1 Pedro 5:3 - Manobo Sarangani

³ Ikà niyo egleges te menge otaw egtoledaan niyo, so insalig dan te Timanem diyà kenyo. Keilangan metòlid se eg-inangen niyo, so sikiyo se peg-ilingan dan.

1 Pedro 5:3 ပူးပေါင်းရင်းမြစ်များ

2 Tesalonika 3:9

Migterbaho kay kenà te eked kepakay aw togpoan kay niyo, meneng amon meinang kay gegonan peg-ilingan niyo.

Filipos 3:17

Menge kedowa ko, ibeg ko meg-iling se kedita niyo kanak. Sikami se gegonan niyo, aw keilangan peg-ilingan niyo se menge otaw mig-iling kenami.

2 Korinto 1:24

Kenà ko se egsogò kenyo tepad te pegpemenal, so nelobos den se pegpemenal niyo. Meneng egtelaban a kenyo tepad te pegpemenal amon meluba kaw.

Tito 2:7

Sikona heman, pengkey eden se inangen nikaw, keilangan mèpiya iyan amon meinang ka gegonan peg-ilingan te menge doma otaw. Aw megtoladà ka, keilangan metinuud ka, aw keilangan metinònò ka.

1 Timoteo 4:12

Ikà egketalaw te pegtoladà no pengkey kaling ka pa otaw. Meneng keilangan meinang ka gegonan peg-ilingan te menge doma otaw egpemenal, pengkey eden se eg-ikegiyen no aw eg-inangen nikaw. Pekitai te dakel se pedowan no, aw melobos se pegsalig no te Timanem, aw wedad inang no medaet.

Ininang 20:28

Pekeimanday kaw. Pegtonggò kaw te kedita te otaw egpemenal, so Espiritu Santo se miggulal kenyo egpengibing amon mengibing kaw kandan. Ininang kidon din sakop din pineokit te pegkematay i Jesus.

Filipos 4:9

Tolò kaw te kedita te intoladà ko kenyo. Peg-iling kaw te kedita te inikagi ko aw ininang ko, aw yan egdomaan kaw te Timanem egpemegay te kelinaw te pedowan.

2 Korinto 4:5

Sikandin se Pengolo eglowan aw yan se gayed ko ipegtoladà. Kenà ibeg ko iduyun se kanak pegkeotawun, meneng neketabang a kenyo pineokit te pegtoladà aw tandà te kedakel te pedowan ko ki Cristo.

1 Korinto 11:11

Meneng eked kepakay diyà te Pengolo aw eked pegpetebangay se meama aw bayi.

1 Pedro 2:9

Meneng kenà kaw iling kandan, so sikiyo se pinemallì te Timanem aw ininang kaw menge batà din. Ininang kaw din menge pengolo te simbahan eglowanan i Cristo. Ininang kaw din menge sakop din egpenimanem, aw tinig-apò kaw din heman. Pinemallì kaw din amon meg-indan kaw te doma otaw tepad te menge mèpiya ininang din diyà kenyo, so pegtawal din kenyo amon megpesakop kaw diyà kandin, inalin kaw din lekat te kengitngit doton te mèpiya kelowahan din.

1 Korinto 3:9

Didowa kay si Apolos se insogò te Timanem meg-inang, aw iling kaw te pawà pinetrebehowan te Timanem kenami. Doma ipolingun ko, iling kaw te balay impeinang te Timanem.

1 Korinto 3:5

Eked kepakay aw sikami si Apolos se tekingan niyo, so sogounun kay olò i Jesu Cristo aw migtoladà kay kenyo amon memenal kaw kandin. Tinoman day olò se sogò te Pengolo day.

Juan 13:15

Yan se ininang ko amon meg-iling kaw kanak.

1 Tesalonika 1:7

Yan se doun te sikiyo den se gegonan pig-ilingan te kedita te doma otaw egpemenal doton te kebelad te Masidonya aw Gresya,