2 Korinto 3:9 - Manobo Sarangani

⁹ Pengkey mèpiya se pegpetaga-taga te Timanem te ipelumun din se otaw lomàpang te punù ingkeliwat i Moises, meneng labi pa mèpiya se pegpetaga-taga din te eneng-enengen din te metòlid se otaw memenal.

2 Korinto 3:9 ပူးပေါင်းရင်းမြစ်များ

2 Korinto 5:21

Pengkey wedad salà i Cristo, meneng impelumun sikandin te Timanem tandà te salà tadon, amon eneng-enengen te Timanem te metòlid kidon pineokit te pegpesakop tadon diyà ki Cristo.

2 Pedro 1:1

Se solat seini lekat kanak si Simon, doma ngadan ko si Pedro. Sineligan a i Jesu Cristo aw ininang a sogounun din. Seini se solat ko diyà te kedita niyo simalig diyà ki Jesu Cristo. Sikandin se Timanem egpelowà kenitadon. Tandà te ketòlid din, ininang kaw din heman otaw simalig diyà kandin iling te pegsalig day diyà kandin.

Filipos 3:9

aw amon meinang a sakop din. Wedà peg-aneng-aneng se Timanem te metòlid a pineokit te pegtolò ko te menge punù ingkeliwat i Moises, meneng eg-aneng-aneng se Timanem te metòlid a pineokit olò te pegsalig ko ki Cristo, so eneng-enengen te Timanem te metòlid se kedita te otaw somalig ki Cristo.

Galasya 3:10

Meneng se kedita te otaw meibeg eneng-enengen te Timanem te metòlid dan pineokit te pegtolò dan te punù ingkeliwat i Moises, yan se ipelumun te Timanem. So doen kagi te Timanem insolat, “Ipelumun te Timanem se kedita te otaw kenà ontò egtolò te kedita te punù insolat i Moises.”

1 Korinto 15:41

Sebad kemolò se palas te aldaw, aw sebad heman se palas te bolan, aw sebad pa heman se palas te menge bitoen. Pengkey pa diyà te menge bitoen, kenà onawa se palas te kedita niyan.

1 Korinto 1:30

Lekat te ibeg te Timanem, migsebad se pedowan niyo ki Cristo, aw impetaga-taga din se kebiyasa te Timanem diyà kenitadon. Yan netegahan tadon te in-aneng-aneng te Timanem te metòlid kidon, iling kidon te wedad salà aw eked kidon den pelumuni.

Roma 4:11

Penga te pegpemenal i Abraham, migpetolì sikandin. Yan se pengilala te inaneng-aneng te Timanem te metòlid sikandin tandà te pegpemenal din te wedà pa tolii. Yan neinang sikandin olo te kedita te otaw egpemenal pengkey wedà dan tolii, so inaneng-aneng heman te Timanem te metòlid dan tandà te pegpemenal dan.

2 Korinto 3:8

meneng labi pa mèpiya se ipekità te Timanem diyà te menge otaw begayan din te Espiritu Santo.