2 Korinto 11:6 - Manobo Sarangani

⁶ Pengkey wedad nael kebiyasa ko megtoladà iling te doma otaw, meneng ontò a biyasa te kebenalan. Netegahan niyo den te ontò benal se intoladà ko kenyo.

2 Korinto 11:6 ပူးပေါင်းရင်းမြစ်များ

Efeso 3:4

Aw megbasa kaw kenyan, ketegahan niyo heman se netegahan ko tepad ki Cristo wedà petega-tegahi gebii.

2 Korinto 4:2

Ontò ko pig-ekedan se medaet inang, sìyan megbolon aw mekeyàyà. Wedà a peglegawa te doma otaw. Meneng ontò ko binangal se pegtoladà te kagi te Timanem. Netegahan te Timanem te kebenalan se intoladà ko, aw netegahan iyan te kedita te otaw.

1 Korinto 1:17

Insogò a i Cristo kenà amon memonyag a, meneng insogò a din amon megtoladà a te Mèpiya Indan tepad kandin. Migtoladà a kenà pineokit te kebiyasa ko, so aw iling kenyan, kebelebagan se pegpemenal te kebenalan tepad te pegkematay i Cristo doton te kros.

1 Korinto 1:21

Wedad otaw metaga-taga te Timanem pineokit te kebiyasa dan. Meneng lekat te kebiyasa te Timanem, miglalang sikandin te ipelowà din se otaw memenal te kebenalan ipegtoladà kandan, pengkey doen otaw eg-aneng-aneng te wedad ontong kenyan.

2 Korinto 12:12

Peg-ogpà ko kidoen kenyo kedengan, kinità niyo te benal a sogounun i Cristo pineokit te menge inang ko. Melayat se pedowan ko kenyo, aw kinità niyo se menge pengilala ininang ko, aw menge kepelahan, aw menge inang metolos.

2 Korinto 10:10

Doen ekon otaw kidoen kenyo eg-ikagi te tabag a ekon mebolot aw neopal a te pegsolat ko kenyo, meneng aw kidoen a doma niyo, iling a ekon te telawun, aw wedad ekon toig ko te pegtoladà.

2 Korinto 5:11

Nayan, so netegahan ko den te ontò melangkaw se Pengolo egsinelowen ko, yan se doun te gayed a egtoladà te menge otaw amon memenal dan. Netegahan den te Timanem te nelobos se pedowan ko kandin, aw ibeg ko metaga-taga kaw heman te doen kelobos te pedowan ko diyà te Timanem.

1 Korinto 2:13

Yan kenà lekat te kebiyasa te otaw se ipegtoladà day, meneng lekat te Espiritu Santo se kagi day, aw yan egtoladà kay te kebenalan tepad te Espiritu Santo diyà te menge otaw egbeyà-beyaan te Espiritu Santo.

2 Korinto 7:2

Nayan, kedekeli a niyo te pedowan. Netegahan niyo man den te wedad palos otaw pig-inangan ko te medaet, aw wedad otaw pigtoledaan ko meg-inang te medaet, aw wedad otaw pigbollogan ko.

1 Korinto 12:8

Se sebad otaw, doen imbegay te Espiritu Santo kandin kebiyasa amon megtoladà te kebenalan diyà te doma otaw. Se sebad otaw, doen imbegay te Espiritu Santo kandin kebiyasa amon meg-indan-indan te toladà amon mekelabet se doma otaw.

2 Korinto 6:6

Impekità ko te metòlid se eg-inangen ko pineokit kani. Nelobos se pedowan ko, aw netegahan ko se kebenalan, aw medalem se pedowan ko, aw egkeidowan ko se doma otaw, aw egbeyà-beyaan a te Espiritu Santo, aw ontò dakel se pedowan ko diyà te menge otaw egpemenal.