2 Korinto 3:5 - Manobo Sarangani

⁵ Kenà lekat te kanak aneng-aneng aw kebiyasa se nekebatog te ininang ko doton kenyo, meneng lekat te Timanem se kebiyasa,

2 Korinto 3:5 ပူးပေါင်းရင်းမြစ်များ

2 Korinto 12:9

Meneng wedà din ebati. Timaba sikandin kanak, kagi din, “Pengkey eden se keokitan no, ontò botong se tabang ko kamno, so aw megkelomay ka, yan ontò ko ipekità te metolos a.” Yan se kagi din kanak. Yan gayed a den egkeluba te doen kelomay ko amon ketegahan te menge doma otaw te doen eneg imbegay i Cristo diyà kanak.

Filipos 4:13

Pengkey eden se domateng kanak, meketayod a te kedita niyan so egtebangan a i Cristo.

1 Korinto 15:10

Meneng pineokit te tabang te Timanem kanak, ininang a din sogounun i Cristo. Doen detengan te tabang din kanak, so labi a pa measeb diyà te kedita te doma sogounun i Cristo te peg-inang ko. Meneng kenà lekat te kanak eneg se nebatog ko, so Timanem se migtabang kanak.

Filipos 2:13

so doen eg-inangen te Timanem kenyo amon meibeg kaw tomolò kandin, aw amon mekebatog kaw tomolò te ibeg din.

Juan 15:5

“Siaken se iling te pinonoan, aw sikiyo se iling te menge belagen ko. Aw meg-ogpà se otaw diyà kanak aw meg-ogpà a heman diyà kandin, yan se otaw mongo te dakel. Meneng aw tomani kaw kanak, wedad palos mebatog niyo.

Santiago 1:17

Mèpiya se kedita te ipegbowang te Timanem, aw wedad kolang niyan. Yan se ipegpemegay te Timanem mig-inang te aldaw aw bolan aw menge bitoen. Pengkey egkealin-alin se bawa te aldaw aw bolan aw bitoen, meneng eked kealin-alin se Timanem, so gayed sikandin egpemegay te mèpiya.

1 Korinto 3:6

Ipegpolingun ko iling te pawà. Siak se minanggas, aw si Apolos se migtonggò, meneng Timanem se migpetilles te intanem.

Luc. 21:15

so dalem te aldaw sìyan, ibegay ko kenyo se kebiyasa amon meketaba kaw kandan. Yan se doun te wedad poon niyo mekedaeg te kenyo kagi.

2 Korinto 4:7

Iling a te koden wedad keelagà sinolan te bolawan meelagà, so pengkey wedad keelagà ko, meneng insalig te Timanem kanak se pegtoladà te kebenalan tepad ki Cristo amon ketegahan te menge otaw te sikandin se eglekatan te tolos. Kenà iyan lekat kanak.

1 Korinto 3:10

Tandà te tabang te Timanem kanak, iling a te otaw biyasa meg-inang te balay. Insawol ko den se petindegan te balay, aw doma otaw se megpedeleg te peg-ipenga te balay sìyan. Meneng pengkey sinu se meg-inang te balay, keilangan meketotok se peg-inang din kenyan.

2 Korinto 2:16

Na, se otaw memenal te itoladà ko, yan se begayan te Timanem te kaling pedowan aw keentayan wedad temanan. Meneng se otaw eked pemenal, yan se detengan te kemetayun wedad temanan. Pengkey doen otaw eg-aneng-aneng te wedad mekebatog megtoladà kenyan, meneng egpekebatog a so egtebangan a te Timanem.

Luc. 24:49

Isogò ko diyà kenyo se Espiritu Santo tapay impakang te Amay ko. Meneng peg-ogpà kaw dini te Jerusalem lamig kinewaen niyo se Espiritu Santo domateng diyà kenyo lekat te langit.”

Genesis 41:16

Timaba si Jose, “Kenà lekat kanak se kebiyasa, meneng Timanem olò se megpetaga-taga kamno te mèpiya kedegdagan niyan.”

Roma 15:18

Olò a meg-indan kenyo tepad te ininang i Cristo pineokit kanak. Doen den menge otaw kenà Judiyo egtolò te Timanem pineokit te pegtoladà ko aw peg-inang ko,

2 Timoteo 2:2

Se kebenalan intoladà ko kamno aw medita doma otaw, yan se keilangan itoladà no diyà te menge doma otaw keseligan amon meketoladà dan heman te menge doma otaw.