang aw kenà allang, so migsebad den se kedita tadon diyà ki Cristo, aw mig-ogpà sikandin diyà te kedita tadon.

Juan 6:63

Timanem olò se mekebegay te kaling pedowan. Eked iyan keabat pineokit te pagod te otaw. Meneng se kebenalan intoladà ko kenyo, yan se lekat te Timanem aw mekebegay te kaling pedowan.

Santiago 3:17

Meneng se otaw doen kebiyasa lekat te Timanem, yan se otaw kenà eg-inang te medaet, kenà egsamok, gayed mèpiya se pedowan din, kenà metugul, gayed egkeido aw egpenabang te doma, kenà egdowa-dowa, meneng melobos se pedowan din.

Galasya 5:6

Diyà te menge otaw nemenal den ki Cristo, wedad elet diyà te otaw tinolì aw otaw wedà tolii. Onawa iyan diyà te Timanem. Meneng ibeg te Timanem, ipekità tadon te benal se pegpemenal tadon pineokit te dakel pedowan tadon.

Juan 15:14

Aw tomolò kaw te menge punù ko kenyo, sikiyo se menge sigalak ko.

Juan 2:4

Minikagi si Jesus, “Inà, ikà egpunù kanak, so wedà pa dateng se oras aw ipekità ko se tolos ko.”

Mat. 10:37

“Aw mikagi se otaw te dakel se pedowan din diyà kanak, meneng labi pa dakel se pedowan din diyà te amay aw inay din, eked kepakay megpesakop diyà kanak. Aw mikagi se otaw te dakel se pedowan din kanak, meneng labi pa dakel se pedowan din diyà te batà din, eked kepakay megpesakop diyà kanak.

2 Korinto 11:18

So medita se otaw kidoen kenyo egduyun te kandan pegkeotawun, meg-indan a heman kenyo tepad kanak.

Juan 8:15

Aw meg-okom kaw te otaw, lekat olò te kenyo aneng-aneng se peg-okom niyo. Meneng siak, kenà tod ko dini se peg-okom ko te otaw.

Filipos 3:4

Simpana ipelowà se otaw tandà te inang din aw pegkeotawun din, siaken se ontò ipelowà, so pengkey sinu otawi se eg-aneng-aneng te ipelowà sikandin pineokit te inang din aw pegkeotawun din, labi a pa melangkaw diyà kandin.