2 Korinto 2:12 - Manobo Sarangani

¹² Nayan, pegdoton ko te Troas amon megtoladà a te Mèpiya Indan tepad ki Cristo, kinità ko te doen dalan impetagad te Pengolo kanak amon megtoladà a.

2 Korinto 2:12 ပူးပေါင်းရင်းမြစ်များ

Ininang 16:8

Penga niyan, lineklakan dan se Misya aw dimeleg dan doton te Troas.

Ininang 14:27

Pegdateng dan doton te Antyokya, pigtipon dan se kedita te otaw egpemenal amon meg-indan dan te kedita te ininang te Timanem pineokit kandan, so tinebangan dan te Timanem te peg-indan dan te menge otaw kenà Judiyo, aw yan nemenal dan heman te kagi te Timanem.

Kolasas 4:3

Pegtawal-tawal kaw heman tepad kenami, amon doen aldaw ibegay te Timanem kenami te pegtoladà day te kagi din, sìyan kebenalan tepad ki Cristo wedà din petega-tegahi gebii. Kineleboso a pa seini tandà te pegtoladà ko te kebenalan sìyan.

1 Korinto 16:9

so ontò measeb se otaw dini menenalan te itoladà ko, aw doen pa medita inangen ko, pengkey medita se otaw meibeg megsagda kanak.

Roma 1:1

Siak si Pablo se simolat kani. Sineligan a i Jesu Cristo. Pinemallì a din amon inangen a sebad sogounun din megtoladà te Mèpiya Indan te Timanem tepad ki Cristo.

Ininang 20:8

Medita se solò kidoen te gibelayan pigtiponan day.

Ininang 16:11

Simakay kay te dakel belangay lekat te Troas, aw minatas kay doton te polò iningedanan Samotrasya. Keeldawan niyan, simakay kay heman doton te Niyapolis.

1 Korinto 9:12

Aw mepakay se pegpenogpò niyo te menge doma menenoladà, sikami se labi pa niyo togpoan, so sikami se onà migtoladà kenyo. Pengkey mepakay aw memoyò kay te togpò lekat kenyo, meneng wedà kay palos pemoyò. Pengkey nelimahan kay, meneng wedà kay palos pemoyò lekat kenyo, amon eked kebelebagi se menge otaw menenalan te Mèpiya Indan intoladà day tepad ki Cristo.

1 Korinto 9:14

Iling kenyan, migpunù se Pengolo tadon te keilangan togpoan te otaw menenalan se otaw megtoladà kandan te Mèpiya Indan tepad ki Cristo.

1 Korinto 9:16

Eked ko duyuni se pegkeotawun ko te migtoladà a te Mèpiya Indan, so insogò a te Timanem megtoladà kenyan, aw ipelumun a din aw eked a tolò.

2 Korinto 4:3

Meneng se Mèpiya Indan tepad ki Cristo intoladà ko, wedà iyan kelebeti te menge otaw egpesalo doton te pelumun,

2 Korinto 4:4

so se menge otaw wedà pemenal, impekagsen i Satanas se olo dan amon eked dan kelebeti se Mèpiya Indan tepad te kelangkaw i Jesu Cristo, so egkitaen se keanyag te Timanem diyà te bawa i Cristo.

2 Korinto 8:18

Ipetaking ko ki Tito se sebad kedowa tadon egpemenal. Nedengeg sikandin diyà te kedita te otaw nemenal ki Cristo, so biyasa sikandin egtoladà te Mèpiya Indan tepad ki Cristo.

2 Korinto 9:13

Aw kitaen dan se pegtabang niyo kandan, iduyun dan se Timanem, so lekat te kebowasag niyo se pegtabang niyo kandan aw diyà te kedita te otaw. Iduyun dan heman se Timanem so egtoloen niyo se Mèpiya Indan tepad ki Cristo egseligan niyo.

2 Korinto 10:14

Wedà a làpang te sogò te Timanem te pegtoladà ko kenyo te kagi din, meneng siak se monà kimidoen kenyo, so insogò a din meg-indan te Mèpiya Indan tepad ki Cristo.

2 Korinto 11:4

Netetana a aw menenalan kaw te menge otaw domoton kenyo megtoladà te doen doma egpelowà kenà si Jesus, sìyan intoladà ko den kenyo. Egtoladà dan te doen sebad kemolò Espiritu Santo aw Mèpiya Indan kenà iling te pinemenalan niyo kedengan. Nepela a, so neibeg kaw te migtoladà dan kenyan.

2 Korinto 11:7

Pegtoladà ko kenyo te Mèpiya Indan lekat te Timanem, wedà ko sikiyo pebeyadi, so migtabang a kenyo te wedad togpò amon doen ontong niyo te toladà ko. Meneng yan besi se salà ko kenyo.

1 Tesalonika 3:2

aw yan insogò day si Timoteo doton kenyo. Sikandin se kedowa tadon sineligan heman te Timanem te pegtoladà te Mèpiya Indan tepad ki Cristo. Insogò day sikandin meg-antag te pedowan niyo amon melobos se pegtaking niyo te Timanem,