2 Korinto 4:7 - Manobo Sarangani

⁷ Iling a te koden wedad keelagà sinolan te bolawan meelagà, so pengkey wedad keelagà ko, meneng insalig te Timanem kanak se pegtoladà te kebenalan tepad ki Cristo amon ketegahan te menge otaw te sikandin se eglekatan te tolos. Kenà iyan lekat kanak.

2 Korinto 4:7 ပူးပေါင်းရင်းမြစ်များ

2 Korinto 5:1

Meketayod a pa te kelimahan, so netegahan ko aw matay se lawa ko dini te keneyonan, doen pa kaling lawa eked palos kematay ibegay te Timanem kanak doton te langit.

1 Korinto 1:28

Pinemallì din heman se menge otaw wedad kelangkaw aw eglindoan te doma aw wedad ontong, amon ipekità din te wedad ontong te aneng-aneng tadon doen ontong.

Kolasas 2:3

Si Cristo se kelekatan te kedakel te kebiyasa tepad te Timanem.

Kolasas 1:27

so ibeg din ipetaga-taga din diyà kenitadon te ontò mèpiya se kebenalan seini. Ipetaga-taga din iyan heman doton te menge otaw kenà Judiyo. Seini se kebenalan sìyan wedà din petega-tegahi kedengan, te isogò din si Jesu Cristo meg-ogpà kidoen te kenyo pedowan, aw yan se doun te netegahan niyo te doen kèpiyaan pelimanan niyo doton te langit.

Efeso 3:8

Pengkey siak se ontò medanà diyà te kedita te sakop te Timanem, meneng pinemallì a din amon megtoladà kenyo menge otaw kenà Judiyo tepad te ontò mèpiya tabang i Cristo kenitadon eked tadon ontò kelebeti.

2 Korinto 10:10

Doen ekon otaw kidoen kenyo eg-ikagi te tabag a ekon mebolot aw neopal a te pegsolat ko kenyo, meneng aw kidoen a doma niyo, iling a ekon te telawun, aw wedad ekon toig ko te pegtoladà.

Mat. 13:44

“Iling kani se peglowan te Timanem. Doen bolawan nenamay inlebeng doton te tanà. Nayan, doen otaw neketalà kenyan. Neluba se pedowan din, meneng todà din inlebeng, aw minolì. Penga niyan, imbeligyà din se kedita te kededònan din aw bineyadan din se tanà sìyan.”

2 Timoteo 2:20

Medita se kinemoloan te telepagan doton te dakel balay te otaw meyaman, so doen telepagan ininang te bolawan, doen ininang te selapì, doen telepagan kayo, aw doen heman iling te koden ininang te tanà. Doen menge telepagan meelagà eked din gemiti singed aw doen otaw gomemaw kandin. Doen heman menge doma telepagan barato eggemiten din te pengkey eden eldawi.

2 Korinto 4:1

Na, pineokit te keido te Timanem kanak, insogò a din megtoladà aw yan eked a lengà.

Kolasas 2:12

Pegpebonyag tadon, iling te inlebeng kidon sipat ki Cristo, aw iling te inantay kidon heman sipat kandin tandà te pegpemenal tadon te ininang te Timanem Amay mig-antay ki Cristo lekat te nematay.

1 Tesalonika 1:5

so pegtoladà day kenyo te Mèpiya Indan tepad ki Cristo, nemenal kaw kenà pineokit olò te inikagi day, meneng pineokit te ininang te Espiritu Santo kenyo, aw yan netegahan niyo te ontò benal se intoladà day. Peg-ogpà day kidoen kenyo, kinità niyo heman se ininang day amon ketebangan kaw.

Efeso 2:5

so pengkey iling kidon te nematay tandà te peg-inang tadon te medaet, meneng binegayan kidon te Timanem te kaling pedowan tandà te pegpesakop tadon diyà ki Cristo. Pineokit te tabang te Timanem kenitadon, impelowà kidon din lekat te salà.

2 Korinto 13:4

Wedà kulu si Cristo inlansang diyà te kros, meneng neantay sikandin lekat te nematay so doen tolos te Timanem kidoen kandin. Iling a kenyan, so pengkey melomay se lawa ko, meneng kitaen niyo kwani te binegayan a te Timanem te eneg amon megpelumun kenyo.

2 Korinto 6:10

Pengkey medita se kelidoan ko dini te keneyonan seini, meneng gayed doen luba ko lekat ki Cristo. Sagkep a, meneng dakel se ipegkeliwat ko diyà te doma otaw pineokit te pegtoladà ko kandan. Wedad kedònan ko dini te keneyonan, meneng doen dakel ontong intagò kanak doton te langit.

Mat. 13:52

Minikagi si Jesus, “Aw doen otaw biyasa te kagi te Timanem tapay insolat, aw meg-iling heman sikandin te kaling itoladà ko tepad te peglowan te Timanem, iling sikandin te otaw doen dakel kedònan gayed din eggemiten, pengkey tapay aw kaling.”

Juan 16:33

Minikagi a kani diyà kenyo amon doen kelinaw te pedowan niyo tandà te pegpesakop niyo diyà kanak. Pengkey pemilangen kaw te otaw dini te keneyonan, meneng pegpekagsen kaw, so dinaeg ko se kedita te medaet dini te keneyonan.”

1 Tesalonika 4:4

Keilangan mèpiya se pegpengognan te teg sebad-sebad kenyo menge meama, aw kenà mekeyèyaay.