2 Korinto 4:11 - Manobo Sarangani

¹¹ Melikit a agpet eg-imetayan tandà te pegtaking ko ki Jesus, amon te eked a pa kematay, onà kitaen te menge otaw se keentayan i Jesus diyà te lawa ko.

2 Korinto 4:11 ပူးပေါင်းရင်းမြစ်များ

1 Korinto 15:49

Aw ininang te tanà se lawa tadon seini iling te lawa i Adam, doen aldaw domateng mebaloy se lawa tadon doton te langit iling te lawa i Cristo.

Roma 8:36

Doen insolat kidoen te kagi te Timanem tepad te menge kelimahan sìyan, “Gayed kay agpet imetayan tandà te pegtaking day kamno. Yan eg-ilingen kay te menge ayam-ayam karniro agpet iyawen.”

2 Korinto 5:4

Dalem te peg-ogpà ko dini te keneyonan, doen pa kelimahan ko, meneng kenà ibeg ko ayas a matay, meneng ibeg ko begayan a te kaling lawa doton te langit, amon keselilinan se lawa ko seini egkeledak te lawa eked palos kematay.

1 Korinto 15:31

Menge kedowa ko, Pengolo tadon si Jesu Cristo se netaga-taga te benal a neluba kenyo. Netegahan din heman te agpet a eg-imetayan te kelikit te aldaw tandà te pegtaking ko kandin.

Roma 8:11

Timanem se mig-antay ki Cristo lekat te nematay. Yan aw eg-ogpaan kaw te Espiritu Santo, entayen heman te Timanem se lawa niyo lekat te nematay pineokit te Espiritu Santo eg-ogpà kidoen kenyo.

2 Korinto 4:10

Melikit a agpet matay iling te neokitan i Jesus kedengan, meneng gayed a din ipegpelowà amon ketegahan te doma otaw te benal neantay si Jesus.

2 Korinto 4:12

Pengkey doen kelimahan neokitan ko tandà te pegtoladà ko, meneng kunù doen ontong te pedowan niyo.

2 Korinto 6:9

Pengkey doen menge otaw eked pegsagman kanak, meneng nedengeg a pa diyà te doma otaw. Pengkey doen meibeg mengimatay kanak, meneng egtebangan a te Timanem. Pengkey impeokit a te Timanem diyà te kelimahan amon toledaan a din, meneng wedà a kematay.