1 Pedro 3:1 - Manobo Sarangani

¹ Sikiyo heman menge bayi doen esawa, keilangan tomolò kaw te kenyo esawa, amon pengkey wedà dan pa tolò te kagi te Timanem, meneng meibeg dan memenal pineokit te pegkità dan te metòlid eg-inangen niyo. Wedad keilangan te mikagi kaw diyà kandan tepad te kagi te Timanem,

1 Pedro 3:1 ပူးပေါင်းရင်းမြစ်များ

Kolasas 3:18

Na, sikiyo menge bayi doen esawa, keilangan tomolò kaw te esawa niyo, so yan se mèpiya inangen te menge sakop te Pengolo tadon.

Efeso 5:33

Meneng ibeg ko ketegahan niyo te keilangan dakel se pedowan te teg sebad-sebad meama te esawa din, iling te aneng-aneng din tepad te kandin pegkeotawun. Keilangan megsagman heman se bayi te kandin esawa.

1 Korinto 11:3

Meneng ibeg ko ketegahan niyo ini. Si Cristo, yan se olo te kedita te meama, aw se meama yan se olo te esawa din, aw se Timanem Amay yan se olo i Cristo.

1 Korinto 7:16

Pengkey temengan niyo se esawa niyo kenà egpemenal, meneng eked niyo ketegahi aw memenal dan.

Genesis 3:16

Minikagi se Timanem diyà te bayi, “Ontò ko dogangan se kelimahan te pegbatà nikaw. Aw tebawan ka, elegen ka. Meneng ontò ka meibeg te kamno esawa, aw mengolo sikandin diyà kamno.”

1 Pedro 3:7

Sikiyo heman menge meama doen esawa, keilangan meg-ipat kaw kandan aw megsagman kaw heman kandan. Labi dan pa melomay diyà te meama, meneng kenà olò meama se egbegayan te kaling pedowan wedad temanan, so bayi heman se egbegayan kenyan. Keilangan megsagman kaw te kenyo esawa amon wedad mekebelabag te pegtawal-tawal niyo diyà te Timanem.

Roma 7:2

Yan eked todà pengognan se bayi doen esawa singed aw matay se esawa din, so yan se punù te gobirno. Meneng aw matay se esawa te bayi, mepakay aw mengognan todà, so wedad den labut din te punù sìyan.

1 Korinto 14:34

egkepenek se menge bayi doton te simbahan, so eked kepakay aw mikagi dan. Doen heman kagi te Timanem insolat, te keilangan tomolò se bayi te meama.

Mat. 18:15

“Na, aw doen otaw egpemenal meg-inang te salà diyà kenyo, doton kaw kandin te wedad doma otaw kidoen, aw ikagi kaw diyà kandin tepad te salà ininang din. Aw megselsel sikandin, yan tinebangan niyo den sikandin.

Kolasas 4:5

Keilangan mèpiya se eg-inangen niyo diyà te menge doma otaw kenà egpemenal. Peg-indan kaw kandan tepad ki Cristo te pengkey eden eldawi.

Menge Hebreo 11:8

Simalig heman si Abraham diyà te Timanem. Pegtawal te Timanem kandin, timolò sikandin aw nesayo lekat te lonsod inogpaan din. Pegkesayo din doton, wedà din ketegahi aw kenan se dotonan din, meneng dimoton sikandin te ogpeanan impakang te Timanem kandin.

Roma 6:17

Kedengan, neallang kaw te salà. Meneng ontò a den egpesiontong diyà te Timanem, so nelobos den se pedowan niyo egtolò te kebenalan intoladà kenyo tepad te Timanem pinesekopan niyo.

1 Pedro 4:17

Megtebò den se Timanem meg-okom, aw sakop din se onà din okomen. Yan aw sikitadon egsalig diyà kandin se onà okomen, labi pa medaet se kegemakan te menge otaw kenà egpenenalan te Mèpiya Indan impetaga-taga te Timanem tepad ki Cristo.

1 Pedro 1:22

So nenenalan kaw den te kebenalan tepad ki Cristo, lininisan kaw den lekat te salà, aw ontò kaw den egpedekelay te pedowan. Meneng ibeg ko, labi kaw pa megpedekelay te pedowan.

Menge Hebreo 5:9

Pineokit te pegtayod din te kedita niyan, impetaga-taga din te ontò sikandin timolò, aw yan neinang sikandin Egpelowà te kedita te otaw tomolò kandin, amon begayan din dan te kaling pedowan wedad temanan.

Roma 10:16

Meneng te pegtoladà dan te Mèpiya Indan, pilabok se Judiyo nemenal kenyan, so gebii minikagi se telekeliwat te kagi te Timanem si Isaias, “E Pengolo ko, wedad nael otaw nemenal te intoladà day.”

1 Pedro 3:2

so komità dan te pegsagman niyo te Timanem aw wedad eg-inangen niyo mepakay dan silahen.