2 Korinto 13:5 - Manobo Sarangani

⁵ Ontò niyo eneng-enengi. Sikiyo se keilangan meg-ahà te kenyo pegkeotawun aw lulub kaw ki Cristo. Mèpiya aw lobosen niyo se pegpemenal ki Cristo. Eneng-enengi niyo ini te kenà metòlid se otaw diyà te Timanem singed aw eg-ogpà si Jesu Cristo diyà kandin.

2 Korinto 13:5 ပူးပေါင်းရင်းမြစ်များ

1 Korinto 11:28

Yan keilangan ontò tadon ehaen se kenitadon pedowan te eked kidon pa kaen te pan aw inem.

1 Korinto 9:27

Gayed ko egnedamen se lawa ko te sontok amon melomì ko meibing se lawa ko, so eked a keibeg te penga te pegpeakop ko te doma otaw, eked a pekeakop se kanak.

Impekità 2:5

Eneng-enengi niyo te ontò dakel se pedowan niyo kanak kedengan, aw yan pegselsel kaw so deitek den seini. Todà kaw peg-inang te mèpiya, iling te ininang niyo kedengan. Aw eked kaw pegselsel, yan domoton a kenyo amon ebaten ko se solò lekat kenyo.

Galasya 6:4

Meneng mèpiya aw eneng-enengen te teg sebad-sebad otaw se kandin eg-inangen, so aw megpekeaseb sikandin meg-inang te mèpiya, kenà lekat te eg-inangen te doma otaw se luba din, meneng lekat te kandin eg-inangen.

Menge Hebreo 12:15

Peg-ahà kaw amon wedad otaw doton kenyo komulu te tabang te Timanem. Aw komulu se otaw te tabang te Timanem, iling sikandin te sagbet mekeilo, so mekesamok sikandin te doma otaw egpemenal, aw meboyo dan meg-inang heman te salà.

1 Korinto 11:31

Meneng aw onà tadon ehaen se kenitadon pedowan aw melobos te eked kidon pa kaen, yan eked kidon pelumuni.

Tito 1:16

Pengkey eg-ikagi dan te egtaking dan te Timanem, meneng pineokit te eg-inangen dan, ipegpetaga-taga dan te kenà benal se kagi dan. Eked keibeg se Timanem kandan. Kenà dan egtolò te ipegpunù kandan. Eked dan palos pekebatog se meg-inang te mèpiya.

Galasya 2:20

Pegpemenal ko ki Cristo, iling te nematay a doma kandin kidoen te kros. Lekat niyan, kenà kenaken ibeg se egbayà-bayà kanak, meneng si Cristo se egbayà-bayà kanak so eg-ogpaan a din. Dalem pa te peg-ogpà ko dini te keneyonan, megpesakop a diyà te Batà te Timanem egseligan ko. Dakel se pedowan din kanak aw yan nematay sikandin simelilin kanak.

Juan 14:23

Timaba si Jesus, “Aw dakel se pedowan te otaw kanak, tomolò sikandin te punù ko. Kedekelan heman sikandin te Amay ko te pedowan, aw domoton kay kandin aw meg-ogpà kay kidoen te pedowan din.

Roma 8:10

Meneng aw eg-ogpà si Cristo diyà kenyo, pengkey matay se lawa niyo tandà te salà, meneng binegayan kaw te Timanem te kaling pedowan, so inaneng-aneng din den te metòlid kaw.

Menge Hebreo 4:1

Nayan, doen pa ketomanan te pakang te Timanem te meg-ogpà kidon doma din doton te mèpiya ogpeanan impetagad din. Yan keilangan meg-ahà kidon amon aw domateng se aldaw te peg-okom, wedad peden diyà kenitadon eked peogpai doton.

1 Korinto 9:24

Netegahan niyo den, aw doen koyà, pengkey medita se otaw komagnan, meneng sebad olò se kebegayan te ontong. Tayod kaw heman te pegtaking niyo ki Cristo amon mekekinawà kaw heman te kenyo ontong.

1 Korinto 3:16

Netegahan niyo den ini. Se kedita niyo egpemenal, iling kaw te balay te Timanem, aw eg-ogpà se Espiritu Santo kidoen kenyo.

Juan 15:4

Keilangan meg-ogpà kaw diyà kanak aw meg-ogpà a heman diyà kenyo, so eked pongo se belagen singed aw meg-ogpà diyà te pinonoan. Iling kaw heman kenyan, so wedad ontong niyo singed aw meg-ogpà kaw diyà kanak.

Tito 2:2

Pegtoladà ka te menge temoay te keilangan biyasa dan memallì te metòlid inangen dan. Keilangan metinuud dan. Keilangan tikbel dan. Keilangan melobos se pegsalig dan diyà te Timanem. Keilangan dakel se pedowan dan diyà te doma otaw. Keilangan tomayod dan te kelimahan.

Efeso 3:17

Egpemoyò a diyà te Timanem te gayed meg-ogpà si Cristo diyà te pedowan niyo tandà te pegpemenal niyo kandin. Egpemoyò a heman diyà kandin amon labi pa megkedakel se pedowan niyo diyà te Timanem aw diyà te doma otaw.

Juan 17:26

Impetaga-taga ko den kandan tepad te pegkeotawun no, aw doen pa ipetaga-taga ko kandan tepad kenyan, so ibeg ko, megpedekelay dan te pedowan iling te kedakel te pedowan no kanak, aw meg-ogpà a heman diyà te pedowan dan.”

