1 Tesalonika 4:3 - Manobo Sarangani

³ Seini se ibeg te Timanem inangen niyo. Ibeg din wedad salà inangen niyo. Keilangan eked kaw layok te kenà kenyo esawa.

1 Tesalonika 4:3 ပူးပေါင်းရင်းမြစ်များ

1 Pedro 4:2

so dalem te peg-ogpà niyo dini lanto te tanà, eked kaw taking te medaet ibeg te pedowan niyo, meneng ibeg te Timanem se tekingan niyo.

1 Tesalonika 5:23

Ibeg day, ontò kaw linisan te Timanem egpemegay te kelinaw te pedowan. Ibeg day tonggoan din heman se pedowan niyo, aw aneng-aneng niyo, aw lawa niyo, amon wedad palos isila kenyo te peglikò te Pengolo tadon si Jesu Cristo.

Roma 12:2

Ikà niyo egtaking te ketanem te otaw kenà egpenimanem. Meneng pemoyoi niyo te inangen te Timanem kaling se aneng-aneng niyo amon metòlid se eg-inangen niyo. Yan ketegahan niyo aw eden se ibeg te Timanem inangen niyo, so mèpiya iyan, aw kelubahan din, aw wedad kolang niyan.

Menge Hebreo 13:4

Keilangan meg-aneng-aneng se kedita te otaw te meelagà se pegkelobos te pedowan te teleesawa. Keilangan wedad otaw lomakad te kandin esawa, so megpelumun se Timanem te kedita te otaw lomakad aw lomayok te kenà kandin esawa.

Efeso 5:17

Yan ikà niyo eg-inang te wedad ontong, meneng keilangan tomolò kaw te ibeg te Pengolo tadon.

Kolasas 3:5

Yan, so iling te nematay kaw den doma ki Cristo, keilangan imetayan niyo se ibeg te pedowan niyo meg-inang te medaet iling te ininang niyo kedengan. Ikà niyo eglayok te kenà kenyo esawa. Ikà niyo egkapoy. Ikà niyo egkeboyo te medaet pengkey lekat iyan te kenyo pedowan. Ikà niyo eg-ingà te kedònan te doma otaw, so iling iyan te pegsimba niyo diyà te kenà benal timanem.

1 Tesalonika 4:4

Keilangan mèpiya se pegpengognan te teg sebad-sebad kenyo menge meama, aw kenà mekeyèyaay.

Galasya 5:19

Netegahan tadon man den se eg-inangen te otaw egtolò te medaet ibeg te pedowan dan. Iling kani se eg-inangen dan. Eglayok te kenà kandan esawa, egkapoy, wedad yàyà metibayi,

1 Juan 2:17

Meneng megkewedad se medaet ketanem dini te keneyonan te eked kenamay sipat medaet ibeg te otaw te keneyonan. Meneng se otaw egtoman te ibeg te Timanem, yan se otaw tomayod te wedad temanan.

Mat. 7:21

“Kenà kedita te otaw eg-ikagi te siak se pengolo dan se sekopen diyà te peglowan te Timanem, so se otaw egtolò te ibeg te Amay ko Timanem eg-ogpà doton te langit, yan olò se otaw sekopen te Timanem diyà te peglowan din.

Impekità 21:8

Meneng se kedita te otaw dàgen te kededàtan, aw eked tayod te pegsalig kanak, aw otaw nelegeb te salà, aw metibonò, aw eglayok te kenà kandan esawa, aw egketoigan, aw egsimba te kenà benal timanem, aw egkebolalaw, doen ontong te kedita dan kidoen te lanaw apoy aw esopri, yan se ikedowa kemetayun.”

2 Tesalonika 2:13

Menge kedowa day egkedekelan te Pengolo tadon te pedowan, mèpiya aw gayed kay megpesiontong diyà te Timanem tepad kenyo, so lekat te keteboan te keneyonan pinemallì kaw te Timanem amon ipelowà kaw lekat te salà, aw yan se ininang din kenyo pineokit te peglinis te Espiritu Santo kenyo, aw pineokit te pegpemenal niyo te kebenalan.

