2 Korinto 11:7 - Manobo Sarangani

⁷ Pegtoladà ko kenyo te Mèpiya Indan lekat te Timanem, wedà ko sikiyo pebeyadi, so migtabang a kenyo te wedad togpò amon doen ontong niyo te toladà ko. Meneng yan besi se salà ko kenyo.

2 Korinto 11:7 ပူးပေါင်းရင်းမြစ်များ

2 Korinto 12:13

Se menge ininang ko diyà te menge otaw nemenal ki Cristo doton te doma lonsod, yan se onawa te ininang ko kenyo. Sebad olò se wedà ko peg-onewai, so wedà ko kinewai se togpò lekat kenyo, meneng kininawà ko se togpò lekat kandan. Pegwedadi niyo bag se salà ko sìyan.

1 Tesalonika 2:9

Menge kedowa day, wedà niyo besi kelibeli te ontò kay migpekeaseb te peg-ogpà day doton kenyo. Pegtoladà day kenyo te Mèpiya Indan lekat te Timanem, gayed kay migterbaho te aldaw aw delem amon eked kaw kelimahi te pegpenogpò niyo kenami.

2 Korinto 10:1

Na, siak si Pablo doen ipunù ko kenyo lekat te pegketinuud aw keido i Cristo. Siak ekon se telawun aw kidoen a doma niyo, meneng mebolot a ekon aw somolat a kenyo lekat te mediyò.

1 Korinto 9:6

Pengkey wedà kay togpoi te menge simbahan, meneng ikà niyo eg-aneng-aneng te olò sikami si Bernabe se keilangan megterbaho amon doen ibayad day te kànen,

2 Tesalonika 3:8

Wedà kay pemoyò te kànen day diyà te menge doma otaw, meneng minayad kay te kedita te kelidoan day. Ontò kay migpekeaseb migterbaho pengkey aldaw aw delem amon eked kaw kelimahi te pegpenogpò niyo kenami.

Ininang 20:34

Netegahan niyo te gayed a migterbaho amon doen ibayad ko te kepulukan ko aw kepulukan te menge doma otaw timaking kanak.

1 Korinto 9:12

Aw mepakay se pegpenogpò niyo te menge doma menenoladà, sikami se labi pa niyo togpoan, so sikami se onà migtoladà kenyo. Pengkey mepakay aw memoyò kay te togpò lekat kenyo, meneng wedà kay palos pemoyò. Pengkey nelimahan kay, meneng wedà kay palos pemoyò lekat kenyo, amon eked kebelebagi se menge otaw menenalan te Mèpiya Indan intoladà day tepad ki Cristo.

Ininang 20:33

“Wedà a palos ingà te kwarta aw penenaktun niyo.

Roma 1:1

Siak si Pablo se simolat kani. Sineligan a i Jesu Cristo. Pinemallì a din amon inangen a sebad sogounun din megtoladà te Mèpiya Indan te Timanem tepad ki Cristo.

2 Korinto 2:12

Nayan, pegdoton ko te Troas amon megtoladà a te Mèpiya Indan tepad ki Cristo, kinità ko te doen dalan impetagad te Pengolo kanak amon megtoladà a.

2 Korinto 10:16

so domeleg a pa amon megtoladà te Mèpiya Indan tepad ki Cristo. Eked a duyun te kanak pegkeotawun te nebatog ko se nebatog te doma otaw doton te doma ogpeanan.