2 Korinto 3:7 - Manobo Sarangani

⁷ Insolat te Timanem diyà te bato se punù din ingkeliwat i Moises. Pegsolat din te punù sìyan, impeketin din ki Moises se keanyag din, aw penga niyan kinità te menge bowad-bowad i Israel se keanyag te Timanem diyà te bawa i Moises. Ontò minanyag se bawa din igsà wedà ontò peketengteng se menge otaw diyà kandin, so nelemitan dan pengkey gayed migpeloway se keanyag migkewedad. Se punù ingkeliwat i Moises, yan se egpetaga-taga te menge otaw te pelumun aw kemetayun wedad temanan. Pengkey mèpiya se impekità te Timanem te pegbegay din te punù ki Moises,

2 Korinto 3:7 ပူးပေါင်းရင်းမြစ်များ

1 Korinto 13:10

Meneng aw domateng se modi aldaw, aw metoman se kedita te pakang te Timanem, wedad den kekemowan te netegahan tadon, aw ketenanan tadon iyan so wedà pa kesikop.

Roma 10:4

Si Cristo se temanan te menge punù ingkeliwat i Moises. Lekat niyan, eneng-enengen den te Timanem te metòlid se kedita te otaw somalig diyà ki Cristo.

2 Korinto 3:6

so sikandin se nemegay te kebiyasa kanak aw migsogò kanak megtoladà te doen kaling peokit ininang din. Kenà punù insolat se ipegkeliwat ko, meneng ipegkeliwat ko se intoladà te Espiritu Santo kanak. Se tapay punù insolat, yan olò se egpetaga-taga te menge otaw te medaet se pedowan dan. Meneng se Espiritu Santo, yan se egpemegay te kaling pedowan.

2 Korinto 3:3

Si Cristo se migtodà te kenyo pedowan lekat te pegtoladà ko, aw pineokit te tabang te Espiritu Santo wedad temanan din. Ketegahan iyan kenà pineokit te insolat, meneng pineokit te ininang te Espiritu Santo. Insolat iyan kenà kidoen te bato, meneng kidoen te pedowan niyo.

Roma 4:15

Keilangan ipelumun te Timanem se kedita te otaw tandà te peglàpang dan te menge punù ingkeliwat i Moises. Eked kepakay se otaw eked làpang te punù singed aw wedad punù.

Roma 7:10

Pengkey doen kaling pedowan wedad temanan impakang diyà te otaw ontò tomolò te menge punù te Timanem, meneng netegahan ko te detengan a te kemetayun tandà te peglàpang ko te punù din.

Ininang 6:15

Penga niyan, ontò nenginoet se kedita te obanen te simbahan diyà ki Esteban. Nekesapit se bawa din te bawa te anghil.

Roma 7:22

Pengkey didalem te pedowan ko, ibeg ko tomolò a te ibeg te Timanem,

Genesis 3:21

Doen penenaktun ininang te Timanem lekat te kindal te menge ayam-ayam, aw imbegay din iyan diyà ki Adam aw esawa din amon doen penenaktun dan.

Menge Hebreo 9:4

Didalem niyan, doen lemisa ininang te bolawan egsonogan dan te metinadeg. Insawol dan heman kidoen se kaban linoplopan te bolawan. Se kaban sìyan, yan se pengilala te doen peokit ininang te Timanem pesalo doton kandin, aw yan se egsolan te tibod ininang te bolawan nepenò te pan iningedanan mana. Insawol heman doton didalem te kaban se bangkà i Aaron nemokad, aw sìyan didowa bato mebelad sinolatan te Timanem te menge punù impekeliwat din ki Moises.

Roma 5:20

Impekeliwat te Timanem se menge punù din ki Moises, amon metaga-taga kidon te ontò dakel se salà ininang tadon. Meneng pengkey dakel se salà ininang tadon, labi pa dakel se tabang te Timanem kenitadon.

Roma 7:5

Kedengan dalem te pegtaking tadon te ibeg te pedowan tadon, doen medaet ibeg tadon nekeboyo kenitadon pineokit te menge punù ingkeliwat i Moises. Yan se doun te detengan kidon peden te kemetayun, so gayed kidon mig-inang te salà.

2 Korinto 3:8

meneng labi pa mèpiya se ipekità te Timanem diyà te menge otaw begayan din te Espiritu Santo.

Galasya 3:10

Meneng se kedita te otaw meibeg eneng-enengen te Timanem te metòlid dan pineokit te pegtolò dan te punù ingkeliwat i Moises, yan se ipelumun te Timanem. So doen kagi te Timanem insolat, “Ipelumun te Timanem se kedita te otaw kenà ontò egtolò te kedita te punù insolat i Moises.”

Galasya 3:21

Ikà niyo eg-aneng-aneng te pineokit te punù sìyan migkewedad se impakang te Timanem. Kenà niyan, so simpana mekekinawà kidon te pedowan wedad temanan pineokit te pegtolò te punù ingkeliwat i Moises, yan se peokit te meg-aneng-aneng se Timanem te metòlid kidon.

Menge Hebreo 3:3

Pengkey melangkaw si Moises, meneng labi pa melangkaw si Jesus. Pengkey iduyun se balay, meneng labi pa iduyun se otaw mig-inang te balay.

Menge Hebreo 12:18

Aw megpedapag kidon diyà te Timanem, eked kidon den kelemitan iling te menge kemonaan tadon Judiyo gebii. Pegdoton dan te bontod iningedanan Sinay, kinità dan se apoy, aw kengitngit, aw labon, aw kelamag.