2 Korinto 5:1 - Manobo Sarangani

¹ Meketayod a pa te kelimahan, so netegahan ko aw matay se lawa ko dini te keneyonan, doen pa kaling lawa eked palos kematay ibegay te Timanem kanak doton te langit.

2 Korinto 5:1 ပူးပေါင်းရင်းမြစ်များ

1 Juan 3:2

Menge kedowa egkedekelan ko te pedowan, batà kidon den te Timanem. Pengkey wedà tadon pa ketegahi aw eden se keilingan tadon te modi aldaw, meneng netegahan tadon te mekeiling kidon ki Cristo aw lomikò sikandin, so ontò tadon sikandin kitaen.

Menge Hebreo 9:24

Yan penga te pegkematay i Jesus, kenà simbahan ininang te menge Judiyo se inopan din, so olò iyan impeiling te benal simbahan doton te langit. Meneng dimoton sikandin te langit, aw egkagon den sikandin kenitadon doton te Timanem.

2 Korinto 4:7

Iling a te koden wedad keelagà sinolan te bolawan meelagà, so pengkey wedad keelagà ko, meneng insalig te Timanem kanak se pegtoladà te kebenalan tepad ki Cristo amon ketegahan te menge otaw te sikandin se eglekatan te tolos. Kenà iyan lekat kanak.

Menge Hebreo 9:11

Meneng doen den kaling peokit sìyan, so dimateng den si Cristo. Ininang den sikandin Telekagon tadon. Pineokit kandin, mèpiya se tabang dimateng diyà kenitadon. Labi pa ontò mèpiya se simbahan inopan din doton te langit. Wedà iyan inangi te otaw so kenà iyan dini lanto te tanà.

1 Pedro 1:4

Egpeliman kidon te mèpiya ibegay te Timanem kenitadon. Eked iyan pegkedaet, aw eked kebàti, aw wedad heman temanan niyan, so intagò din doton te langit.

2 Korinto 5:4

Dalem te peg-ogpà ko dini te keneyonan, doen pa kelimahan ko, meneng kenà ibeg ko ayas a matay, meneng ibeg ko begayan a te kaling lawa doton te langit, amon keselilinan se lawa ko seini egkeledak te lawa eked palos kematay.

Genesis 3:19

Keilangan gayed ka megterbaho lamig peg-etingan ka amon doen tomilles kidoen te tanà lamig molì ka doton te tanà, so yan se linekatan nikaw. Ininang ka lekat te tanà, aw todà ka heman meinang tanà.”

Mar. 14:58

“Dinineg day se inikagi din te mekebatog sikandin megbaet te dakel simbahan sida ininang te otaw, aw ipetindeg din se kaling simbahan eked inangi te otaw dalem te telo se aldaw.”

2 Pedro 3:11

So doen aldaw domateng aw kebàtan se kedita niyan, yan keilangan ontò kaw tomaking te Timanem aw meg-inang kaw heman te metòlid amon eked kaw pekesipat.

Kolasas 2:11

Doen pengilala eg-inangen te menge Judiyo amon ipetaga-taga dan te egtaking dan te Timanem, aw yan se pegpemetolì dan. Meneng sebad se pengilala ininang i Cristo te pegpemenal tadon kandin, so impelowà kidon din lekat te pegkeallang tadon diyà te medaet ibeg te pedowan tadon.

1 Juan 3:19

Aw megtabang kidon te doma otaw, yan ketegahan tadon te ontò kidon diyà te kebenalan, aw mekesinalay kidon heman te pedowan tadon egkitaen din.

1 Juan 3:14

Impelowà kidon den lekat te kemetayun wedad temanan, aw binegayan kidon den heman te kaling pedowan wedad temanan. Netegahan tadon te benal iyan so dakel se pedowan tadon te menge doma otaw. Meneng eg-ogpà pa diyà te kemetayun se otaw wedad kedakel te pedowan din te doma,

Menge Hebreo 11:10

Iling te eked kenamay se peg-ogpà i Abraham doton, so se ogpeanan ontò din pinelimanan, yan se lonsod doton te langit eked palos kealin so ininang iyan te Timanem.

1 Korinto 3:9

Didowa kay si Apolos se insogò te Timanem meg-inang, aw iling kaw te pawà pinetrebehowan te Timanem kenami. Doma ipolingun ko, iling kaw te balay impeinang te Timanem.

2 Timoteo 1:12

aw yan se doun te egpemilangen a songkani. Meneng kenà a egkeyàyà, so netegahan ko aw sinu se sineligan ko. Netegahan ko te mekebatog sikandin meg-ipat kanak dalem te pegtoman ko te insalig din kanak lamig te aldaw te peg-okom din.

Ininang 7:48

Meneng eked peg-ogpà se Timanem Melangkaw diyà te lowang te simbahan inangen te otaw, so simolat se telekeliwat te kagi te Timanem gebii, kagi din,