2 Korinto 10:1 - Manobo Sarangani

¹ Na, siak si Pablo doen ipunù ko kenyo lekat te pegketinuud aw keido i Cristo. Siak ekon se telawun aw kidoen a doma niyo, meneng mebolot a ekon aw somolat a kenyo lekat te mediyò.

2 Korinto 10:1 ပူးပေါင်းရင်းမြစ်များ

2 Korinto 10:10

Doen ekon otaw kidoen kenyo eg-ikagi te tabag a ekon mebolot aw neopal a te pegsolat ko kenyo, meneng aw kidoen a doma niyo, iling a ekon te telawun, aw wedad ekon toig ko te pegtoladà.

Mat. 11:29

Tiangi niyo se ipeibing ko kenyo iling te yogo, aw peg-iling kaw heman kanak, so ontò mèpiya se pedowan ko, aw mekeetod kaw.

Galasya 5:2

Penenelani niyo se kagi ko seini. Simpana punù ingkeliwat i Moises se seligan niyo amon meg-aneng-aneng se Timanem te metòlid kaw, wedad ontong te pegpemenal niyo ki Cristo.

Roma 12:1

Nayan, menge kedowa ko, ontò mèpiya se keido te Timanem kenitadon, aw yan se doun te megpunù a den kenyo te keilangan betel niyo ibegay se pegkeotawun niyo diyà te Timanem dalem te doen pa pedowan niyo. Aw ibegay niyo se pegkeotawun niyo diyà kandin, kinewaen din iyan, aw ipetaga-taga niyo te melobos se pedowan niyo te pegsimba niyo kandin.

2 Korinto 11:30

Na, eked a keibeg domuyun te kanak pegkeotawun, meneng aw meleges a domuyun te kanak pegkeotawun, ipekità ko olò se menge kelomayan ko.

1 Korinto 2:3

Peg-ogpà ko doton kenyo, iling te melomay se lawa ko aw tinegangtang a, so nelemitan a aw eked ko ketoman se ibeg te Timanem inangen ko doton.

Impekità 1:9

Siak si Juan se simolat kani, kedowa niyo te pegpemenal. Iling a kenyo, so medalem heman se pedowan ko te pegtayod ko te pegpemilang dimateng kanak, so siak heman se migpesakop diyà te peglowan te Timanem. Impelumun a te gobirno aw impeibing a doton te polò iningedanan Patmos tandà te pegkeliwat ko te kagi te Timanem aw kebenalan intoladà i Jesu Cristo.

1 Pedro 2:11

Meneng menge kedowa ko egkedekelan ko te pedowan, kenà keneyonan seini se ontò ogpeanan niyo, aw olò kaw iling te mepanaw dini lanto te tanà. Yan megpunù a den kenyo te keilangan eked kaw taking te medaet ibeg te lawa niyo, so pineokit kenyan kebàtan se pegtaking niyo te Timanem.

Filemon 1:9

Meneng so dakel se pedowan ko kamno, eked a sogò kamno. Pengkey siaken, si Pablo, se sebad sogounun i Jesu Cristo, aw pengkey nekeleboso a songkani tandà te pegtaking ko kandin, meneng memoyò a olò diyà kamno.

2 Tesalonika 3:17

Siaken si Pablo se simolat te menge kagi diyà te temanan te solat seini. Metaga-taga kaw te benal siak se simolat kani, so iling kani se pegpirma ko te kedita te solat ko.

Efeso 4:1

Nayan, siak se nekeleboso tandà te pegtaking ko te Pengolo, aw yan memoyò a diyà kenyo te keilangan gayed mèpiya se kedita te eg-inangen niyo, sìyan ibeg te Timanem, so yan se tod din te pegtawal din kenyo.

Galasya 4:13

Se tagnà ko pegdoton kenyo kedengan, migtoladà a kenyo te Mèpiya Indan so nesekitan a kidoen.

2 Korinto 12:5

Pengkey mepakay aw domuyun a te kanak pegkeotawun tandà te impekità te Timanem kanak, meneng iindan ko olò se menge kelomayan ko.

2 Korinto 11:21

Meneng mikagi kaw besi te neyàyà a so eked a keibeg meg-iling kandan. Na, so mebolot dan domuyun te kandan pegkeotawun, mebolot a den heman domuyun te kanak pegkeotawun, meneng iling a te otaw wedad inenengen te peg-indan ko kani.

