2 Korinto 1:6 - Manobo Sarangani

⁶ Neketayod a pa te kelimahan amon meketabang a kenyo, aw amon mekelowà kaw lekat te kelimahan. Tinebangan a te Timanem amon meketabang a heman kenyo. Metoman iyan aw meketayod kaw te kelimahan iling te neokitan ko.

2 Korinto 1:6 ပူးပေါင်းရင်းမြစ်များ

Ininang 21:5

Pegdateng te aldaw te pegkesayo day, tinekingan kay te kedita dan meama aw bayi aw mengisù. Pegdateng day doton te enay, limongken se kedita day aw migtawal-tawal kay diyà te Timanem. Penga niyan, migsoway kay den.

Roma 8:28

Netegahan tadon den te pineokit te kedita te domateng kenitadon, doen kèpiyaan inangen te Timanem diyà te kedita tadon doen dakel pedowan kandin, so tinawal kidon din tandà te kandin ibeg.

2 Korinto 1:4

Pengkey eden se kelimahan ko, ontò a din egtebangan. Yan pengkey eden se kelimahan te doma otaw, meketabang a heman kandan pineokit te tabang imbegay te Timanem kanak.

2 Korinto 12:15

Meluba a memegay te kedakel te kwarta ko aw kepagod ko amon kèpiyaan kaw. Pengkey deitek se pedowan niyo kanak, meneng ontò dakel se pedowan ko kenyo.

2 Korinto 5:5

Se Timanem, yan se migpetagad den kenitadon amon mekekinawà kidon te kaling lawa, aw sikandin se simogò te Espiritu Santo meg-ogpà dini kenitadon, amon ketegahan tadon te metoman pa se impakang din.

Efeso 3:1

Na, siak si Pablo, kineleboso a so egtaking a ki Jesu Cristo aw migtoladà a tepad kandin diyà kenyo menge otaw kenà Judiyo.

Efeso 3:13

Yan doen ipunù ko kenyo. Ikà niyo eglengà tandà te kelimahan dimateng kanak lekat te pegtoladà ko kenyo menge otaw kenà Judiyo, so pineokit te kelimahan ko sìyan, doen kèpiyaan niyo.

Filipos 1:19

so netegahan ko te pengkey nelimahan a, meneng ipelowà a kwani pineokit te pegtawal-tawal niyo, aw pineokit te tabang te Espiritu i Jesu Cristo.

2 Timoteo 2:10

Yan se doun te egpeketayod a te kelimahan dimateng kanak amon ketebangan ko se menge otaw pinemallì te Timanem, so ibeg ko mekelowà dan heman lekat te salà pineokit te pegpemenal dan ki Jesu Cristo, aw kominawà dan heman te kaling pedowan wedad temanan.