2 Juan 1:5 - Manobo Sarangani

⁵ Simolat a den kamno bayi amon ipeaneng-aneng ko kamno te keilangan megpedekelay kidon te pedowan. Kenà kaling se punù insolat ko kenyo seini, so tapay niyo iyan netegahan lekat te ketebò te pegpemenal niyo ki Cristo kedengan.

2 Juan 1:5 ပူးပေါင်းရင်းမြစ်များ

Juan 15:12

Seini se ipunù ko kenyo. Keilangan megpedekelay kaw te pedowan iling te kedakel te pedowan ko kenyo.

Juan 15:17

Seini se impunù ko kenyo. Keilangan megpedekelay kaw te pedowan.”

Galasya 5:22

Meneng se otaw egbeyà-beyaan te Espiritu Santo, seini se eg-inangen din. Egkedekelan din se doma otaw te pedowan, ontò egkeluba, doen kelinaw te pedowan din, egpeketayod te kelimahan, mèpiya se eg-inangen din, egkebowasag sikandin diyà te doma otaw, aw egkeseligan sikandin,

Efeso 5:2

Keilangan gayed kaw megpedekelay te pedowan iling te kedakel te pedowan i Cristo kenitadon. Pegkematay i Cristo doton te kros, simelilin sikandin kenitadon, aw yan neinang sikandin iling te ayam-ayam inimetayan amon mesinalay se Timanem.

1 Tesalonika 4:9

Wedad den keilangan te doen megtoladà kenyo tepad te pegpedekelay niyo te pedowan, so tinoledaan kaw den te Timanem te keilangan megpedekelay kaw te pedowan,

Menge Hebreo 13:1

Keilangan gayed dakel se pedowan niyo diyà te menge doma otaw egpemenal.

1 Pedro 4:8

Ontò keilangan te gayed kaw megpedekelay te pedowan, so aw dakel se pedowan niyo te doma otaw, mebatog niyo pegwedaden se ontò medita salà dan diyà kenyo.

2 Pedro 1:7

Aw meketolò kaw te ibeg te Timanem, keilangan megpeidoway kaw heman. Aw egpeidoway kaw, keilangan dakel heman se pedowan niyo diyà te kedita te otaw.

1 Juan 3:11

Seini se kebenalan dinineg niyo lekat te pegpemenal niyo ki Cristo kedengan lamig songkani. Keilangan megpedekelay kidon te pedowan.

1 Juan 3:23

Seini se impunù din kenitadon, te keilangan somalig kidon diyà te Batà din si Jesu Cristo, aw megpedekelay kidon heman te pedowan iling te intoladà din kenitadon.

1 Juan 4:20

Aw mikagi se otaw te dakel se pedowan din te Timanem, meneng wedad kedakel te pedowan din te menge doma otaw, yan se bolelawun, so aw wedad kedakel te pedowan te otaw te menge doma din egkitaen, yan labi pa wedad kedakel te pedowan din te Timanem kenà din egkitaen.

2 Juan 1:1

Se solat seini lekat kanak ininang egpengibing te simbahan. Sinolatan ko sikona bayi pinemallì te Timanem, aw menge batà nikaw ontò ko nedekelan te pedowan. Kenà olò siaken se doen dakel pedowan kenyo, meneng dakel heman se pedowan te kedita te otaw netaga-taga te kebenalan.