2 Korinto 10:7 - Manobo Sarangani

⁷ Eneng-enengi niyo ini. Doen ekon menge otaw doton kenyo eg-ikagi te egtaking dan ki Cristo. Mèpiya aw eneng-enengen dan ini. Aw benal dan egtaking ki Cristo, ontò a heman egtaking se kanak.

2 Korinto 10:7 ပူးပေါင်းရင်းမြစ်များ

2 Korinto 5:12

Insolat ko iyan kenà amon iduyun ko se kanak pegkeotawun, meneng amon wedad ikeyàyà niyo kanak, aw amon doen itaba niyo diyà te menge doma otaw egduyun te kandan pegkeotawun kenà tepad te kelobos te pedowan, meneng tepad olò te ketanem dan.

1 Korinto 14:37

Aw doen otaw kidoen kenyo meg-aneng-aneng te sikandin se komeliwat te kagi te Timanem, aw doen doma kebiyasa din imbegay te Espiritu Santo kandin, yan keilangan ketegahan din te ontò punù te Pengolo tadon se insolat ko seini.

2 Korinto 11:23

Eg-ikagi dan te sikandan se menge sogounun i Cristo. Iling a te otaw migkebook so iduyun ko se kanak pegkeotawun, meneng siak se ontò sogounun i Cristo. Labi pa dakel se kanak neinang diyà kandan. Tandà te pegtoladà ko te kebenalan, melikit a egkelebosowen. Melikit a egbedasen, eked ko den kebilang. Melikit a agpet egkematay.

Juan 7:24

Yan ikà niyo egsila te otaw singed aw ketegahan niyo se ontò kebenalan.”

1 Juan 4:6

Meneng diyà kidon den te Timanem, aw yan se doun te egpenenelanen te kedita te otaw egtaking te Timanem se ipegtoladà tadon. Meneng kenà kidon egpenenelanen te otaw kenà egtaking te Timanem. Yan se pengilala amon ketegahan tadon aw sinu se egtaking te kebenalan aw sinu se egtaking te kebolalaw.

1 Korinto 9:1

Siaken, mepakay a peden memallì te inangen ko, so siaken se sogounun i Cristo, aw kinità ko se Pengolo tadon si Jesus, aw sikiyo se nemenal kandin pineokit te pegtoladà ko.

1 Korinto 3:23

so sakop kaw i Cristo, aw si Cristo se sakop te Timanem Amay.

Galasya 3:29

So migsebad den se pedowan niyo diyà ki Cristo, nekeakop kaw den diyà te menge bowad-bowad i Abraham, aw begayan kaw heman te mèpiya impakang te Timanem.

2 Korinto 10:1

Na, siak si Pablo doen ipunù ko kenyo lekat te pegketinuud aw keido i Cristo. Siak ekon se telawun aw kidoen a doma niyo, meneng mebolot a ekon aw somolat a kenyo lekat te mediyò.

1 Korinto 1:12

Ibeg ko ipekelabet kenyo. Doen ekon eg-ikagi te siak se egtekingan dan. Doen ekon heman menge doma eg-ikagi te si Apolos se egtekingan dan. Doen ekon doma egtaking ki Pedro, aw doen pa ekon eg-ikagi te si Cristo olò se egtekingan dan.

2 Korinto 13:3

so ipetaga-taga ko kenyo te benal si Cristo se migsogò kanak te pegpelumun ko kenyo. Kenà sikandin melomay iling te otaw, meneng doen tolos din te megpelumun kenyo.

2 Korinto 12:11

Siak se iling te otaw wedad inenengen so dimuyun a te kanak pegkeotawun, meneng sikiyo se migleges kanak. Mèpiya pa peden aw sikiyo se domuyun kanak. Pengkey doen menge kelomayan ko, meneng kenà melangkaw diyà kanak se menge otaw doton kenyo eg-ikagi te sikandan se benal sogounun i Cristo.

2 Korinto 11:18

So medita se otaw kidoen kenyo egduyun te kandan pegkeotawun, meg-indan a heman kenyo tepad kanak.

2 Korinto 11:4

Netetana a aw menenalan kaw te menge otaw domoton kenyo megtoladà te doen doma egpelowà kenà si Jesus, sìyan intoladà ko den kenyo. Egtoladà dan te doen sebad kemolò Espiritu Santo aw Mèpiya Indan kenà iling te pinemenalan niyo kedengan. Nepela a, so neibeg kaw te migtoladà dan kenyan.

1 Korinto 15:23

Entayen kidon te Timanem te aldaw pinemallì din, so onà inantay si Cristo, aw penga niyan te peglikò din dini te keneyonan, entayen se kedita tadon menge sakop din.

Luc. 16:15

Meneng minikagi si Jesus, “Sikiyo se egpelingo-lingo te metòlid se eg-inangen niyo, meneng netaga-taga se Timanem te medaet se pedowan niyo. Pengkey megpelangkaw-langkaw kaw, meneng ontò iyan medaet diyà te Timanem.

Mat. 23:5

Gayed dan ipekità diyà te doma otaw se pegtolò dan te menge punù amon iduyun dan. Eg-inangen dan pelaban dakel se solanan te kagi te Timanem egpengibingen dan, aw egpelasan dan se saol dan melayat amon meg-aneng-aneng se doma otaw te ontò melobos se pedowan dan diyà te Timanem.