2 Korinto 1:23 - Manobo Sarangani

²³ Na, wedà a deleg doton kenyo amon eked a pemegay kenyo te lidò pineokit te pegsagda ko kenyo. Labi pa mèpiya aw megselsel kaw te eked a pa doton. Pinemoyò ko se Timanem megsistigos te ontò benal se inikagi ko seini.

2 Korinto 1:23 ပူးပေါင်းရင်းမြစ်များ

Galasya 1:20

Ontò benal se insolat ko kenyo seini. Netegahan te Timanem te kenà ini kebolalaw.

1 Korinto 4:21

Yan sikiyo se memallì. Aw eked kaw taking te intoladà ko, ipelumun ko sikiyo aw domateng a doton kenyo. Meneng aw ibeg niyo tomolò kaw te intoladà ko kenyo, yan komità kaw te ontò dakel se pedowan ko kenyo.

2 Korinto 13:10

Insolat ko tapay ini kenyo te wedà a pa pesalo kidoen, amon wedad segdahen ko aw domateng a doton, so tapay kaw timolò. Benal insogò a te Pengolo kenà amon kebàtan kaw, meneng amon ketebangan kaw.

2 Korinto 13:2

Kedengan te ikedowa ko peglegeb doton kenyo, minikagi a te ipelumun ko se menge otaw mig-inang te medaet. Yan se inikagi ko diyà te menge otaw mig-inang te medaet aw menge otaw wedà peg-inang te medaet. Todà ko den heman sikiyo ikegihan te iyogan ko pineokit te pegsolat ko seini, aw domateng a kidoen, ontò ko sikiyo ipelumun,

Roma 1:9

Netegahan te Timanem te melobos se pedowan ko kandin te pegtoladà ko te Mèpiya Indan tepad te Batà din si Jesu Cristo. Netegahan din te gayed a egtawal-tawal diyà kandin tepad kenyo.

Filipos 1:8

Netaga-taga se Timanem te benal dakel se pedowan ko te kedita niyo, onawa te kedakel te pedowan i Jesu Cristo kenyo.

2 Korinto 12:20

Netetana a aw domateng a kidoen kenyo, kitaen ko sikiyo meg-inang te kenà ko ibeg. Aw yan se inangen niyo, inangen ko heman kenyo se kenà niyo ibeg, so segdahen ko sikiyo. Netetana a aw kitaen ko sikiyo megpedindilay, aw megpeingaay, aw megpeopalay, aw megpedemetay kaw. Doen besi heman kitaen ko menge otaw egbaet-baet, aw egbelikbik, aw egpelangkaw-langkaw, aw egsamok.

1 Timoteo 1:20

Iling kenyan se neinang i Himeneo aw si Alejandro. Impebayà-bayà ko dan ki Satanas amon ketoledaan dan te eked kepakay se pegtompuyus dan te Timanem.

1 Tesalonika 2:5

Ontò niyo netegahan te wedà kay peg-akal kenyo pineokit te pegluba day kenyo. Wedà kay heman pegpelingo-lingo amon meglegawa kay kenyo. Netaga-taga heman se Timanem kenyan.

2 Korinto 11:31

Kenà kebolalaw se indan ko, aw netegahan iyan te Timanem, Amay te Pengolo tadon si Jesu Cristo. Iduyun sikandin te wedad temanan.

2 Korinto 11:11

Meneng pengkey eked a pemoyò te togpò lekat kenyo, ikà niyo eg-aneng-aneng te wedà ko sikiyo kedekeli te pedowan. Netegahan iyan te Timanem te ontò dakel se pedowan ko kenyo.

2 Korinto 10:2

Se ipunù ko kenyo, inangi niyo se metòlid amon eked a pegsagda kenyo aw meglegeb a doton kenyo, so ontò ko segdahen se menge otaw eg-aneng-aneng te egtekingan ko se kanak ibeg iling te otaw kenà egpemenal.

2 Korinto 1:18

Egkeseligan se Timanem, aw netegahan din te ontò benal se intoladà ko kenyo.

1 Korinto 5:5

Keilangan pebeyaan niyo se otaw sìyan amon pelumunen i Satanas se lawa din, aw amon mekelowà se pedowan din te aldaw te peglikò te Pengolo tadon si Jesus.

Roma 9:1

Nayan, doen den ipetaga-taga ko kenyo seini. Ontò iyan benal, so migpesakop a diyà ki Cristo. Netegahan ko te kenà kebolalaw se kagi ko kenyo seini, so egbeyà-beyaan a te Espiritu Santo.

Ininang 18:1

Penga niyan, nesayo si Pablo lekat te Atenas aw dimoton te Korinto.

Ininang 18:8

Se egpengibing te simbahan te Judiyo si Crispo, nemenal te Pengolo sipat kedita te otaw eg-ogpà diyà te balay din. Nemenal heman se medita doma otaw doton te Korinto aw binonyagan dan.

2 Korinto 1:1

Seini se solat ko, si Pablo, doma ki Timoteo, kedowa tadon te pegpemenal. Lekat te ibeg te Timanem, siak se sebad sogounun i Jesu Cristo. Seini se solat ko diyà te kedita niyo menge sakop te Timanem kidoen te Korinto, aw diyà te kedita niyo menge sakop din doton te doma ogpeanan te Gresya.

2 Korinto 6:6

Impekità ko te metòlid se eg-inangen ko pineokit kani. Nelobos se pedowan ko, aw netegahan ko se kebenalan, aw medalem se pedowan ko, aw egkeidowan ko se doma otaw, aw egbeyà-beyaan a te Espiritu Santo, aw ontò dakel se pedowan ko diyà te menge otaw egpemenal.

2 Korinto 11:10

Keseligan se kagi i Cristo, aw keseligan heman se kagi ko seini. Pengkey kenan a pesalo, doton kenyo aw doton te kedita te doma lonsod te Gresya, tomanen ko se pakang seini te wedad otaw pemoyoan ko te tabang.