2 Korinto 10:7

Eneng-enengi niyo ini. Doen ekon menge otaw doton kenyo eg-ikagi te egtaking dan ki Cristo. Mèpiya aw eneng-enengen dan ini. Aw benal dan egtaking ki Cristo, ontò a heman egtaking se kanak.

2 Korinto 10:2

Se ipunù ko kenyo, inangi niyo se metòlid amon eked a pegsagda kenyo aw meglegeb a doton kenyo, so ontò ko segdahen se menge otaw eg-aneng-aneng te egtekingan ko se kanak ibeg iling te otaw kenà egpemenal.

2 Korinto 7:4

Ontò ko sikiyo egseligan. Ontò ko sikiyo ipegduyun diyà te doma otaw. Ontò a neluba te pegdineg ko tepad kenyo. Pengkey ontò a nelimahan, meneng doen pa gayed keluba ko.

2 Korinto 6:1

Egtoloen ko se Timanem simogò kanak aw seini se ipegtoladà ko. Aw nekekinawà kaw te tabang te Timanem, pekitai niyo te doen ontong niyo pineokit te peg-inang niyo te metòlid.

2 Korinto 5:20

Siak heman se sebad sogounun i Cristo egpengibing te kagi din, so pineokit kanak, ipetaga-taga te Timanem se punù din. So insogò a i Cristo, yan mikagi a diyà kenyo, pegsebadi niyo se pedowan niyo diyà te Timanem.

2 Korinto 3:12

So netegahan ko te doen ketomanan te egpelimanan ko, yan se doun te egbengalen ko se pegtoladà ko. Kenà a iling ki Moises so wedad ipeg-eles ko. Penga te pegtoladà din, sinempengan din se bawa din amon eked kitai te menge doma din bowad-bowad i Israel se pegkewedad te keanyag diyà te bawa din.

1 Korinto 4:10

Pengkey wedad ekon inenengen day so egtaking kay ki Cristo, meneng aneng-aneng niyo doen inenengen niyo so egtaking kaw ki Cristo. Pengkey wedad ekon mebatog day inangen, meneng aneng-aneng niyo mebatog niyo inangen se kedita pengkey eden. Sikiyo se nedengeg, meneng sikami se eglindoan.

Roma 15:15

Meneng wedà a pegketalaw te pegsolat ko kenyo amon eked niyo kelibeli se kagi ko. Tandà te tabang te Timanem kanak,

Roma 10:20

Labi pa mebangal se kagi te Timanem insolat i Isaias tepad te menge otaw kenà Judiyo, kagi din, “Kinità a te menge otaw wedà pengemahà kanak. Pengkey wedà dan peg-insà tepad kanak, meneng migpekità a den diyà kandan.”

Ininang 8:32

Nayan, seini se kagi te Timanem binasa te tege Etyopya. “Iling sikandin te karniro inibing amon iyawen. Iling heman sikandin te nati te karniro kenà eg-ikagi aw gontingan se bolbol, so pengkey kelimahan sikandin, meneng wedad palos kagi din.

Mat. 21:5

“Seini se iindan no diyà te kedita te tege Sion. Na, domateng se selotan niyo, aw medanà se pegkeotawun din, so somakay te nati te asno.”

1 Korinto 4:21

Yan sikiyo se memallì. Aw eked kaw taking te intoladà ko, ipelumun ko sikiyo aw domateng a doton kenyo. Meneng aw ibeg niyo tomolò kaw te intoladà ko kenyo, yan komità kaw te ontò dakel se pedowan ko kenyo.

Efeso 3:1

Na, siak si Pablo, kineleboso a so egtaking a ki Jesu Cristo aw migtoladà a tepad kandin diyà kenyo menge otaw kenà Judiyo.

Filipos 4:5

Pekitai niyo diyà te kedita te otaw te medalem se pedowan niyo. Lomikò se Pengolo tadon te eked kenamay.

Kolasas 1:23

Meneng keilangan gayed kaw somalig diyà ki Jesu Cristo, aw keilangan lobosen niyo se pegpemenal niyo kandin. Ikà niyo egsoway lekat te kagi te Timanem pinemenalan niyo tepad ki Cristo, so doen den egpelimanan niyo. Yan se Mèpiya Indan intoladà den diyà te menge otaw doton te kebelad te keneyonan, aw yan heman se ipegtoladà ko.

Filemon 1:19

Siak se simolat te kagi seini. Siaken, Pablo, se mayad kenyan. Meneng netegahan no den te dakel se ontong no kanak, so pineokit kanak neabat no se kaling pedowan wedad temanan.