2 Juan 1:1 - Manobo Sarangani

¹ Se solat seini lekat kanak ininang egpengibing te simbahan. Sinolatan ko sikona bayi pinemallì te Timanem, aw menge batà nikaw ontò ko nedekelan te pedowan. Kenà olò siaken se doen dakel pedowan kenyo, meneng dakel heman se pedowan te kedita te otaw netaga-taga te kebenalan.

2 Juan 1:1 ပူးပေါင်းရင်းမြစ်များ

Luc. 1:3

Elew, nenamay a den mig-iling te kedita niyan, aw yan se doun te mig-aneng-aneng a den te mèpiya aw somolat a heman diyà kamno te kedita te neinang,

Juan 8:32

Yan ketegahan niyo se kebenalan, aw pineokit te kebenalan, mekelowà kaw heman lekat te nekeallang kenyo.”

Ininang 11:30

Pegkeimon dan te bowang, insogò dan si Bernabe aw si Saulo mengibing kenyan doton te menge egpengibing te simbahan kidoen te Judiya.

Roma 16:13

Eg-aneng-aneng a heman ki Rufo. Nedengeg sikandin egtaking te Pengolo tadon, aw inay din egkeido kanak iling te ontò inay ko.

Galasya 2:14

Pegketaga-taga ko ki Pedro te kenà dan ebey egtekingan se kebenalan te Mèpiya Indan tepad ki Cristo, yan se doun te migsagda a ki Pedro kidoen kinità te menge otaw nemenal ki Cristo. Minikagi a, “Sikona, pengkey ontò ka Judiyo, meneng tinenanan nikaw den kedengan se ketanem te menge Judiyo te eked dan kaen doma te kenà Judiyo. So tinenanan no den iyan, eked den kepakay aw ipetolò nikaw se menge otaw kenà Judiyo diyà te ketanem te menge Judiyo, so timanan ka den se kamno kenyan.” Yan se inikagi ko ki Pedro.

Galasya 2:5

Wedà kay palos tolò te ibeg dan, so ibeg day wedad kebolalaw toladà isanged diyà te kebenalan, sìyan Mèpiya Indan tepad ki Cristo intoladà day kenyo.

Galasya 3:1

Tay law kenyo menge otaw kidoen te Galasya, iling te wedad inenengen niyo. Impesoway kaw den te menge doma otaw kenà egtolò te kebenalan intoladà ko kenyo kedengan. Impesoway kaw dan pengkey tapay niyo dinineg se intoladà ko kenyo, pengkey tapay ko den sikiyo inindanan tepad te pegkematay i Cristo kidoen te kros.

Galasya 5:7

Kedengan, ontò kaw egtaking te kebenalan, meneng seini, nepela a so limengà kaw den.

Kolasas 1:5

Yan se eg-inangen niyo, so kedengan te pegdineg niyo te kebenalan tepad ki Cristo, nemenal kaw te doen ontong ibegay kenyo doton te langit. Yan se Mèpiya Indan

1 Timoteo 2:4

Ibeg din kedita te otaw se mekelowà lekat te salà aw metaga-taga heman te kebenalan.

Menge Hebreo 10:26

Aw netegahan tadon den se kebenalan, meneng gayed kidon pa eg-inang te medaet, wedad den doma matay amon meabat se salà tadon.

1 Pedro 1:2

Pineokit te ibeg te Timanem Amay tadon gebii, pinemallì kaw din aw ininang kaw din egpenimanem pineokit te tabang te Espiritu Santo amon meketolò kaw ki Jesu Cristo, so pineokit te dipanog din, lininisan kaw den lekat te salà. Ibeg ko, labi kaw pa tebangan te Timanem, aw labi pa melinaw se pedowan niyo.

1 Pedro 5:1

Nayan, doen ipunù ko diyà te kedita niyo egpengibing te simbahan, so siaken heman se sebad egpengibing te simbahan. Kinità ko se pegpemilang ki Cristo kedengan, aw kitaen ko pa heman se kelangkaw din, so lomikò sikandin te eked kenamay.

1 Pedro 5:13

Eg-eneng-enengen kaw te kedita te otaw pinemallì te Timanem aw migpesakop diyà kandin dini te lonsod te Babilonya. Eg-aneng-aneng heman si Marcos kenyo. Iling sikandin te batà ko.

1 Juan 2:21

Simolat a kenyo kenà so wedà kaw ketaga-taga te kebenalan, meneng simolat a kenyo amon megpeaneng-aneng a kenyo te kebenalan tapay niyo netegahan. Netegahan niyo den heman te wedad kebolalaw eglekat te kebenalan.

1 Juan 3:18

Menge batà ko te pegpemenal, wedad ontong aw olò kidon mikagi te dakel se pedowan tadon te doma otaw meneng wedad ketomanan niyan. Keilangan ipekità tadon te benal dakel se pedowan tadon te doma otaw pineokit te tabang tadon kandan.

2 Juan 1:13

Na, se menge batà te kedowa no bayi pinemallì te Timanem, minikagi dan te eg-aneng-aneng dan kenyo.

2 Juan 1:5

Simolat a den kamno bayi amon ipeaneng-aneng ko kamno te keilangan megpedekelay kidon te pedowan. Kenà kaling se punù insolat ko kenyo seini, so tapay niyo iyan netegahan lekat te ketebò te pegpemenal niyo ki Cristo kedengan.

3 Juan 1:1

Se solat seini lekat kanak ininang egpengibing te simbahan. Simolat a kamno Gayo, sigalak ko ontò ko egkedekelan te pedowan.