2 Korinto 3:12 - Manobo Sarangani

^12-13 So netegahan ko te doen ketomanan te egpelimanan ko, yan se doun te egbengalen ko se pegtoladà ko. Kenà a iling ki Moises so wedad ipeg-eles ko. Penga te pegtoladà din, sinempengan din se bawa din amon eked kitai te menge doma din bowad-bowad i Israel se pegkewedad te keanyag diyà te bawa din.

2 Korinto 3:12 ပူးပေါင်းရင်းမြစ်များ

2 Korinto 7:4

Ontò ko sikiyo egseligan. Ontò ko sikiyo ipegduyun diyà te doma otaw. Ontò a neluba te pegdineg ko tepad kenyo. Pengkey ontò a nelimahan, meneng doen pa gayed keluba ko.

Filipos 1:20

Ibeg ko, gayed ko inangen se kedita insalig te Timanem diyà kanak. Wedà a palos kelemitan te pegtoladà ko, labi den te aldaw songkani, amon gayed iduyun si Cristo pineokit kanak pengkey imetayan a aw eked a imetayi.

Ininang 4:13

Penga niyan, ontò nepela se kedita te obanen te simbahan netipon, so wedà pegketalaw si Pedro aw si Juan te pegtaba dan, pengkey wedà dan ontò pekeiskwila. Meneng mig-aneng-aneng den dan te timaking si Pedro aw si Juan ki Jesus kedengan.

Juan 16:29

Pegdineg te menge tinoledaan din kenyan, minikagi dan, “Nebangal den se inikagi no seini so wedà no iyan peokiti te tegdeyanan.

1 Timoteo 3:13

Aw mèpiya se eg-inangen te menge opisyal te simbahan, besahan dan te menge doma otaw, aw yan eked dan keyàyà te pegtoladà dan tepad te pegpemenal ki Jesu Cristo.

1 Tesalonika 2:2

Te wedà kay pa doton kenyo, ontò medaet se ininang kenami, aw tinompuyus kay doton te Filipos. Meneng pegdateng day doton kenyo, tinebangan kay te Timanem aw yan wedad ketalaw day te pegtoladà day kenyo te Mèpiya Indan lekat te Timanem. Yan se ininang day pengkey medita se otaw migpoon kenami.

Kolasas 4:4

Pegtawal-tawal kaw heman te tebangan a te Timanem te pegtoladà ko kenyan, so keilangan mebangal se ipegtoladà ko.

2 Korinto 10:1

Na, siak si Pablo doen ipunù ko kenyo lekat te pegketinuud aw keido i Cristo. Siak ekon se telawun aw kidoen a doma niyo, meneng mebolot a ekon aw somolat a kenyo lekat te mediyò.

2 Korinto 4:13

Doen insolat diyà te kagi te Timanem, “Iindan ko se pinemenalan ko.” Iling heman kenyan se kanak pegpemenal, so pengkey nelimahan a, meneng iindan ko pa se pinemenalan ko.

1 Korinto 14:19

Meneng aw doen doma ko megsimba, mèpiya aw ikegiyen ko se kagi kelebetan dan amon ketoledaan ko dan. Pengkey olò lima kagi kelebetan dan se ikegiyen ko, yan se labi pa mèpiya diyà te sempolò melalan kagi ikegiyen ko eked dan kelebeti.

Ininang 14:3

Nenamay mig-ogpà si Pablo aw si Bernabe kidoen. Wedà dan pegketalaw te pegtoladà tepad te keido te Pengolo, aw migtabang heman se Pengolo kandan, aw mig-inang dan heman te kepelahan amon metaga-taga se menge otaw te benal se intoladà dan.

Ininang 9:29

Migtoladà si Saulo te menge Judiyo eg-ikagi te kagi te Griego aw migpebelaw-belaway dan. Meneng ibeg dan imetayan sikandin.

Ininang 9:27

Meneng inibing i Bernabe si Saulo doton te menge sogounun i Cristo. Mig-indan sikandin diyà kandan tepad te pegpekità aw peg-ikagi te Pengolo diyà kandin doton te dalan. In-indan din heman kandan te wedà pegketalaw si Saulo te peg-indan din tepad ki Jesus doton te Damasko.

Juan 16:25

“Migtoladà a kenyo kani pineokit te menge tegdeyanan melima kelebetan. Meneng te eked kenamay, domateng se aldaw eked ko peokiti te tegdeyanan se itoladà ko kenyo, so bengalen ko se pegtoladà ko kenyo tepad te Amay ko.

Juan 10:24

Migpedapag se menge obanen te Judiyo kidoen kandin, aw minikagi dan, “Nenamay den wedà day ontò ketegahi aw eden se tod nikaw. Ikà den egbolon diyà kenami aw sinu ka. Indani kay aw sikona se Misiyas megpelowà kenami. Ibeg day ontò mebangal se kagi no kenami.”

2 Korinto 3:11

Pengkey mèpiya se tagnà peokit doen temanan, meneng labi pa mèpiya se kaling peokit wedad temanan.

Filipos 1:14

Lekat te pegkeleboso kanak, labi den egsalig se keditaan te otaw egpemenal diyà te Pengolo tadon. Labi den migkagsen se ibeg dan megtoladà te kagi te Timanem, so wedad den lamit dan.

Filemon 1:8

Doun niyan, doen ibeg ko kamno. So insogò a i Cristo, mepakay aw somogò a kamno meg-inang te metòlid.