2 Korinto 13:7 - Manobo Sarangani

⁷ Megtawal-tawal a diyà te Timanem tepad kenyo amon metòlid se inangen niyo. Kenà ibeg ko ipekità kenyo te metòlid se eg-inangen ko, meneng ibeg ko inangen niyo se metòlid, pengkey wedad otaw metaga-taga te insogò a i Cristo megpelumun kenyo.

2 Korinto 13:7 ပူးပေါင်းရင်းမြစ်များ

Santiago 1:12

Aw meketayod se otaw te kelimahan, yan se otaw ontò meluba, so penga niyan, doen ontong kinewaen din, se kaling pedowan impakang te Timanem diyà te kedita te otaw doen dakel pedowan kandin.

2 Timoteo 4:18

Pengkey eden se medaet inangen dan peden kanak, meneng ipelowà a din lekat kenyan aw ibingen a din doton te langit te kandin peglowan. Sikandin se iduyun te wedad temanan. Metoman iyan.

2 Timoteo 2:15

Pegpekeaseb ka te eg-inangen no amon meluba se Timanem kamno. Keilangan metòlid se pegtoladà no te kagi te Timanem amon wedad mekeyàyà kamno.

1 Timoteo 2:2

Pegtawal-tawal kaw tepad te menge selotan aw tepad te kedita te otaw eglowan, amon mèpiya se keogpà tadon dalem te pegtolò tadon te Timanem aw peg-inang tadon te ontò metòlid.

1 Tesalonika 5:23

Ibeg day, ontò kaw linisan te Timanem egpemegay te kelinaw te pedowan. Ibeg day tonggoan din heman se pedowan niyo, aw aneng-aneng niyo, aw lawa niyo, amon wedad palos isila kenyo te peglikò te Pengolo tadon si Jesu Cristo.

Filipos 4:8

Nayan, menge kedowa ko, sebad mendad se ikegiyen ko kenyo. Keilangan wedad palos eneng-enengen niyo singed aw benal iyan, aw doen ontong, aw metòlid, aw wedad salà, aw ikeluba, aw mèpiya dengeg. Pengkey eden se mèpiya, aw mepakay iduyun, yan se keilangan gayed niyo eneng-enengen.

1 Pedro 2:12

So tengtengen kaw te menge otaw wedà pa pemenal te Timanem, yan keilangan ontò metòlid se eg-inangen niyo, amon aw mikagi dan te doen salà niyo, metaga-taga dan beling te mèpiya se eg-inangen niyo, aw yan se doun te iduyun dan se Timanem te aldaw te pegdateng din.

2 Korinto 13:9

Yan pengkey wedad otaw ipelumun ko doton so migselsel den dan, meneng meluba a aw magsen kaw meg-inang te metòlid. Gayed ko ipegtawal-tawal diyà te Timanem te ontò melobos se pegpemenal niyo.

2 Korinto 10:18

Na, eked duyuni te Timanem se otaw domuyun te kandin pegkeotawun. Meneng aw Timanem se domuyun te otaw, yan ketegahan din te ontò iyan benal.

2 Korinto 10:10

Doen ekon otaw kidoen kenyo eg-ikagi te tabag a ekon mebolot aw neopal a te pegsolat ko kenyo, meneng aw kidoen a doma niyo, iling a ekon te telawun, aw wedad ekon toig ko te pegtoladà.

2 Korinto 8:21

Yan ipetaking ko sìyan sebad otaw egkeseligan amon ketegahan te kedita te otaw aw Pengolo te metòlid se eg-inangen day, so yan se ibeg ko.

2 Korinto 6:4

Pengkey eden se inangen ko, ipekità ko te metòlid se keogpà ko, so keilangan metòlid se eg-inangen te menge otaw insogò te Timanem. Impekità ko den iyan pineokit te pegtayod ko te menge kelimahan.

1 Korinto 11:19

Doen kèpiyaan aw wedà pegsebad se pedowan niyo, so pineokit kenyan, ketegahan aw sinu se egtaking te kebenalan.

Roma 16:10

Indani niyo si Apeles te eg-aneng-aneng a kandin. Egkeseligan sikandin te pegtaking din ki Cristo. Indani niyo heman se pamilya i Aristobulo te eg-aneng-aneng a kandan.

Roma 13:13

Keilangan tomalag mèpiya se eg-inangen tadon amon metaga-taga se kedita te otaw te wedad medaet mekeyàyà kenitadon. Ikà niyo eg-iling te otaw egsamok, aw eglasing, aw eglayok te kenà kandan esawa, aw metibayi wedad yàyà. Ikà niyo egdindil. Ikà niyo eg-ingà.

Roma 12:17

Pengkey doen otaw meg-inang te medaet diyà kenyo, ikà niyo eg-inang te medaet diyà kandan. Pegpekeaseb kaw meg-inang te ontò mèpiya eked silahi te doma otaw.

Juan 17:15

Memoyò a den kamno kenà amon ebaten no dan lekat te otaw egtaking te medaet dini te keneyonan, meneng ibeg ko meg-ipat ka kandan amon eked dan keekali i Satanas.

Mat. 6:13

Ikà egpeokit kenami diyà te peg-akal, meneng pekediyoi kay diyà ki Satanas.’

Roma 1:28

So wedà dan pegsagman te Timanem, pinebeyaan din dan. Yan se doun te tomalag den medaet se aneng-aneng dan aw medaet heman se eg-inangen dan.

2 Korinto 13:6

Pengkey eden se aneng-aneng niyo, meneng ibeg ko ketegahan niyo te metòlid a diyà te Timanem, aw insogò a i Cristo.

2 Korinto 13:8

Eked kepakay aw inangen ko se kenà tepad te impunù te Timanem. Se tod ko, ketegahan te kedita te otaw se kebenalan tepad ki Cristo.