Juan 17:23

so diyà a kandan aw diyà ka kanak. Ibeg ko, ontò dan megsebad te pedowan amon ketegahan te kedita te otaw dini te keneyonan te sikona se simogò kanak, aw dakel se pedowan no kandan iling te kedakel te pedowan no kanak.

Santiago 4:4

Timanan kaw den te Timanem, iling te otaw timanan te esawa din aw limakad. Nelibelan niyo den besi se kebenalan seini. Se otaw egtaking te medaet ibeg te otaw dini te keneyonan, yan se otaw timinàyog te Timanem. Pengkey sinu otawi se tomaking te medaet ibeg te otaw dini te keneyonan, yan se otaw meinang poon te Timanem.

Kolasas 2:7

Aw lobosen niyo se pegsalig niyo diyà ki Cristo, iling kaw te kayo medalem se dalid, aw iling kaw te balay ontò dimasel. Aw yan se inangen niyo, ketegahan niyo te benal se intoladà diyà kenyo kedengan, aw gayed kaw megpesiontong diyà te Timanem.

Kolasas 1:27

so ibeg din ipetaga-taga din diyà kenitadon te ontò mèpiya se kebenalan seini. Ipetaga-taga din iyan heman doton te menge otaw kenà Judiyo. Seini se kebenalan sìyan wedà din petega-tegahi kedengan, te isogò din si Jesu Cristo meg-ogpà kidoen te kenyo pedowan, aw yan se doun te netegahan niyo te doen kèpiyaan pelimanan niyo doton te langit.

Kolasas 1:23

Meneng keilangan gayed kaw somalig diyà ki Jesu Cristo, aw keilangan lobosen niyo se pegpemenal niyo kandin. Ikà niyo egsoway lekat te kagi te Timanem pinemenalan niyo tepad ki Cristo, so doen den egpelimanan niyo. Yan se Mèpiya Indan intoladà den diyà te menge otaw doton te kebelad te keneyonan, aw yan heman se ipegtoladà ko.

Galasya 4:19

Menge batà ko te pegpemenal, ontò a netetana kenyo, so ontò ko ibeg tiboken niyo se pegtaking ki Cristo.

2 Korinto 6:16

Eked kepakay aw simbahen se inotaw doton te balay te Timanem. Se kedita tadon egpemenal, sikitadon se balay eg-ogpaan te Timanem wedad temanan din. Iling te inikagi te Timanem tepad te menge Judiyo gebii, kagi din, “Meg-ogpà a kidoen kandan. Doen inangen ko kidoen kandan. Siak se simbahen dan, aw siak se megtabang kandan.”

1 Korinto 6:19

Nelibelan niyo den besi ini. Se lawa niyo, yan se eg-ogpaan te Espiritu Santo imbegay te Timanem kenyo, aw kidoen lamig songkani. Yan se doun te kenà kenyo se lawa niyo, meneng Timanem se tig-apò kenyan,

1 Korinto 6:2

Iling te nelibelan niyo den te sikitadon egpemenal se megdoma ki Cristo meg-okom te kedita te otaw te keneyonan te modi aldaw. Aw okomen tadon kwani se kedita te otaw, mepakay kaw heman meg-osay te deitek egkeinang te doma sakop te Timanem songkani.

Juan 6:56

Se otaw komaen te onod ko aw minem te dipanog ko, yan se eg-ogpà diyà kanak, aw siak diyà kandin.

Juan 6:6

Yan se ininsà din amon tendaen din se pegsalig i Felipe diyà kandin, so tapay netegahan din aw eden se inangen din.

1 Pedro 5:9

Salig kaw diyà te Timanem, aw ato kaw ki Satanas, so netegahan niyo te kenà olò sikiyo se egdetengan te kelimahan, meneng nelimahan heman se kedita te doma niyo egpemenal dini lanto te tanà.

Menge Hebreo 6:8

Meneng medaet se pawà egtoboan olò te benganga aw menge doma kemolò te sagbet, so wedad kekemowan niyan. Aw iling kenyan se otaw, agpet dan detengan te pelumun te Timanem.

1 Korinto 6:15

Netegahan niyo den te iling te ogpo lawa i Cristo se lawa niyo. Yan aw migsebad kaw den ki Cristo, eked kepakay aw ipedoma niyo se lawa niyo diyà te lawa te kepoyun. Ontò iyan eked kepakay.

Roma 1:28

So wedà dan pegsagman te Timanem, pinebeyaan din dan. Yan se doun te tomalag den medaet se aneng-aneng dan aw medaet heman se eg-inangen dan.

Tito 1:13

Ontò benal se inikagi din sìyan, aw yan se doun te keilangan ontò ka megsagda kandan amon megketòlid se pegpemenal dan te kebenalan.

2 Timoteo 3:8

Se menge meama egtoladà kandan, egpoon dan te kebenalan iling ki Janes aw si Jambres migpoon ki Moises gebii. Nebàtan se aneng-aneng dan, aw olò dan egpelingo-lingo te egpemenal dan.

1 Timoteo 2:15

Meneng aw gayed somalig se menge bayi diyà te Timanem, aw dakel se pedowan dan, aw metòlid se eg-inangen dan, aw eked dan pegpeduyun, doen kelowaan dan pineokit te pegpemetebaw dan.

Kolasas 2:19

Kenà dan egtaking te Pengolo tadon si Cristo. Sikandin se olo tadon, aw iling kidon te lawa din. Eglowan se olo diyà te lawa, aw doen eg-inangen niyan pineokit te luluwadun aw ogat. Iling heman kenyan, pineokit ki Cristo megkagsen se pegpemenal tadon aw meg-inang kidon te ibeg te Timanem.