2 Korinto 2:11 - Manobo Sarangani

¹¹ Mèpiya aw pegwedaden tadon se salà ininang te otaw sìyan amon eked kidon keekali i Satanas, so ontò tadon den netegahan se menge medaet ibeg i Satanas.

2 Korinto 2:11 ပူးပေါင်းရင်းမြစ်များ

1 Pedro 5:8

Peg-ahà kaw. Keilangan megpeketagad kaw, so egpengemahà se poon tadon si Satanas te otaw pegbàtan din, iling te liyon binallos gayed egpengemahà te okadan niyan aw kànen.

2 Korinto 11:3

Meneng nelemitan a aw metodà se ibeg niyo tomaking ki Cristo. Iling kenyan se peg-akal i Satanas ki Eva gebii pineokit te peg-akal te memokan kandin.

Luc. 22:31

Penga niyan, minikagi si Jesus diyà ki Pedro, “Simon, penenalan ka kanak. Pinemoyò i Satanas diyà te Timanem amon megtandà kenyo, iling te inangen te otaw meg-etap te omay trigo.

2 Korinto 4:4

so se menge otaw wedà pemenal, impekagsen i Satanas se olo dan amon eked dan kelebeti se Mèpiya Indan tepad te kelangkaw i Jesu Cristo, so egkitaen se keanyag te Timanem diyà te bawa i Cristo.

Mat. 4:10

Meneng minikagi si Jesus, “Satanas, kesayo ka. Eked a pegsimba kamno, so doen kagi te Timanem insolat, ‘Timanem se Pengolo niyo aw sikandin se keilangan simbahen niyo, so sikandin olò se mepakay tekingan niyo.’”

2 Korinto 11:14

Meneng eked tadon kepelahi se eg-inangen dan, so iling dan ki Satanas egpelingo-lingo te sikandin se sebad anghil insogò te Timanem.

1 Korinto 7:5

Ikà niyo eg-eked te pegpeleyokay singed aw megsebad se pedowan niyo te eked kaw pegpeleyokay te pila se aldaw amon tomayod kaw megtawal-tawal. Pegkepenga niyan, todà kaw pegpeleyokay amon eked kaw keboyo i Satanas pineokit te ibeg te lawa niyo.

2 Timoteo 2:25

Aw megtoladà sikandin te menge otaw kenà egpemenal te kagi din, keilangan mèpiya se pedowan din kandan, so doen besi aldaw ibegay te Timanem kandan amon megselsel dan aw metaga-taga dan te kebenalan.

Juan 13:2

Kimaen dan te iyambong. Kidoen heman si Judas Iscariote, batà i Simon, tapay binoyo i Satanas amon megtolok ki Jesus.

Impekità 2:24

Doen pa ikegiyen ko diyà te kedita niyo tege Tiyatira wedà taking te medaet intoladà te bayi sìyan, diyà te kedita niyo wedà peg-iling te egtewalen din kebiyasa, meneng lekat iyan ki Satanas. Wedad den doma ipunù ko kenyo,

Ininang 1:25

somelilin ki Judas aw meinang sogounun megtelaban kenami, se terbaho tinenanan i Judas pesalo doton te temanan din.”

Impekità 13:8

Simbahen iyan te kedita te otaw te keneyonan, sìyan menge otaw wedà kesolat se ngadan dan kidoen te libro sinolatan te ngadan te kedita te otaw begayan te kaling pedowan wedad temanan. Yan se libro insolat te Karniro inimetayan, aw insolat iyan te wedà pa inangi se keneyonan.