Menge Hebreo 10:36

Keilangan medalem se pedowan niyo amon mekebatog kaw tomoman te ibeg te Timanem, aw yan kominawà kaw te impakang din kenyo.

Efeso 6:6

Keilangan gayed kaw tomolò, kenà olò dalem te pegtengteng te amo niyo, so kenà olò otaw se keilangan kelubahan niyo. Meneng so si Cristo se Pengolo niyo, keilangan lekat te pedowan niyo se pegtolò niyo te ibeg te Timanem.

1 Korinto 7:2

Meneng aw mengognan se otaw, keilangan melobos se pedowan din diyà te esawa din amon eked keboyo te medaet.

Ininang 15:29

Ikà niyo egpengaen te pengelapen tapay imbegay diyà te inotaw, aw dipanog, aw ayam-ayam pelengen. Ikà niyo heman eg-inabut te kenà kenyo esawa. Mèpiya aw tomolò kaw kenyan. Taman den iyan te ikegiyen day kenyo.”

1 Tesalonika 5:18

Keilangan gayed kaw megpesiontong diyà kandin pengkey eden se domateng kenyo. Yan se ibeg te Timanem inangen niyo pineokit ki Jesu Cristo.

Mar. 3:35

Se menge otaw egtolò te ibeg te Timanem, yan se meinang inay ko aw menge kedowa ko meama aw bayi.”

1 Pedro 1:2

Pineokit te ibeg te Timanem Amay tadon gebii, pinemallì kaw din aw ininang kaw din egpenimanem pineokit te tabang te Espiritu Santo amon meketolò kaw ki Jesu Cristo, so pineokit te dipanog din, lininisan kaw den lekat te salà. Ibeg ko, labi kaw pa tebangan te Timanem, aw labi pa melinaw se pedowan niyo.

Menge Hebreo 13:21

Yan se doun te egtawal-tawal a diyà te Timanem egpemegay te kelinaw te begayan kaw te kedita te mèpiya tabang din amon mekebatog kaw tomoman te ibeg din. Ibeg ko heman, tebangan kaw din amon meg-inang kaw te mekeluba kandin pineokit te tabang i Jesu Cristo diyà kenyo. Iduyun sikandin te wedad temanan. Metoman iyan.

Tito 2:14

Sikandin se simelilin kenitadon te pegkematay din amon megpelowà kenitadon lekat te pegkeallang tadon te salà, aw amon sekopen kidon din. Yan se doun te lininisan kidon din lekat te salà, aw ininang kidon din otaw meibeg meg-inang te mèpiya.

Kolasas 1:9

Yan se doun te gayed kay egtawal-tawal tepad kenyo lekat te pegdineg day tepad kenyo kedengan lamig songkani. Gayed kay egpemoyò diyà te Timanem te ontò kaw metaga-taga aw eden se ibeg din inangen niyo pineokit te kebiyasa ibegay te Espiritu Santo kenyo.

2 Korinto 12:21

Pengkey metòlid se intoladà ko kenyo, meneng netetana a so meyàyà a diyà te Timanem aw domateng a kidoen kenyo tandà te salà niyo. Melidò a aw doen pa menge otaw nemenal kidoen kenyo wedà pegselsel te peg-inang dan te medaet kedengan, aw peglayok dan te kenà kandan esawa, aw pegkemetibayi dan.

1 Korinto 1:30

Lekat te ibeg te Timanem, migsebad se pedowan niyo ki Cristo, aw impetaga-taga din se kebiyasa te Timanem diyà kenitadon. Yan netegahan tadon te in-aneng-aneng te Timanem te metòlid kidon, iling kidon te wedad salà aw eked kidon den pelumuni.

