1 Pedro 2:9 - Manobo Sarangani

⁹ Meneng kenà kaw iling kandan, so sikiyo se pinemallì te Timanem aw ininang kaw menge batà din. Ininang kaw din menge pengolo te simbahan eglowanan i Cristo. Ininang kaw din menge sakop din egpenimanem, aw tinig-apò kaw din heman. Pinemallì kaw din amon meg-indan kaw te doma otaw tepad te menge mèpiya ininang din diyà kenyo, so pegtawal din kenyo amon megpesakop kaw diyà kandin, inalin kaw din lekat te kengitngit doton te mèpiya kelowahan din.

1 Pedro 2:9 ပူးပေါင်းရင်းမြစ်များ

Impekità 1:6

Impeakop kidon din diyà te peglowan din. Ininang kidon din menge sogounun din amon meg-inang kidon te ibeg te Amay din Timanem. Yan mèpiya aw sikandin se iduyun aw lomowan te wedad temanan. Metoman iyan.

Impekità 5:10

Impeakop no dan diyà te peglowan nikaw. Ininang no dan menge sogounun no, Aw eglowan den dan kidoen te keneyonan.”

2 Timoteo 1:9

Impelowà kidon din lekat te salà aw tinawal kidon din amon inangen kidon din menge sakop din. Yan se ininang din kenà tandà te peg-inang tadon te mèpiya, meneng tandà te kandin ibeg aw tabang din kenitadon. Gebii te wedad pa palos ininang din, miglalang sikandin megtabang kenitadon pineokit ki Jesu Cristo.

1 Pedro 2:5

Binegayan kaw din te kaling pedowan wedad temanan. Aw beyà-beyaan kaw din, meinang kaw iling te menge bato gemiten te peg-inang te balay egsimbahan te Timanem. Inangen kaw din heman iling te menge pengolo te simbahan te Judiyo, so pineokit te tabang i Jesu Cristo, doen den mepakay tadon ibegay diyà te Timanem. Aw megsimba kidon kandin aw domuyun kidon heman kandin, yan se kelubahan din.

Tito 2:14

Sikandin se simelilin kenitadon te pegkematay din amon megpelowà kenitadon lekat te pegkeallang tadon te salà, aw amon sekopen kidon din. Yan se doun te lininisan kidon din lekat te salà, aw ininang kidon din otaw meibeg meg-inang te mèpiya.

Ininang 26:18

amon ketegahan dan se kebenalan, amon tomanan dan te kengitngit aw megpesalo dan diyà te kelowahan, amon mekelowà dan lekat te belad i Satanas aw megpesakop dan diyà te Timanem, aw pegwedaden din se salà dan pineokit te pegpemenal dan diyà kanak, amon kinewaen dan heman se ontong ibegay te Timanem diyà te kedita te batà din.’

Impekità 20:6

Meluba aw egpenimanem heman se kedita te otaw entayen te Timanem te tagnà peg-antay din. Yan se otaw eked pesipati diyà te medaet otaw ipelumun te ikedowa pegkematay. Inangen dan menge sogounun i Cristo aw Timanem. Lomowan dan doma i Cristo dalem te sebad melalan se omay.

Mat. 5:16

Iling heman kenyan, keilangan olò mèpiya se inangen niyo, so aw komità se menge doma otaw te mèpiya se eg-inangen niyo, iduyun dan se Amay niyo Timanem doton te langit.”

Kolasas 1:13

Impelowà kidon den te Timanem lekat te peglowan i Satanas, aw inalin kidon din doton te peglowan te Batà din si Jesu Cristo ontò din nedekelan te pedowan,

1 Korinto 3:17

Aw doen otaw megbaet te balay sìyan, pegbàtan heman sikandin te Timanem, so balay te Timanem se eg-ogpaan din, aw sikiyo se balay din sìyan.

Ininang 20:28

Pekeimanday kaw. Pegtonggò kaw te kedita te otaw egpemenal, so Espiritu Santo se miggulal kenyo egpengibing amon mengibing kaw kandan. Ininang kidon din sakop din pineokit te pegkematay i Jesus.

Filipos 3:14

Gayed a egpekagsen iling te otaw egkoyà gayed egkagnan pesalo doton te temanan amon mekekinawà a te ontong ibegay te Timanem kanak, so tinawal a din meg-ogpà doton te langit tandà te ininang i Jesu Cristo kanak.

Mat. 4:16

pengkey iling te eg-ogpà dan doton te kengitngitan, meneng kitaen dan se ontò melowa. Pengkey eg-ogpà dan doton te kengitngitan aw egkelemitan dan te kemetayun, meneng egkeenyagan dan.”

1 Pedro 1:2

Pineokit te ibeg te Timanem Amay tadon gebii, pinemallì kaw din aw ininang kaw din egpenimanem pineokit te tabang te Espiritu Santo amon meketolò kaw ki Jesu Cristo, so pineokit te dipanog din, lininisan kaw den lekat te salà. Ibeg ko, labi kaw pa tebangan te Timanem, aw labi pa melinaw se pedowan niyo.

Luc. 1:79

so manyag sikandin diyà kenitadon pengkey iling kidon te otaw eg-ogpà diyà te kengitngitan aw nelemitan te kemetayun, amon ipeokit kidon din kidoen te dalan pesalo doton te kelinaw.”

Roma 9:24

Sikitadon se otaw sìyan tinawal te Timanem. Kenà olò menge Judiyo se tinawal din, meneng otaw heman kenà Judiyo.

Ininang 26:28

Minikagi si Agripas ki Pablo, “Te eked kenamay, meinang a no peden sakop i Cristo.”

1 Pedro 4:11

Aw insogò kaw te Timanem megtoladà, keilangan kagi te Timanem se itoladà niyo. Aw insogò kaw te Timanem megtabang te doma otaw, keilangan measeb kaw megtabang, so begayan kaw te Timanem te eneg. Aw iling kenyan se kedita te eg-inangen niyo, iduyun se Timanem pineokit te pegtabang i Jesu Cristo kenyo. Timanem se iduyun aw lomowan te wedad temanan. Metoman iyan.

Efeso 1:6

Iduyun tadon se Timanem so ontò mèpiya se keido din, so ontò kidon din tinebangan pineokit te Batà din egkedekelan din te pedowan.

Efeso 1:14

So impeogpà din se Espiritu Santo diyà kenitadon, netegahan tadon te kominawà kidon te kedita te kèpiyaan impakang din kenitadon, aw ontò kidon din heman ipelowà. Yan se doun te iduyun tadon sikandin.

Juan 17:19

Amon ketebangan ko dan, ibegay ko den kamno se pegkeotawun ko tomolò te ibeg no, amon memegay dan heman kamno te pegkeotawun dan aw melobos heman se pegtolò dan te ibeg no kandan.

Efeso 3:21

Iduyun sikandin pineokit te kedita tadon egpemenal aw pineokit heman ki Jesu Cristo. Iduyun sikandin te wedad palos temanan. Metoman iyan.