2 Korinto 2:16 - Manobo Sarangani

¹⁶ Na, se otaw memenal te itoladà ko, yan se begayan te Timanem te kaling pedowan aw keentayan wedad temanan. Meneng se otaw eked pemenal, yan se detengan te kemetayun wedad temanan. Pengkey doen otaw eg-aneng-aneng te wedad mekebatog megtoladà kenyan, meneng egpekebatog a so egtebangan a te Timanem.

2 Korinto 2:16 ပူးပေါင်းရင်းမြစ်များ

Juan 9:39

Minikagi si Jesus, “Insogò a dini te keneyonan amon ipekità ko se awop te pedowan te kedita te otaw. Se otaw iling te bota so wedà dan kità te kebenalan, yan se tebangan ko amon komità dan. Meneng se otaw eden dan aw kimità dan te kebenalan, yan se pekitaan ko te iling dan te otaw bota.”

Luc. 2:34

Migtawal-tawal si Simeon te ketebangan dan te Timanem, aw minikagi sikandin diyà te inay te batà si Maria, “Na, meinang se batà seini pengilala kitaen te medita bowad-bowad i Israel. Aw komità dan kandin, medita se otaw komulu kandin aw ipelumun dan, meneng medita se doma otaw somalig diyà kandin aw mekelowà dan lekat te pelumun,

1 Korinto 15:10

Meneng pineokit te tabang te Timanem kanak, ininang a din sogounun i Cristo. Doen detengan te tabang din kanak, so labi a pa measeb diyà te kedita te doma sogounun i Cristo te peg-inang ko. Meneng kenà lekat te kanak eneg se nebatog ko, so Timanem se migtabang kanak.

2 Korinto 12:11

Siak se iling te otaw wedad inenengen so dimuyun a te kanak pegkeotawun, meneng sikiyo se migleges kanak. Mèpiya pa peden aw sikiyo se domuyun kanak. Pengkey doen menge kelomayan ko, meneng kenà melangkaw diyà kanak se menge otaw doton kenyo eg-ikagi te sikandan se benal sogounun i Cristo.