Ininang 26:18

amon ketegahan dan se kebenalan, amon tomanan dan te kengitngit aw megpesalo dan diyà te kelowahan, amon mekelowà dan lekat te belad i Satanas aw megpesakop dan diyà te Timanem, aw pegwedaden din se salà dan pineokit te pegpemenal dan diyà kanak, amon kinewaen dan heman se ontong ibegay te Timanem diyà te kedita te batà din.’

Juan 4:34

Minikagi si Jesus, “Iling te kànen ko se pegtoman ko te ibeg te simogò kanak aw peg-epos ko te sogò din kanak.

Mat. 15:19

Pedowan se kelekatan te medaet ibeg te otaw egbonò, aw eglakad, aw egpenakaw, aw egkebolalaw, aw egbaet-baet.

Mat. 12:50

Se menge otaw egtolò te ibeg te Amay ko doton te langit, yan se meinang inay ko aw menge kedowa ko meama aw bayi.”

Kolasas 4:12

Minikagi heman si Epapras sebad heman sakop te probinsya niyo te dakel se pedowan din kenyo. Gayed sikandin egtolò te ibeg i Jesu Cristo. Egtawal-tawal sikandin aw ontò egpemoyò diyà te Timanem te melobos se pegpemenal niyo. Ibeg din ontò kaw metaga-taga te kedita te ibeg te Timanem diyà kenyo.

Roma 6:22

Meneng so impelowà kaw den te Timanem lekat te salà aw migpesakop kaw den diyà kandin, doen den ontong niyo, so ininang kaw din egpenimanem, aw yan begayan kaw din te kaling pedowan wedad temanan.

Ininang 20:32

Ibeg ko, Timanem se megtonggò kenyo. Ibeg ko, tomolò kaw te kagi te Timanem, so mèpiya iyan aw meketabang kenyo. Aw tomolò kaw te kagi din, begayan kaw din heman te ibegay din diyà te kedita te sakop din.

Ininang 15:20

Meneng mèpiya aw olò kidon somolat kandan aw megpunù kidon te eked dan kaen te pengelapen tapay imbegay diyà te inotaw, aw ayam-ayam egpelengen aw dipanog, aw eked dan heman peg-inabut te kenà kandan esawa.

Juan 7:17

Aw meibeg se otaw tomolò te ibeg te Timanem kandin, yan se otaw metaga-taga aw kenan lekat se kebenalan ipegtoladà ko, aw lekat iyan te Timanem aw tinebok ko.

Menge Hebreo 12:16

Peg-ahà kaw amon wedad otaw doton kenyo meg-inabut te kenà kandin esawa, aw tominggetan heman sikandin te Timanem. Iling kenyan si Esau gebii, so pengkey sikandin se keliwatan peden te pakang te Timanem diyà te kemonaan din so sikandin se penganay batà te amay din, meneng inliwan din se pegkepenganay din diyà te kànen neamin te sebad olò pegpengaen.

Roma 1:29

Nelegeb dan te medita kemolò te medaet. Egkeibeg dan te kedònan te doma, aw egtindaet dan. Gayed dan eg-ingà, aw egbonò, aw egdindil, aw eg-akal, aw medaet se eg-ikegiyen dan tepad te doma otaw. Egbelikbik dan,

Impekità 22:15

Meneng se kedita te otaw eg-inang te mekeyàyà, aw egketoigan, aw eglayok te kenà kandan esawa, aw metibonò, aw egsimba te kenà benal timanem, aw kedita te otaw egkebolalaw aw egkeibeg te kebolelawan, yan se eked pekeawop te lonsod.

Mat. 5:32

Meneng mikagi a den diyà kenyo, aw somibwan se meama te esawa din wedà peglakad, medaet se inangen te meama sìyan, so pineokit kandin mekelakad se esawa din aw todà mengognan, aw mekelakad heman se meama mengognan te bayi sinibwanan.”

1 Tesalonika 4:2

Netegahan niyo den se punù day kenyo ingkeliwat day lekat te Pengolo tadon si Jesus.