2 Korinto 3:1 - Manobo Sarangani

¹ Kenà ko ipegduyun se kanak pegkeotawun. Kenà a iling te menge doma otaw egtoladà, so eked niyo dan segmani singed aw doen solat ipekità dan. Kenà a heman iling te doma otaw egtoladà, so eked dan heman segmani te menge doma otaw singed aw doen solat lekat kenyo.

2 Korinto 3:1 ပူးပေါင်းရင်းမြစ်များ

2 Korinto 12:11

Siak se iling te otaw wedad inenengen so dimuyun a te kanak pegkeotawun, meneng sikiyo se migleges kanak. Mèpiya pa peden aw sikiyo se domuyun kanak. Pengkey doen menge kelomayan ko, meneng kenà melangkaw diyà kanak se menge otaw doton kenyo eg-ikagi te sikandan se benal sogounun i Cristo.

2 Korinto 10:12

Eked a keibeg megpeakop diyà te menge doma menenoladà egduyun te kandan pegkeotawun. Wedad inenengen dan so egpeduyunay dan, aw pengkey eden se inangen dan, yan son dan se metòlid inang.

2 Korinto 5:12

Insolat ko iyan kenà amon iduyun ko se kanak pegkeotawun, meneng amon wedad ikeyàyà niyo kanak, aw amon doen itaba niyo diyà te menge doma otaw egduyun te kandan pegkeotawun kenà tepad te kelobos te pedowan, meneng tepad olò te ketanem dan.

Ininang 18:27

Sagwa neibeg si Apolos domoton te Gresya, migtabang kandin se menge otaw nemenal doton te Efeso. Simolat dan doton te menge otaw dotonan din amon segmanen dan sikandin. Pegdateng din doton te Gresya, mèpiya se pegtabang din te menge otaw nemenal pineokit te tabang te Timanem kandin.

1 Korinto 16:3

Aw domateng a kidoen kenyo, isogò ko se menge otaw egkeseligan niyo amon mengibing dan te tabang niyo doton te Jerusalem.

2 Korinto 12:19

Eden niyo aw sikiyo se petega-tegahan te wedad salà ko pineokit te pegsolat ko seini, so ibeg ko kenà sikiyo se meluba kanak, meneng Timanem se meluba kanak, so egtaking a ki Cristo. Menge kedowa ko, simolat a te kedita nini amon tebangan kaw te pegtaking niyo te Timanem, so nedekelan ko sikiyo te pedowan.

2 Korinto 10:8

Pengkey todà a heman mikagi te insogò a te Pengolo, eked a heman keyàyà so insogò a din kenà amon megbaet a te pegpemenal niyo, meneng amon megtabang a kenyo.

2 Korinto 2:17

Kenà a iling te menge doma otaw egtoladà te kagi te Timanem amon mengewarta. Meneng insogò a te Timanem, aw netegahan din te nelobos se pedowan ko te pegtoladà te Mèpiya Indan tepad ki Cristo.

1 Korinto 10:33

Peg-iling kaw kanak, so ibeg ko ketebangan se kedita te otaw. Kenà olò kenaken kèpiyaan se eg-eneng-enengen ko, meneng eg-eneng-enengen ko heman se kèpiyaan te kedita te doma otaw, so ibeg ko mekelowà dan lekat te salà.

1 Korinto 4:15

Pengkey pila gatos se doma otaw megtoladà kenyo tepad ki Cristo, meneng ikà niyo egkelibel te siaken olò se amay niyo, so nemenal kaw ki Cristo pineokit te pegtoladà ko kenyo te Mèpiya Indan.

1 Korinto 3:10

Tandà te tabang te Timanem kanak, iling a te otaw biyasa meg-inang te balay. Insawol ko den se petindegan te balay, aw doma otaw se megpedeleg te peg-ipenga te balay sìyan. Meneng pengkey sinu se meg-inang te balay, keilangan meketotok se peg-inang din kenyan.

Roma 16:1

Nayan, iindan ko den kenyo tepad ki Febe. Sikandin se doma tadon egsalig diyà ki Cristo, aw sebad opisyal te simbahan doton te Sengkriya.

2 Korinto 10:18

Na, eked duyuni te Timanem se otaw domuyun te kandin pegkeotawun. Meneng aw Timanem se domuyun te otaw, yan ketegahan din te ontò iyan benal.