1 Tesalonika 3:3 - Manobo Sarangani

³ so ibeg day wedad lomengà kenyo te pegpemenal tandà te pegpemilang egdateng kenitadon. Netegahan niyo te yan se pinemallì te Timanem amon okitan tadon.

1 Tesalonika 3:3 ပူးပေါင်းရင်းမြစ်များ

Ininang 14:22

Migtoladà dan te menge otaw egpemenal, aw mig-antag dan te pedowan te menge otaw kidoen amon melobos se pegsalig dan te Timanem. Minikagi dan, “Onà kidon tomayod te kelimahan, aw penga niyan lomowan se Timanem diyà kenitadon.”

Roma 5:3

Doen heman doma ingkeluba tadon. Neluba kidon te doen den kelimahan tadon tandà te pegtaking tadon ki Cristo, so pineokit te pegtayod tadon te kelimahan, doen keilingan tadon amon eked kidon dàgi pengkey eden se domateng kenitadon.

Ininang 9:16

Ipetaga-taga ko kandin te doen kelimahan domateng diyà kandin tandà te pegtaking din kanak.”

Juan 16:33

Minikagi a kani diyà kenyo amon doen kelinaw te pedowan niyo tandà te pegpesakop niyo diyà kanak. Pengkey pemilangen kaw te otaw dini te keneyonan, meneng pegpekagsen kaw, so dinaeg ko se kedita te medaet dini te keneyonan.”

1 Korinto 15:58

Menge kedowa ko egkedekelan ko te pedowan, lobosi niyo se pegtaking niyo te Pengolo tadon. Ikà niyo egpedaeg te toladà kebolalaw. Pegpekeaseb kaw tolò te ibeg te Timanem kenyo, so netegahan niyo den te doen ontong te kedita te inangen tadon aw tomolò kidon te Pengolo tadon.

Ininang 21:13

Meneng minikagi si Pablo, “Ikà niyo egkelag. Ikà niyo egpemegay te lidò diyà te pedowan ko, so wedad beloyan aw iketan a doton te Jerusalem. Wedad heman beloyan aw imetayan a tandà te pegsalig ko diyà te Pengolo tadon si Jesus.”

1 Tesalonika 5:9

Pinemallì kidon te Timanem kenà amon ipelumun kidon din, meneng amon ipelowà kidon din lekat te pelumun pineokit te Pengolo tadon si Jesu Cristo.

1 Korinto 4:9

Aneng-aneng ko, doen ibeg te Timanem te medanà se pegkeotawun day aw menge doma sogounun i Cristo, aw lindoan kay iling te otaw kineleboso aw agpet imetayan, so egkitaen kay te kedita dini te keneyonan, pengkey otaw aw menge anghil eleg heman egpengità kenami.

1 Pedro 2:21

Ibeg te Timanem tomayod kaw te kelimahan. Nelimahan heman si Cristo aw timayod sikandin kenyan amon ketebangan kaw din. Sikandin se gegonan niyo amon meketayod kaw heman te kelimahan.

Kolasas 1:23

Meneng keilangan gayed kaw somalig diyà ki Jesu Cristo, aw keilangan lobosen niyo se pegpemenal niyo kandin. Ikà niyo egsoway lekat te kagi te Timanem pinemenalan niyo tepad ki Cristo, so doen den egpelimanan niyo. Yan se Mèpiya Indan intoladà den diyà te menge otaw doton te kebelad te keneyonan, aw yan heman se ipegtoladà ko.

Efeso 3:13

Yan doen ipunù ko kenyo. Ikà niyo eglengà tandà te kelimahan dimateng kanak lekat te pegtoladà ko kenyo menge otaw kenà Judiyo, so pineokit te kelimahan ko sìyan, doen kèpiyaan niyo.

Ininang 2:25

Simolat se kemonaan tadon si David tepad ki Jesus, kagi din, ‘Netegahan ko te tebangan a te Pengolo aw wedad mekelamit kanak, so gayed a din egtekingan.

Juan 16:2

Domateng se aldaw eked kaw peopi kidoen te menge simbahan te Judiyo. Imetayan kaw heman te otaw meg-aneng-aneng te yan se ibeg te Timanem.

Luc. 21:12

Meneng te eked pa iyan ketoman, dekepen kaw, aw pemilangen kaw. Okomen kaw doton te menge simbahan te Judiyo, aw kelebosowen kaw heman. Ipeibing kaw doton te menge selotan aw gobirnador tandà te pegpesakop niyo diyà kanak,

2 Timoteo 1:8

Yan ikà egkeyàyà te peg-indan no tepad te Pengolo tadon. Ikà heman egkeyàyà tepad te pegkeleboso kanak tandà te pegtolò ko kandin. Meneng pegtoladà ka te Mèpiya Indan tepad kandin pengkey pemilangen ka, so begayan ka te Timanem te eneg din amon meketayod ka kenyan.

2 Tesalonika 1:4

Yan se doun te sikiyo se ipegduyun day te peglaoy day te menge doma otaw egpemenal doton te menge doma lonsod, so eg-indan kay kandan te gayed kaw egpemenal te Timanem pengkey ontò kaw egpemilangen aw egkelimahan.

Impekità 2:13

Netegahan ko te pengkey eg-ogpà kaw doton te lonsod eglowanan i Satanas, meneng ontò kaw simalig kanak. Wedà kaw lengà te pegpemenal niyo kanak pengkey kedengan te pegpengimatay ki Antipas. Egkeseligan sikandin migtoladà tepad kanak, aw yan se doun te inimetayan sikandin kidoen te lonsod niyo eglowanan i Satanas.

Impekità 2:10

Ikà niyo egkelemitan te kelimahan agpet domateng kenyo. Doen menge otaw kidoen kenyo ipekeleboso i Satanas amon ketegahan aw ontò kaw egsalig kanak. Keilangan pemilangen kaw te eked kenamay, menge sempolò se aldaw. Pengkey imetayan kaw, salig kaw diyà kanak, so begayan ko sikiyo te ontong, sìyan korona te kaling pedowan wedad temanan.

Filipos 1:28

Ibeg ko heman metaga-taga a te eked kaw palos kelemitan te menge otaw egpoon kenyo, pengkey eden se medaet inangen dan kenyo. Aw eked kaw kelemitan kandan, yan se pengilala te ipelumun dan kwani te Timanem, meneng ipelowà kaw din lekat te pelumun. Yan se pengilala ipekità te Timanem diyà kandan.

Ininang 21:11

Peglegeana din kenami, inabat din se elen i Pablo aw in-iket din diyà te kandin benis aw belad, aw minikagi sikandin, “Seini se inikagi te Espiritu Santo. Iling kani iketan te menge Judiyo kenà egpemenal se tig-apò te elen seini doton te Jerusalem. Ibegay dan sikandin diyà te belad te menge otaw kenà Judiyo.”