2 Juan 1:3 - Manobo Sarangani

³ Metoman kidon tebangan, aw keidowan, aw begayan te kelinaw te pedowan lekat te Timanem Amay aw Batà din si Jesu Cristo, so yan se ibegay dan diyà te kedita te otaw netaga-taga te kebenalan aw egpedekelay heman te pedowan.

2 Juan 1:3 ပူးပေါင်းရင်းမြစ်များ

1 Juan 4:10

Yan ketegahan tadon aw eden se ontò benal kedakel te pedowan, so kenà kedakel te pedowan tadon diyà te Timanem, meneng kedakel te pedowan te Timanem kenitadon, so insogò din se Batà din amon somelilin kenitadon imetayan, aw amon mekelowà kidon lekat te salà.

Roma 1:7

Seini se solat ko diyà te kedita niyo doton te lonsod te Roma. Nedekelan kaw te Timanem te pedowan, aw tinawal kaw din amon meinang kaw menge sakop din. Ibeg ko tebangan kaw te Timanem Amay tadon aw Pengolo tadon si Jesu Cristo, aw begayan kaw dan te kelinaw te pedowan.

1 Timoteo 1:14

Meneng songkani, ontò a tinebangan te Pengolo, so nemenal a kandin, aw dakel se pedowan ko kandin tandà te pegsebad ko diyà kandin.

1 Timoteo 1:2

Simolat a kamno, Timoteo. Iling ka te ontò batà ko tandà te pegpemenal no ki Cristo. Ibeg ko, tebangan ka, aw keidowan ka, aw begayan ka te kelinaw te pedowan lekat te Amay tadon Timanem aw Pengolo tadon si Jesu Cristo.

Galasya 5:6

Diyà te menge otaw nemenal den ki Cristo, wedad elet diyà te otaw tinolì aw otaw wedà tolii. Onawa iyan diyà te Timanem. Meneng ibeg te Timanem, ipekità tadon te benal se pegpemenal tadon pineokit te dakel pedowan tadon.

2 Juan 1:1

Se solat seini lekat kanak ininang egpengibing te simbahan. Sinolatan ko sikona bayi pinemallì te Timanem, aw menge batà nikaw ontò ko nedekelan te pedowan. Kenà olò siaken se doen dakel pedowan kenyo, meneng dakel heman se pedowan te kedita te otaw netaga-taga te kebenalan.

2 Timoteo 1:13

Taking ka te kebenalan intoladà ko kamno, so yan se keilangan peg-ilingan nikaw. Lobosi se pegsalig no diyà ki Jesu Cristo, aw lobosi se pegkedakel te pedowan no te doma otaw, so yan se pengilala te migsebad kidon diyà ki Jesu Cristo.