1 Pedro 3:4 - Manobo Sarangani

⁴ Meneng keilangan ipekità niyo se mèpiya but lekat te pedowan niyo. Aw metinuud kaw, aw metelek kaw, yan se doen ontò keelagà eked palos pegkedaet, so ontò meelagà diyà te Timanem se otaw iling kenyan.

1 Pedro 3:4 ပူးပေါင်းရင်းမြစ်များ

Kolasas 3:12

Pinemallì kaw te Timanem, aw sinakop kaw din, aw egkedekelan kaw din te pedowan. Yan keilangan todaen niyo se keogpà niyo, so keilangan megpeidoway kaw, aw meg-inang kaw te mèpiya diyà te doma otaw. Keilangan megpedanà kaw te pegkeotawun niyo. Keilangan medalem se pedowan niyo. Keilangan melayat se pedowan niyo.

Mat. 11:29

Tiangi niyo se ipeibing ko kenyo iling te yogo, aw peg-iling kaw heman kanak, so ontò mèpiya se pedowan ko, aw mekeetod kaw.

Tito 3:2

Pegtoladà ka kandan te eked dan peglibag, aw eked dan pegdindil. Meneng keilangan mèpiya se pedowan dan diyà te kedita te otaw, aw megsagman dan kandan,

Mat. 23:26

Sikiyo menge Parisiyo, iling kaw te otaw bota, so eked niyo kitai se kebenalan. Keilangan onà kaw megligaw te didalem te baso aw sablag amon melinis se kedakel niyan.

Roma 7:22

Pengkey didalem te pedowan ko, ibeg ko tomolò a te ibeg te Timanem,

2 Korinto 4:16

Yan se doun te wedà a lengà. Pengkey melomay se lawa ko, meneng se pedowan ko gayed egkagsen.

1 Tesalonika 4:11

Keilangan gayed kaw metingen. Ikà niyo eg-inabut te eg-inangen te menge doma otaw. Keilangan megpekeaseb kaw megterbaho amon mekeabat kaw te kenyo kepulukan, so yan se impunù day kenyo kedengan.

Efeso 4:2

Ikà niyo egpelangkaw-langkaw. Keilangan melayat se pedowan niyo diyà te doma otaw tandà te pegpedekelay niyo te pedowan.

1 Pedro 3:15

Keilangan meg-aneng-aneng kaw te si Cristo se Pengolo niyo. Keilangan gayed kaw megpeketagad tomaba diyà te otaw meg-insà kenyo tepad te pinemenalan niyo.

1 Timoteo 2:2

Pegtawal-tawal kaw tepad te menge selotan aw tepad te kedita te otaw eglowan, amon mèpiya se keogpà tadon dalem te pegtolò tadon te Timanem aw peg-inang tadon te ontò metòlid.

Luc. 11:40

Wedad inenengen niyo. Ininang kaw te Timanem, aw ibeg din, tomalag mèpiya se pedowan niyo aw eg-inangen niyo.

Santiago 1:21

Yan tanan kaw te medaet inang niyo aw kedita te medaet aneng-aneng niyo. Tolò kaw te Timanem, aw pemenali niyo se kagi din insawol diyà te pedowan niyo, so se kagi din, yan se mekepelowà kenyo lekat te salà.

2 Timoteo 2:25

Aw megtoladà sikandin te menge otaw kenà egpemenal te kagi din, keilangan mèpiya se pedowan din kandan, so doen besi aldaw ibegay te Timanem kandan amon megselsel dan aw metaga-taga dan te kebenalan.

2 Tesalonika 3:12

Seini se ipunù day aw pemoyoen day kandan tandà te pegsebad tadon diyà te Pengolo tadon si Jesu Cristo. Keilangan metingen dan aw megterbaho dan amon doen ibayad dan te kandan kelidoan.

Mat. 5:5

“Doen keluba te kedita te otaw migpedanà te kandan pegkeotawun, so kominawà dan te tanà impakang te Timanem.

Roma 6:6

Netegahan tadon te peglansang ki Jesus doton te kros amon matay, iling te inlansang heman se tapay pedowan tadon doma kandin doton te kros, amon eked kidon den keibeg meg-inang te salà, aw amon eked kidon den keallang te salà,

Luc. 16:15

Meneng minikagi si Jesus, “Sikiyo se egpelingo-lingo te metòlid se eg-inangen niyo, meneng netaga-taga se Timanem te medaet se pedowan niyo. Pengkey megpelangkaw-langkaw kaw, meneng ontò iyan medaet diyà te Timanem.

1 Pedro 1:23

Todà kaw den timebaw kenà pineokit te otaw, meneng pineokit te kagi te Timanem wedad temanan egpemegay te kaling pedowan wedad temanan.

Kolasas 3:3

Iling te nematay kaw, aw iling te inantay kaw den te Timanem doma ki Cristo pengkey wedà pa iyan pekitai.

Galasya 5:23

aw mèpiya se pedowan din, aw egpeketameng te ibeg te pedowan din. Wedad palos punù ingkeliwat i Moises te eked kepakay se peg-inang te mèpiya iling kenyan.

2 Korinto 10:1

Na, siak si Pablo doen ipunù ko kenyo lekat te pegketinuud aw keido i Cristo. Siak ekon se telawun aw kidoen a doma niyo, meneng mebolot a ekon aw somolat a kenyo lekat te mediyò.

Mat. 21:5

“Seini se iindan no diyà te kedita te tege Sion. Na, domateng se selotan niyo, aw medanà se pegkeotawun din, so somakay te nati te asno.”

Roma 1:23

Wedà dan pegsimba te Timanem eked kematay, meneng migsimba dan te inotaw doen bawa te otaw egkematay, aw manok, aw ayam-ayam, aw menenanap.