2 Korinto 2:14 - Manobo Sarangani

¹⁴ Meneng ontò a egpesiontong diyà te Timanem, so sikandin se nenalo kenitadon, aw impetaking kidon din te ibeg din, aw impeakop kidon din diyà ki Cristo. Insalig te Timanem diyà kenitadon se kebenalan tepad ki Cristo amon ipetaga-taga tadon iyan diyà te kedita te otaw, so mèpiya se kebenalan tepad ki Cristo, iling te sebad metinadeg keedekan pengkey kenan.

2 Korinto 2:14 ပူးပေါင်းရင်းမြစ်များ

Roma 8:37

Meneng pengkey egdetengan kidon te kedita te kelimahan sìyan, ontò kidon domaeg, so meketayod kidon pineokit te tabang i Cristo gayed doen dakel pedowan kenitadon.

Efeso 5:2

Keilangan gayed kaw megpedekelay te pedowan iling te kedakel te pedowan i Cristo kenitadon. Pegkematay i Cristo doton te kros, simelilin sikandin kenitadon, aw yan neinang sikandin iling te ayam-ayam inimetayan amon mesinalay se Timanem.

Roma 6:17

Kedengan, neallang kaw te salà. Meneng ontò a den egpesiontong diyà te Timanem, so nelobos den se pedowan niyo egtolò te kebenalan intoladà kenyo tepad te Timanem pinesekopan niyo.

2 Korinto 9:15

Mèpiya aw ontò kidon megpesiontong diyà te Timanem Amay, so mèpiya se tabang din kenitadon, so insogò din se Batà din si Jesus. Eked a pekebatog meg-indan te kedalem te tabang din, so ontò iyan mèpiya.

Kolasas 2:15

Dinaeg te Timanem se kedita te metolos aw eglowan, aw impetaga-taga din te kedita tadon te nenalo den sikandin diyà te kedita dan pineokit te pegkematay i Jesus doton te kros.

Roma 15:19

aw pineokit te menge kepelahan egkeinang, aw pineokit te tolos te Espiritu Santo. Yan migtoladà a te Mèpiya Indan tepad ki Cristo doton te kedita te ogpeanan lekat te Jerusalem taman te Ilirico.

Impekità 7:12

Minikagi dan, “Metoman iyan. Melangkaw se Timanem eglowan diyà kenitadon, aw yan iduyun tadon den sikandin, aw segmanen tadon sikandin, so ontò sikandin biyasa. Egpesiontong kidon heman kandin, aw ipelangkaw tadon sikandin, so metolos sikandin, aw eglowan diyà te kedita te wedad temanan. Metoman iyan.”

Kolasas 1:23

Meneng keilangan gayed kaw somalig diyà ki Jesu Cristo, aw keilangan lobosen niyo se pegpemenal niyo kandin. Ikà niyo egsoway lekat te kagi te Timanem pinemenalan niyo tepad ki Cristo, so doen den egpelimanan niyo. Yan se Mèpiya Indan intoladà den diyà te menge otaw doton te kebelad te keneyonan, aw yan heman se ipegtoladà ko.

Kolasas 1:6

intoladà den doton kenyo aw doton te kebelad te keneyonan. Medita den se doma otaw nemenal kenyan, aw eg-inang den dan te mèpiya. Mig-iling kaw heman kandan, so lekat te aldaw te pegdineg niyo te doen tabang te Timanem kenyo, olò mèpiya se eg-inangen niyo, so netegahan niyo den te benal iyan.

Filipos 4:18

Wedad den kepulukan ko so nekekinawà a den te kwarta impeibing niyo kanak, igsà doen pa samà. Wedad den kepulukan ko so binegayan a den i Epafrodito te impeibing niyo kanak. Iling iyan te metinadeg ipegbegay diyà te Timanem, so kinità din iyan aw neluba sikandin kenyan.

Efeso 5:20

Keilangan gayed kaw megpesiontong te kedita diyà te Timanem Amay tadon pineokit te ngadan te Pengolo tadon si Jesu Cristo.

2 Korinto 8:16

Migpesiontong a diyà te Timanem, so lekat kandin se kedakel te pedowan i Tito kenyo, iling te kedakel te pedowan ko kenyo.

2 Korinto 1:11

Mèpiya aw megtabang kaw kanak pineokit te pegtawal-tawal niyo diyà te Timanem, amon megpesiontong se medita otaw diyà te Timanem tandà te pegpelowà din kanak pineokit te pegtawal-tawal te medita otaw.

1 Tesalonika 3:9

Ontò kay den egpesiontong diyà te Timanem tepad kenyo, so binegayan kay din te keluba pineokit kenyo.

1 Korinto 15:37

Wedà tapay tilles se ipanggas, meneng olò benì wedà pa tilles se ipanggas, pengkey trigo aw doma kemolò te benì.

Juan 16:33

Minikagi a kani diyà kenyo amon doen kelinaw te pedowan niyo tandà te pegpesakop niyo diyà kanak. Pengkey pemilangen kaw te otaw dini te keneyonan, meneng pegpekagsen kaw, so dinaeg ko se kedita te medaet dini te keneyonan.”

Roma 1:8

Monà te kedita te kagi ko kenyo, egpesiontong a diyà te Timanem pineokit ki Jesu Cristo tepad te kedita niyo egpemenal, so pengkey doton te ogpeanan mediyò, medita den se otaw netaga-taga te nemenal kaw den ki Cristo.

1 Korinto 12:8

Se sebad otaw, doen imbegay te Espiritu Santo kandin kebiyasa amon megtoladà te kebenalan diyà te doma otaw. Se sebad otaw, doen imbegay te Espiritu Santo kandin kebiyasa amon meg-indan-indan te toladà amon mekelabet se doma otaw.

1 Korinto 15:57

Meneng megpesiontong kidon diyà te Timanem, so dinaeg din den se kemetayun pineokit te Pengolo tadon si Jesu Cristo, amon tebangan kidon.

1 Tesalonika 1:8

so pineokit kenyo, ingkeliwat den se kagi te Timanem tepad te Pengolo tadon kenà olò doton te Masidonya aw Gresya, meneng netaga-taga den se kedita te otaw te nemenal kaw den te Timanem. Yan se doun te wedad den keilangan te peg-indan day te menge otaw tepad te pegpemenal niyo, so netegahan den dan iyan.

1 Timoteo 2:8

Ibeg ko megtawal-tawal se menge meama doton te kedita ogpeanan. Keilangan metòlid se eg-inangen dan. Keilangan eked dan keopal, aw eked dan heman pegdindil.

2 Timoteo 2:2

Se kebenalan intoladà ko kamno aw medita doma otaw, yan se keilangan itoladà no diyà te menge doma otaw keseligan amon meketoladà dan heman te menge doma otaw.