2 Korinto 12:9 - Manobo Sarangani

⁹ Meneng wedà din ebati. Timaba sikandin kanak, kagi din, “Pengkey eden se keokitan no, ontò botong se tabang ko kamno, so aw megkelomay ka, yan ontò ko ipekità te metolos a.” Yan se kagi din kanak. Yan gayed a den egkeluba te doen kelomay ko amon ketegahan te menge doma otaw te doen eneg imbegay i Cristo diyà kanak.

2 Korinto 12:9 ပူးပေါင်းရင်းမြစ်များ

Filipos 4:13

Pengkey eden se domateng kanak, meketayod a te kedita niyan so egtebangan a i Cristo.

2 Korinto 12:10

So egtaking a ki Cristo, ontò a den egkeluba pengkey egkelomay a, aw tompuyusen a, aw egkelimahan a, aw egpemilangen a, aw eg-elegen a, so aw egkelomay a, yan egbegayan a te Timanem te kagsen amon meketayod a.

Efeso 3:16

Egtawal-tawal a diyà te Timanem Melangkaw egpemegay te ontò mèpiya, so ibeg ko pekegsenen din se pegsalig niyo diyà kandin pineokit te Espiritu Santo.

1 Korinto 10:13

Se tandà neokitan niyo, onawa iyan te tandà egkeokitan te menge doma otaw. Meneng egkeseligan se Timanem, so eked kaw din peokiti te tandà i Satanas eked niyo kebatog. Aw tendaen kaw, doen dalan inangen te Timanem amon mekelowà kaw, aw begayan kaw din heman te eneg amon meketayod kaw kenyan.

Menge Hebreo 4:16

So doen Telekagon tadon, yan se doun te eked kidon sagkà te peg-apot tadon diyà te Timanem gayed egpenabang, amon keidowan kidon din, aw amon tebangan kidon din aw doen kelimahan tadon.

2 Korinto 12:5

Pengkey mepakay aw domuyun a te kanak pegkeotawun tandà te impekità te Timanem kanak, meneng iindan ko olò se menge kelomayan ko.

1 Korinto 15:10

Meneng pineokit te tabang te Timanem kanak, ininang a din sogounun i Cristo. Doen detengan te tabang din kanak, so labi a pa measeb diyà te kedita te doma sogounun i Cristo te peg-inang ko. Meneng kenà lekat te kanak eneg se nebatog ko, so Timanem se migtabang kanak.

1 Korinto 2:5

Yan nemenal kaw ki Jesu Cristo, kenà lekat te kebiyasa te otaw, meneng lekat te eneg te Timanem.

Kolasas 1:11

Ibeg day lobosen te Timanem se pegsalig niyo diyà kandin pineokit te tolos din, amon meketayod kaw te kelimahan aw meluba heman se pedowan niyo.

Luc. 21:15

so dalem te aldaw sìyan, ibegay ko kenyo se kebiyasa amon meketaba kaw kandan. Yan se doun te wedad poon niyo mekedaeg te kenyo kagi.

2 Korinto 11:30

Na, eked a keibeg domuyun te kanak pegkeotawun, meneng aw meleges a domuyun te kanak pegkeotawun, ipekità ko olò se menge kelomayan ko.

1 Timoteo 1:14

Meneng songkani, ontò a tinebangan te Pengolo, so nemenal a kandin, aw dakel se pedowan ko kandin tandà te pegsebad ko diyà kandin.

Menge Hebreo 11:34

Doen heman menge doma otaw simalig diyà te Timanem aw yan nekelowà dan lekat te dakel apoy. Doen heman nekelowà lekat te belad te otaw mengimatay peden kandan. Doen heman otaw melomay neinang magsen pineokit te pegsalig dan diyà te Timanem. Doen heman wedà pegketalaw te peg-ato dan te menge poon dan, aw yan dinaeg dan se kedita te otaw limompak diyà kandan lekat te mediyò ogpeanan.

Mat. 28:20

Pegtoladà kaw kandan te keilangan tomolò dan te kedita te impunù ko diyà kenyo. Na, gayed a meg-ipat kenyo pengkey lamig te temanan te keneyonan.”

Mat. 28:18

Migpedapag si Jesus diyà kandan aw minikagi, “Impelowan a den diyà te kedita doton te langit aw dini heman te lanto te tanà.

2 Korinto 12:15

Meluba a memegay te kedakel te kwarta ko aw kepagod ko amon kèpiyaan kaw. Pengkey deitek se pedowan niyo kanak, meneng ontò dakel se pedowan ko kenyo.

1 Korinto 2:3

Peg-ogpà ko doton kenyo, iling te melomay se lawa ko aw tinegangtang a, so nelemitan a aw eked ko ketoman se ibeg te Timanem inangen ko doton.

2 Korinto 12:1

Wedad ontong te pegduyun ko te kanak pegkeotawun, meneng iling te neleges a tomaba te menge otaw kidoen. Meneng iindan ko den kenyo se menge impekità te Pengolo kanak, aw doma impetaga-taga din.