2 Korinto 2:17 - Manobo Sarangani

¹⁷ Kenà a iling te menge doma otaw egtoladà te kagi te Timanem amon mengewarta. Meneng insogò a te Timanem, aw netegahan din te nelobos se pedowan ko te pegtoladà te Mèpiya Indan tepad ki Cristo.

2 Korinto 2:17 ပူးပေါင်းရင်းမြစ်များ

2 Korinto 4:2

Ontò ko pig-ekedan se medaet inang, sìyan megbolon aw mekeyàyà. Wedà a peglegawa te doma otaw. Meneng ontò ko binangal se pegtoladà te kagi te Timanem. Netegahan te Timanem te kebenalan se intoladà ko, aw netegahan iyan te kedita te otaw.

2 Korinto 1:12

Ontò a neluba, so netegahan ko te ontò metòlid se keogpà ko. Pengkey kenan a pesalo, aw labi pa doton kenyo, metòlid se keogpà ko aw mèpiya heman se tod ko kenà pineokit te kenaken kebiyasa, meneng pineokit te tabang te Timanem kanak.

Impekità 2:20

Meneng netegahan ko te doen heman medaet eg-inangen niyo, so mepakay diyà kenyo aw toledaan kaw te bayi si Jesebel egpelingo-lingo telekeliwat te kagi te Timanem. Egboyo sikandin te menge sakop ko pineokit te pegtoladà din te mepakay aw lomayok dan te kenà kandan esawa, aw komaen dan heman te pengelapen ipegpemegay diyà te kenà benal timanem.

Judas 1:4

Yan simolat a den kenyo so doen den menge otaw kenà egpemenal te Timanem minakop diyà kenyo te wedà niyo ketegahi. Tinodà dan se kebenalan tepad te keido te Timanem, so egtoladà dan te mepakay aw meg-inang kaw te medaet so gayed kaw egkeidowan te Timanem. Kenà dan egpemenal te Pengolo tadon si Jesu Cristo eglowan diyà kenitadon. Simolat se menge telekeliwat te kagi te Timanem gebii aw eden se pelumun domateng kandan.

Tito 1:11

Meneng keilangan segdahen no se pegtoladà dan, so medita se pamilya egsemoken dan pineokit te pegtoladà dan te eked kepakay itoladà. Meneng yan se ipegtoladà dan amon mengewarta dan.

1 Korinto 5:8

Yan se doun te mèpiya aw megpesiontong kidon diyà te Timanem tandà te peglengà tadon te peg-inang te medaet, so yan se iling te yist mekeketin kenyo. Meneng keilangan lobosen tadon se pedowan te pegtaking tadon te kebenalan, so yan se iling te pan wedad yist.

Mat. 24:24

Doen menge otaw domateng megpelingo-lingo te sikandan se Misiyas aw menge telekeliwat te kagi te Timanem. Meg-inang dan heman te menge kepelahan amon keekalan dan peden heman se menge otaw pinemallì te Timanem.

1 Juan 4:1

Menge kedowa egkedekelan ko te pedowan, ikà niyo egpemenal te kedita te otaw megtoladà kenyo singed aw onà kaw mengemahà aw lekat te Timanem se intoladà dan, so medita se otaw eglegeb-legeb dini te keneyonan aw egpelingo-lingo te telekeliwat dan te kagi te Timanem.

Ininang 20:20

Wedà a pegketalaw te pegtoladà ko kenyo te mèpiya, pengkey doton te simbahan aw doton heman te teg sebad-sebad balay.

Impekità 19:20

Pegbolaw dan, dinakep se menenanap mebolot. Dinakep heman se telekeliwat te kebolalaw, sìyan tapay mig-inang te menge kepelahan pineokit te tolos te simogò kandin, amon meg-akal te kedita te otaw pinengilelaan te menenanap mebolot aw otaw migsimba te inotaw impeinang din. Penga niyan, in-agbel se menenanap aw telekeliwat din doton te lanaw apoy doen esopri eglegdeg.

Impekità 12:9

Yan indagdag se dakel nagan lekat te langit. Sikandin se migpelingo-lingo memokan gebii, aw iningedanan ki Satanas, aw biyasa sikandin eg-akal te kedita te otaw te keneyonan. Indagdag sikandin lekat te langit kidoen te tanà sipat kedita te anghil din.

Ininang 20:27

so ontò a migtoladà kenyo te kedita te ibeg te Timanem.

Menge Hebreo 11:27

Simalig sikandin diyà te Timanem, aw yan pegkesayo din lekat te Ehipto, wedà sikandin kelemitan te meopal se selotan kandin. Gayed sikandin egsalig diyà te Timanem so iling te egkitaen din se Timanem kenà egkitaen.

2 Korinto 1:18

Egkeseligan se Timanem, aw netegahan din te ontò benal se intoladà ko kenyo.

2 Korinto 6:7

Ipekità ko te metòlid se eg-inangen ko so egtoladà a heman te kebenalan, aw ontò a egtebangan te tolos te Timanem. Iling a te sondalo doen kekamang eked dàgi te poon din, so iling te sondang aw kelasag se ketòlid te pedowan imbegay te Timanem kanak.

2 Korinto 11:11

Meneng pengkey eked a pemoyò te togpò lekat kenyo, ikà niyo eg-aneng-aneng te wedà ko sikiyo kedekeli te pedowan. Netegahan iyan te Timanem te ontò dakel se pedowan ko kenyo.

2 Korinto 12:19

Eden niyo aw sikiyo se petega-tegahan te wedad salà ko pineokit te pegsolat ko seini, so ibeg ko kenà sikiyo se meluba kanak, meneng Timanem se meluba kanak, so egtaking a ki Cristo. Menge kedowa ko, simolat a te kedita nini amon tebangan kaw te pegtaking niyo te Timanem, so nedekelan ko sikiyo te pedowan.

Galasya 1:6

Menge kedowa ko, ontò a nepela kenyo, so te wedà pa kenamay, timinàyog kaw den ekon te Timanem timawal kenyo pineokit te tabang i Cristo. Nemenal kaw den ekon te sebad kemolò toladà tepad te kelowaan te otaw.

1 Tesalonika 2:4

Meneng egtoladà kay so netaga-taga se Timanem te mèpiya se tod day, aw sineligan kay din te Mèpiya Indan tepad ki Cristo. Egtoladà kay kenà amon meluba se menge otaw kenami, meneng ibeg day meluba se Timanem kenami, so sikandin se egketaga-taga te ontò ibeg te pedowan tadon.

1 Pedro 4:11

Aw insogò kaw te Timanem megtoladà, keilangan kagi te Timanem se itoladà niyo. Aw insogò kaw te Timanem megtabang te doma otaw, keilangan measeb kaw megtabang, so begayan kaw te Timanem te eneg. Aw iling kenyan se kedita te eg-inangen niyo, iduyun se Timanem pineokit te pegtabang i Jesu Cristo kenyo. Timanem se iduyun aw lomowan te wedad temanan. Metoman iyan.