2 Korinto 4:10 - Manobo Sarangani

¹⁰ Melikit a agpet matay iling te neokitan i Jesus kedengan, meneng gayed a din ipegpelowà amon ketegahan te doma otaw te benal neantay si Jesus.

2 Korinto 4:10 ပူးပေါင်းရင်းမြစ်များ

Roma 6:5

So migsebad kidon den diyà ki Cristo te pegkematay tadon iling kandin, yan megsebad kidon heman diyà kandin te pegkeantay tadon iling te pegkeantay din.

2 Timoteo 2:11

Benal se kagi seini, “So nematay kidon den doma i Cristo, entayen kidon heman meg-ogpà doma din.

1 Pedro 4:13

Keilangan meluba se pedowan niyo, so iling te migdoma kaw den ki Cristo te pegtayod din te kelimahan dimateng kandin. Aw tomayod kaw te kelimahan, labi kaw pa meluba te aldaw aw komità kaw kandin te peglikò din.

Roma 6:8

So iling te nematay kidon den doma ki Cristo te pegpemenal tadon kandin, yan netegahan tadon te binegayan kidon heman te kaling pedowan wedad temanan iling kandin.

2 Korinto 13:4

Wedà kulu si Cristo inlansang diyà te kros, meneng neantay sikandin lekat te nematay so doen tolos te Timanem kidoen kandin. Iling a kenyan, so pengkey melomay se lawa ko, meneng kitaen niyo kwani te binegayan a te Timanem te eneg amon megpelumun kenyo.

2 Korinto 1:5

Aw ontò a pemilangen iling ki Cristo, ontò a heman tebangan pineokit ki Cristo.

Roma 8:36

Doen insolat kidoen te kagi te Timanem tepad te menge kelimahan sìyan, “Gayed kay agpet imetayan tandà te pegtaking day kamno. Yan eg-ilingen kay te menge ayam-ayam karniro agpet iyawen.”

Kolasas 1:24

Pengkey kineleboso a, meneng neluba a den, so pineokit te kelimahan ko, melobos se pedowan niyo diyà ki Cristo. Pineokit te pegtayod ko te kelimahan, kelumunan ko se kelimahan ibeg i Cristo okitan ko amon ketebangan se kedita te otaw egpemenal, kedita tadon impolingun te lawa i Cristo.

2 Korinto 1:9

so aneng-aneng ko metoman a imetayan. Meneng lekat te ibeg te Timanem se peg-aneng-aneng ko kenyan, amon wedad doma seligan ko, olò Timanem, so sikandin se meg-antay te menge otaw lekat te nematay.

Galasya 6:17

Lekat seini, mèpiya aw wedad otaw mengela te siak se sebad sogounun i Jesus, so doen den menge laas diyà te lawa ko lekat te pegpemilang te doma otaw kanak tandà te pegtaking ko ki Jesus.

Juan 14:19

Te eked kenamay, eked a den todà kitai te menge doma otaw. Meneng sikiyo, todà kaw komità kanak. So doen pedowan ko wedad temanan, begayan kaw heman te pedowan wedad temanan.

Impekità 1:17

Pegkità ko kandin, ontò a nelemitan aw limemlem a diyà te monà din. Wedà a pekeiwal so iling a te otaw nematay. Meneng pinemàdan a din te kowanan belad din aw impetindeg a din. Minikagi sikandin, “Ikà egkelemitan. Siaken se keteboan aw temanan te kedita.

2 Korinto 4:11

Melikit a agpet eg-imetayan tandà te pegtaking ko ki Jesus, amon te eked a pa kematay, onà kitaen te menge otaw se keentayan i Jesus diyà te lawa ko.

1 Pedro 4:14

Aw tompuyusen kaw tandà te pegtaking niyo ki Cristo, keilangan meluba kaw, so egbeyà-beyaan kaw te Espiritu Santo melangkaw.