1 Pedro 5:9 - Manobo Sarangani

⁹ Salig kaw diyà te Timanem, aw ato kaw ki Satanas, so netegahan niyo te kenà olò sikiyo se egdetengan te kelimahan, meneng nelimahan heman se kedita te doma niyo egpemenal dini lanto te tanà.

1 Pedro 5:9 ပူးပေါင်းရင်းမြစ်များ

Santiago 4:7

Yan mèpiya aw megpesakop kidon diyà te Timanem amon doen tabang din kenitadon. Aw etowan niyo si Satanas, komadas sikandin lekat kenyo.

Ininang 14:22

Migtoladà dan te menge otaw egpemenal, aw mig-antag dan te pedowan te menge otaw kidoen amon melobos se pegsalig dan te Timanem. Minikagi dan, “Onà kidon tomayod te kelimahan, aw penga niyan lomowan se Timanem diyà kenitadon.”

1 Pedro 2:21

Ibeg te Timanem tomayod kaw te kelimahan. Nelimahan heman si Cristo aw timayod sikandin kenyan amon ketebangan kaw din. Sikandin se gegonan niyo amon meketayod kaw heman te kelimahan.

1 Korinto 10:13

Se tandà neokitan niyo, onawa iyan te tandà egkeokitan te menge doma otaw. Meneng egkeseligan se Timanem, so eked kaw din peokiti te tandà i Satanas eked niyo kebatog. Aw tendaen kaw, doen dalan inangen te Timanem amon mekelowà kaw, aw begayan kaw din heman te eneg amon meketayod kaw kenyan.

2 Timoteo 3:12

Pemilangen pa se kedita te otaw migpesakop diyà ki Jesu Cristo aw melobos se pedowan dan tomolò te ibeg te Timanem.

Efeso 6:16

Doen pa doma keilangan gemiten niyo, so iling te kelasag se pegsalig niyo diyà ki Cristo, amon eked kaw kesogat te kededàtan iling te tonod eglegdeg ipegpanà i Satanas diyà kenyo.

1 Pedro 3:14

Meneng aw pemilangen kaw tandà te peg-inang niyo te metòlid, meluba se pedowan niyo. Ikà niyo egkelemitan. Ikà niyo egketetana.

Menge Hebreo 11:33

So simalig dan diyà te Timanem, yan tinebangan din dan, aw yan doen otaw diyà kandan nekedaeg te menge selotan migpoon kandan. Doen heman diyà kandan metòlid se peglowan dan diyà te menge sakop dan. Doen heman menge doma otaw kiminawà te mèpiya impakang te Timanem kandan tandà te pegsalig dan diyà kandin. Doen heman menge doma nekedaeg te menge liyon, aw yan wedà dan kebangà.

1 Timoteo 6:12

Pegpekagsen ka toman te insogò kamno tepad te kebenalan pinemenalan nikaw. Pegkinawà ka te kaling pedowan wedad temanan, so yan se doun te tinawal ka te Timanem amon begayan ka kenyan, aw mig-indan ka diyà te medita otaw te nemenal ka te kebenalan.

1 Tesalonika 3:3

so ibeg day wedad lomengà kenyo te pegpemenal tandà te pegpemilang egdateng kenitadon. Netegahan niyo te yan se pinemallì te Timanem amon okitan tadon.

Efeso 4:27

amon eked kaw keboyo i Satanas meg-inang te medaet.

Impekità 6:11

Penga niyan, doen melayat saol mepotì imbegay diyà te teg sebad-sebad kandan. Minikagi heman se Pengolo diyà kandan te keilangan megtagad dan pa te eked kenamay lamig mesikop se kedita te sineligan te Timanem, so doen pa doma dan imetayan iling kandan.

1 Pedro 4:13

Keilangan meluba se pedowan niyo, so iling te migdoma kaw den ki Cristo te pegtayod din te kelimahan dimateng kandin. Aw tomayod kaw te kelimahan, labi kaw pa meluba te aldaw aw komità kaw kandin te peglikò din.

1 Pedro 1:6

Yan se doun te keilangan meluba se pedowan niyo. Pengkey egkelimahan kaw aw egpemilangen kaw songkani te eked kenamay, meneng keilangan meluba pa se pedowan niyo,

Kolasas 2:5

Pengkey wedad a doton kenyo, meneng gayed a eg-aneng-aneng kenyo. Neluba a te pegdineg ko te migsebad kaw aw ontò kaw simalig diyà ki Cristo.

Juan 16:33

Minikagi a kani diyà kenyo amon doen kelinaw te pedowan niyo tandà te pegpesakop niyo diyà kanak. Pengkey pemilangen kaw te otaw dini te keneyonan, meneng pegpekagsen kaw, so dinaeg ko se kedita te medaet dini te keneyonan.”

Impekità 7:14

Timaba a, “Apò, wedà ko ketegahi. Indani a.” Minikagi sikandin, “Lekat dan te ontò kelimahan. Migbugsak den dan te saol dan diyà te dipanog te Karniro amon ontò iyan megkepotì.

Luc. 22:32

Meneng migtawal-tawal a diyà te Amay ko tepad kamno amon gayed ka somalig diyà kanak. Pengkey tominàyog ka kanak te eked kenamay, meneng aw todà ka tomaking kanak, meketabang ka te menge doma no tinoledaan ko.”

Impekità 1:9

Siak si Juan se simolat kani, kedowa niyo te pegpemenal. Iling a kenyo, so medalem heman se pedowan ko te pegtayod ko te pegpemilang dimateng kanak, so siak heman se migpesakop diyà te peglowan te Timanem. Impelumun a te gobirno aw impeibing a doton te polò iningedanan Patmos tandà te pegkeliwat ko te kagi te Timanem aw kebenalan intoladà i Jesu Cristo.

2 Timoteo 4:7

Migpekeaseb a iling te otaw egkoyà. Iling a te otaw kimagnan dimateng doton te temanan, so tinoman ko den se kedita impunù te Timanem kanak. Neseligan a te pegtoladà ko te kebenalan pinemenalan tadon,

Menge Hebreo 12:8

Egtoledaan te Timanem se kedita niyo migpesakop diyà kandin. Simpana eked kaw din toledai, kenà kaw menge batà din aw kenà sikandin Amay niyo.