2 Korinto 12:1 - Manobo Sarangani

¹ Wedad ontong te pegduyun ko te kanak pegkeotawun, meneng iling te neleges a tomaba te menge otaw kidoen. Meneng iindan ko den kenyo se menge impekità te Pengolo kanak, aw doma impetaga-taga din.

2 Korinto 12:1 ပူးပေါင်းရင်းမြစ်များ

Galasya 1:12

so wedad otaw migtoladà te Mèpiya Indan diyà kanak, meneng impetaga-taga i Jesu Cristo kanak se Mèpiya Indan seini.

1 Juan 5:20

Netegahan tadon heman te dimini se Batà te Timanem te keneyonan amon ketegahan tadon se benal Timanem. Sikitadon diyà te benal Timanem so diyà kidon te Batà din si Jesu Cristo. Sikandin se benal Timanem, aw sikandin se eglekatan te kaling pedowan wedad temanan.

2 Korinto 12:7

Ibeg te Timanem, eked a pegpelangkaw-langkaw tandà te kedita te impekità din kanak. Pinebeyaan te Timanem se sebad sogounun i Satanas memegay kanak te kelimahan eked keabat, amon eked a pegpelangkaw-langkaw.

Galasya 2:2

Dimoton a te Jerusalem, so yan se ibeg te Timanem impetaga-taga din kanak. Pegdateng day doton, migtipon se kedita day menge sogounun i Cristo doton te kesikmihan. In-indan ko kandan se Mèpiya Indan tepad ki Cristo gayed ko ipegtoladà diyà te menge otaw kenà Judiyo. Eg-ikagi a, se otaw memenal ki Jesus, yan se otaw doen kelowaan lekat te salà, kenà pineokit te pegtolò te punù ingkeliwat i Moises. In-indan ko iyan amon ketegahan te menge doma sogounun i Cristo te metòlid se intoladà ko, aw amon eked dan peg-aneng-aneng te kolang se pegtoladà ko te menge otaw kenà Judiyo.

2 Korinto 12:11

Siak se iling te otaw wedad inenengen so dimuyun a te kanak pegkeotawun, meneng sikiyo se migleges kanak. Mèpiya pa peden aw sikiyo se domuyun kanak. Pengkey doen menge kelomayan ko, meneng kenà melangkaw diyà kanak se menge otaw doton kenyo eg-ikagi te sikandan se benal sogounun i Cristo.

2 Korinto 8:10

Na, pengkey eked ko sikiyo sogoi, meneng seini se aneng-aneng ko. Te monà omay, lekat te ibeg niyo se migtebò kaw migtipon te kwarta ibowang. Mèpiya aw tomanen niyo den se pegtipon kenyan.

1 Korinto 10:23

Pengkey mepakay aw inangen ko se kedita mepakay diyà te Timanem, meneng eked a, so wedad ontong te kedita niyan. Pengkey doen mepakay tadon inangen, meneng eked tadon iyan inangi, so eked tadon ketebangi se menge doma otaw egpemenal.

Ininang 23:11

Tengà te delem, migpekità se Pengolo diyà ki Pablo aw minikagi, “Ikà egkelemitan. Mig-indan ka den tepad kanak dini te Jerusalem. Meg-indan ka pa heman doton te Roma.”

Ininang 18:9

Tengà te delem, migpekità se Pengolo diyà ki Pablo, aw minikagi diyà kandin, “Ikà egkelemitan. Ikà eglengà te pegtoladà, meneng ebey ka pa pegtoladà,

Juan 16:7

Meneng seini se kebenalan. Begayan kaw pa te kèpiya pineokit te pegkesayo ko, so simpana eked a kesayo, eked dateng se Teletabang diyà kenyo. Meneng aw mesayo a, somogò a kandin diyà kenyo.

1 Korinto 6:12

Pengkey mepakay aw inangen ko se kedita te ibeg ko, meneng wedad ontong te kedita niyan. Pengkey mepakay aw inangen ko se kedita, meneng eked a keibeg aw meallang a te inang ko.

Juan 18:14

Si Caifas se tapay minikagi diyà te menge obanen te Judiyo te mèpiya aw olò sebad se otaw imetayan amon mekelowà se kedita te otaw.

Efeso 3:3

Netegahan niyo den heman te doen kebenalan impetaga-taga te Timanem diyà kanak pengkey wedà iyan petega-tegahi gebii. Simolat a den te mebabà olò tepad kenyan diyà te solat ko seini.

1 Korinto 14:6

Menge kedowa ko, simpana domoton a kenyo, aw olò a mikagi te kagi eked niyo kelebeti, wedad ontong niyo singed aw mikagi a te impetaga-taga te Timanem kanak, aw megpekelabet a kenyo te kebenalan, aw komeliwat a te kagi te Timanem, aw megtoladà a kenyo.

2 Korinto 12:5

Pengkey mepakay aw domuyun a te kanak pegkeotawun tandà te impekità te Timanem kanak, meneng iindan ko olò se menge kelomayan ko.

2 Korinto 12:9

Meneng wedà din ebati. Timaba sikandin kanak, kagi din, “Pengkey eden se keokitan no, ontò botong se tabang ko kamno, so aw megkelomay ka, yan ontò ko ipekità te metolos a.” Yan se kagi din kanak. Yan gayed a den egkeluba te doen kelomay ko amon ketegahan te menge doma otaw te doen eneg imbegay i Cristo diyà kanak.

1 Tesalonika 4:15

Se itoladà day kenyo seini, yan se impetaga-taga te Pengolo tadon kenami. Aw domateng se aldaw te peglikò te Pengolo tadon, kenà sikitadon wedà pa kematay se mekeonà megkità kandin, so mekeonà se menge otaw egpemenal nematay den.