1 Tesalonika 2:3 - Manobo Sarangani

³ Kenà kebolalaw se ipegtoladà day. Kenà heman medaet se tod day. Kenà heman amon meg-akal kay kenyo.

1 Tesalonika 2:3 ပူးပေါင်းရင်းမြစ်များ

2 Korinto 4:2

Ontò ko pig-ekedan se medaet inang, sìyan megbolon aw mekeyàyà. Wedà a peglegawa te doma otaw. Meneng ontò ko binangal se pegtoladà te kagi te Timanem. Netegahan te Timanem te kebenalan se intoladà ko, aw netegahan iyan te kedita te otaw.

2 Korinto 2:17

Kenà a iling te menge doma otaw egtoladà te kagi te Timanem amon mengewarta. Meneng insogò a te Timanem, aw netegahan din te nelobos se pedowan ko te pegtoladà te Mèpiya Indan tepad ki Cristo.

1 Tesalonika 4:7

Tinawal kidon te Timanem kenà amon meg-inang kidon te medaet, meneng tinawal kidon din amon meg-inang kidon te metòlid.

2 Korinto 7:2

Nayan, kedekeli a niyo te pedowan. Netegahan niyo man den te wedad palos otaw pig-inangan ko te medaet, aw wedad otaw pigtoledaan ko meg-inang te medaet, aw wedad otaw pigbollogan ko.

2 Korinto 4:5

Sikandin se Pengolo eglowan aw yan se gayed ko ipegtoladà. Kenà ibeg ko iduyun se kanak pegkeotawun, meneng neketabang a kenyo pineokit te pegtoladà aw tandà te kedakel te pedowan ko ki Cristo.

2 Pedro 1:16

Pegtoladà day kenyo tepad te tolos te Pengolo tadon si Jesu Cristo aw tepad te peglikò din dini te tanà, kenà iyan indan-indan lekat te aneng-aneng te otaw. Meneng sikami se kimità te kelangkaw i Cristo.

2 Tesalonika 2:11

Yan se doun te doen isogò te Timanem meg-akal kandan amon memenal dan te kebolalaw.

1 Tesalonika 2:11

Netegahan niyo heman te mèpiya se ininang day diyà te teg sebad-sebad kenyo, iling te eg-inangen te mèpiya amay diyà te menge batà din.

2 Korinto 11:13

Se menge otaw sìyan, kenà dan benal sogounun i Cristo. Mig-akal dan kenyo pineokit te pegtoladà dan aw pegpelingo-lingo te sikandan se insogò i Cristo.

Ininang 4:36

Doen sebad otaw tege Sipro, bowad-bowad i Levi, ngadan din si Jose. Iningedanan sikandin te menge sogounun i Cristo ki Bernabe. (Se kelebadan niyan, “Egpenabang.”)

Ininang 13:15

Migbasa se egpengibing te simbahan te kagi te Timanem insolat i Moises aw menge doma telekeliwat te kagi te Timanem. Penga niyan, nemoyò se egpengibing te simbahan diyà ki Pablo aw si Bernabe, kagi dan, “Menge kedowa day, aw doen itoladà niyo diyà te kedita day netipon, mepakay aw megtoladà kaw den.”

2 Korinto 6:8

Pengkey iduyun a aw tompuyusen a te doma, meneng gayed ko ipedeleg se inang ko diyà te Timanem. Pengkey medaet aw mèpiya se kagi dan tepad kanak, aw pengkey doen mikagi te bolelawun a, meneng eked ko iyan penenelani so benal se ipegtoladà ko.