1 Pedro 3:9 - Manobo Sarangani

⁹ Aw doen otaw meg-inang te medaet diyà kenyo, ikà niyo eg-inang te medaet diyà kandan. Aw doen otaw megtompuyus kenyo, ikà niyo egtompuyus kandan. Meneng pemoyò kaw diyà te Timanem te keidowan din dan, so pegtawal din kenyo, migpakang sikandin te keidowan kaw din.

1 Pedro 3:9 ပူးပေါင်းရင်းမြစ်များ

Roma 12:17

Pengkey doen otaw meg-inang te medaet diyà kenyo, ikà niyo eg-inang te medaet diyà kandan. Pegpekeaseb kaw meg-inang te ontò mèpiya eked silahi te doma otaw.

Roma 12:14

Pemoyò kaw diyà te Timanem te keidowan din se otaw egpemilang kenyo. Ikà niyo egpemoyò te detengan dan te medaet, meneng pegtawal-tawal kaw te keidowan din dan.

1 Tesalonika 5:15

Ikà niyo eg-inang te medaet diyà te menge otaw eg-inang te medaet diyà kenyo, meneng keilangan gayed kaw meg-inang te mèpiya diyà te menge doma otaw egpemenal aw diyà heman te kedita te otaw.

Mat. 5:44

Meneng mikagi a den diyà kenyo te keilangan kedekelan niyo te pedowan se poon niyo. Keilangan gayed kaw megtawal-tawal diyà te Timanem tepad te otaw egpemilang kenyo.

Efeso 4:32

Meneng keilangan meg-inang kaw te mèpiya, aw megpeidoway kaw. Keilangan pegwedaden niyo se salà ininang te doma otaw diyà kenyo, iling te pegwedad te Timanem te salà ininang niyo tandà te pegkematay i Cristo.

Mat. 5:39

Meneng mikagi a den diyà kenyo, aw doen otaw meg-inang te medaet diyà kenyo, ikà niyo eg-inang te medaet diyà kandin. Aw sempaken kaw te doma otaw diyà te pisngi lenged te kowanan, pesempaki niyo heman se pisngi lenged te bibang.

1 Pedro 5:10

Pengkey nelimahan kaw den seini, meneng mepenga iyan te eked kenamay. Gayed egtabang se Timanem, aw tinawal kaw din amon megdoma kaw kandin te wedad temanan tandà te pegsebad niyo diyà ki Cristo. Penga te pegtayod niyo te kelimahan, Timanem se meg-inang kenyo mesikop aw domasel, aw sikandin se memegay kenyo te eneg din.

Roma 8:28

Netegahan tadon den te pineokit te kedita te domateng kenitadon, doen kèpiyaan inangen te Timanem diyà te kedita tadon doen dakel pedowan kandin, so tinawal kidon din tandà te kandin ibeg.

Mat. 25:34

so mikagi a diyà te menge otaw lenged te kowanan ko, ‘Taking kaw den kanak, so pinemallì kaw te Amay ko Timanem amon meluba kaw. Metoman den iyan so megtebò a den lomowan diyà kenyo iling te peglalang te Amay ko te wedà pa inangi se keneyonan.

Menge Hebreo 6:14

Minikagi sikandin diyà ki Abraham, “Megpakang a kamno te mèpiya se ibegay ko kamno, so doen batà nikaw tomebaw, aw inangen ko sikona kemonaan te ontò medita otaw.”

Luc. 18:18

Doen sebad obanen te Judiyo mig-insà diyà ki Jesus, kagi din, “Sir, ontò ka mèpiya otaw. Eden lay se keilangan inangen ko amon mekinawà ko se kaling pedowan wedad temanan?”

Luc. 10:25

Nayan, timindeg se sebad menenoladà te menge punù ingkeliwat i Moises. Ibeg din megtandà ki Jesus, aw yan se doun te mig-insà sikandin, kagi din, “Sir, eden lay se keilangan inangen ko amon metoman a kominawà te kaling pedowan wedad temanan?”

Mat. 19:29

Aw timanan se otaw te kedònan din, aw kedowa din, aw amay din, aw inay din, aw batà din, aw pawà din, amon megpesakop diyà kanak, kominawà sikandin te ontong ginatos pa meelagà diyà te tinenanan din, aw begayan heman sikandin te kaling pedowan wedad temanan.

Roma 8:30

Se kedita tadon pinemallì te Timanem amon inangen kidon din iling te Batà din, yan heman se tinawal din. Se kedita tadon tinawal din, yan heman se inaneng-aneng din te metòlid. Se kedita tadon inaneng-aneng din te metòlid, yan se ipelowan din doma kandin.

Mar. 10:17

Nayan, pegkesayo i Jesus lekat kidoen, doen sebad otaw kimagnan doton kandin, aw limongken diyà kandin, aw mig-insà, kagi din, “Sir, ontò ka mèpiya otaw. Eden lay se keilangan inangen ko amon mekinawà ko se kaling pedowan wedad temanan?”

Genesis 42:25

Doen sineligan insogò i Jose meg-ipenò te sako te kedowa din te trigo. Migpunù heman si Jose kandin te ieles din se kwarta imbayad dan diyà te sako te tegsebad-sebad kandan. Impebegay din heman kandan se kànen dan diyà te dalan. Yan se ininang din diyà kandan.

Galasya 3:14

Pineokit te pegkematay i Jesu Cristo, se kèpiyaan impakang te Timanem ki Abraham gebii, yan se minapet den diyà te kedita te otaw pengkey kenà Judiyo, amon mekekinawà kidon te Espiritu Santo, sìyan impakang te Timanem ibegay diyà te kedita te otaw memenal.

Menge Hebreo 12:17

Netegahan niyo besi heman te penga niyan, ibeg din megtawal-tawal se amay din diyà te Timanem amon begayan sikandin te mèpiya. Meneng wedà din iyan kebatog, so eked ketodà se ininang din pengkey ontò sikandin migkelag se migpeido-ido.