1 Pedro 4:4 - Manobo Sarangani

⁴ Nepela den se menge medaet otaw tinekingan niyo kedengan, so kenà kaw den egtaking kandan te peg-inang dan te pengkey eden se medaet ibeg dan, aw yan egtompuyus dan kenyo.

1 Pedro 4:4 ပူးပေါင်းရင်းမြစ်များ

1 Pedro 3:16

Meneng aw tomaba kaw kandan, keilangan mèpiya se pedowan niyo kandan, aw keilangan megsagman kaw heman kandan. Keilangan wedad salà inangen niyo, so sakop kaw i Cristo. Yan aw doen otaw megbael-bael tepad kenyo, aw somila dan te mèpiya eg-inangen niyo, meyàyà dan.

1 Pedro 2:12

So tengtengen kaw te menge otaw wedà pa pemenal te Timanem, yan keilangan ontò metòlid se eg-inangen niyo, amon aw mikagi dan te doen salà niyo, metaga-taga dan beling te mèpiya se eg-inangen niyo, aw yan se doun te iduyun dan se Timanem te aldaw te pegdateng din.

Ininang 18:6

Meneng neopal se menge Judiyo ki Pablo, aw migtompuyus dan kandin. Penga niyan, imbuya-buya i Pablo se saol din amon ketegahan dan te doen salà dan, so wedà dan pemenal. Minikagi sikandin, “Aw ipelumun kaw, inday kenyo aw yan se ibeg niyo. Wedad labut ko. Lekat seini, megtoladà a te menge otaw kenà Judiyo.”

Judas 1:10

Meneng se menge otaw sìyan, egtompuyus dan te kedita wedà dan ketegahi. Iling dan te menge menenanap te kebenesan wedad aneng-aneng, so pengkey eden se ibeg te pedowan dan, yan se inangen dan. Yan se doun te pegbàtan dan te wedad temanan.

Ininang 13:45

Meneng ontò miningà se menge Judiyo kenà egpemenal so kinità dan se medita otaw netipon. Yan migsawal dan ki Pablo aw migtompuyus dan heman kandin.

2 Pedro 2:22

Pineokit kandan, netegahan tadon te benal se eg-ikegiyen seini, “Gayed eglikò se toyang egpengaen te indelowak din.” Benal heman se doma eg-ikegiyen, “Pengkey digosen se osa, meneng todà tomonà doton te pasak.”

2 Pedro 2:12

Meneng se menenoladà sìyan egtoladà te kebolalaw, pengkey eden se ibeg te pedowan dan, yan se inangen dan. Iling dan te menge menenanap te kebenesan wedad aneng-aneng aw wedad detengan dan meneng olò dekepen aw iyawen. Egtompuyus dan te kedita wedà dan ketegahi, meneng ipelumun dan te wedad temanan tandà te eg-inangen dan medaet.

Roma 13:13

Keilangan tomalag mèpiya se eg-inangen tadon amon metaga-taga se kedita te otaw te wedad medaet mekeyàyà kenitadon. Ikà niyo eg-iling te otaw egsamok, aw eglasing, aw eglayok te kenà kandan esawa, aw metibayi wedad yàyà. Ikà niyo egdindil. Ikà niyo eg-ingà.

Luc. 15:13

Penga niyan te wedà kenamay, imbeligyà te adi se tanà imbegay kandin, aw nesayo sikandin nengibing te kwarta din. Dimoton sikandin te ontò mediyò ogpeanan, aw pigbàtan din se kwarta din kidoen pineokit te medaet eg-inangen din wedad ontong.

Efeso 5:18

Ikà niyo eglasing, so mekedaet iyan kenyo. Meneng keilangan beyà-beyaan kaw te Espiritu Santo.

Mat. 23:25

“Mekelelayò kaw menge Parisiyo aw menenoladà te punù ingkeliwat i Moises. Eden niyo aw egpenimanem kaw, so gayed kaw eg-ingà aw eglalang te medaet. Iling kaw te otaw olò eg-onaw te lowà te baso aw sablag pengkey melipà pa se didalem niyan.