2 Korinto 10:2 - Manobo Sarangani

² Se ipunù ko kenyo, inangi niyo se metòlid amon eked a pegsagda kenyo aw meglegeb a doton kenyo, so ontò ko segdahen se menge otaw eg-aneng-aneng te egtekingan ko se kanak ibeg iling te otaw kenà egpemenal.

2 Korinto 10:2 ပူးပေါင်းရင်းမြစ်များ

2 Korinto 13:10

Insolat ko tapay ini kenyo te wedà a pa pesalo kidoen, amon wedad segdahen ko aw domateng a doton, so tapay kaw timolò. Benal insogò a te Pengolo kenà amon kebàtan kaw, meneng amon ketebangan kaw.

2 Korinto 13:2

Kedengan te ikedowa ko peglegeb doton kenyo, minikagi a te ipelumun ko se menge otaw mig-inang te medaet. Yan se inikagi ko diyà te menge otaw mig-inang te medaet aw menge otaw wedà peg-inang te medaet. Todà ko den heman sikiyo ikegihan te iyogan ko pineokit te pegsolat ko seini, aw domateng a kidoen, ontò ko sikiyo ipelumun,

Roma 8:5

Aw egbeyà-beyaan se otaw te medaet ibeg te pedowan din, gayed sikandin eg-aneng-aneng tepad te pegtoman din te medaet ibeg din. Meneng aw egbeyà-beyaan te Espiritu Santo se otaw, gayed sikandin eg-aneng-aneng tepad te pegtoman din te ibeg te Espiritu Santo.

Roma 8:1

Yan eked pelumuni te Timanem se kedita te otaw migpesakop diyà ki Jesu Cristo.

Roma 8:4

Yan se ininang te Timanem amon mekeinang kidon te metòlid iling te impunù din ingkeliwat i Moises. Eked kidon keleges tomaking te medaet ibeg te pedowan tadon, so egpenabang se Espiritu Santo kenitadon amon mekeinang kidon te metòlid.

2 Korinto 1:17

Pengkey wedà a pa pekedeleg, meneng kenà egdowa-dowa se ibeg ko lomaoy kenyo. Siak kenà iling te doma otaw kenà egkeseligan aw melomì egketodà se aneng-aneng.

2 Korinto 11:21

Meneng mikagi kaw besi te neyàyà a so eked a keibeg meg-iling kandan. Na, so mebolot dan domuyun te kandan pegkeotawun, mebolot a den heman domuyun te kanak pegkeotawun, meneng iling a te otaw wedad inenengen te peg-indan ko kani.