1 Pedro 2:7 - Manobo Sarangani

⁷ Ontò sikandin meelagà diyà te kedita niyo simalig diyà kandin. Meneng doen kagi te Timanem insolat tepad te menge otaw wedà salig diyà kandin, “Doen bato in-agbel te menge otaw mig-inang te balay, so eden dan aw wedad kekemowan niyan, Meneng yan se bato ontò salig te balay.”

1 Pedro 2:7 ပူးပေါင်းရင်းမြစ်များ

Mat. 21:42

Minikagi si Jesus, “Iling te wedà kaw palos pegbasa te kagi te Timanem seini, ‘Doen bato in-agbel te menge otaw mig-inang te balay, so eden dan aw wedad kekemowan niyan. Meneng yan se bato ontò salig te balay. Mèpiya se ininang te Pengolo sìyan, aw yan se doun te iduyun tadon sikandin.’

1 Pedro 2:8

Doen heman kagi te Timanem insolat, “Yan se bato mekebangkil kandan. Yan se bato kedogsoan dan.” Yan se dimateng kandan so wedà dan penenalan te kagi te Timanem, aw yan se pelumun impetagad din kandan.

1 Pedro 1:8

Pengkey wedà kaw palos kità ki Jesus, meneng dakel se pedowan niyo kandin. Pengkey wedà kaw kità kandin, meneng nemenal kaw kandin, aw yan se doun te ontò neluba se pedowan niyo, aw eked iyan kelitok te kagi.

Menge Hebreo 11:31

Meneng doen sebad bayi kepoyun ngadan din si Rahab mig-ogpà doton te Jeriko. Pegsogò i Josue te dowa otaw migsimà doton te Jeriko, migsagman si Rahab kandan aw migtabang heman kandan. So simalig sikandin diyà te Timanem, yan wedà sikandin pekesipat te pegkegelà te doma tege Jeriko wedà tolò te Timanem.

Menge Hebreo 4:11

Yan, so doen mèpiya ogpeanan impetagad te Timanem kenitadon, keilangan megpekagsen kidon amon ipeogpà kidon din doma din doton te mèpiya ogpeanan sìyan impetagad din. Keilangan eked kidon peg-iling te menge kemonaan tadon sìyan, so wedà dan tolò aw yan wedà din dan peogpai doton.

Tito 3:3

so sikitadon egpemenal, wedad heman inenengen tadon kedengan, aw metugul kidon, aw wedà kidon taking te ibeg te Timanem. Neallang kidon te mededaet ibeg te pedowan tadon aw menge kelubahan medaet. Gayed kidon eg-aneng-aneng tepad te medaet inangen tadon diyà te doma otaw, aw gayed kidon eg-ingà. Nebensihan kidon te doma otaw aw nebensi kidon heman kandan.

Kolasas 2:10

Pineokit te pegpemenal niyo ki Cristo, nekekinawà kaw den te kaling pedowan aw wedad kolang niyan. Sikandin se melangkaw diyà te kedita te metolos aw eglowan.

2 Korinto 2:16

Na, se otaw memenal te itoladà ko, yan se begayan te Timanem te kaling pedowan aw keentayan wedad temanan. Meneng se otaw eked pemenal, yan se detengan te kemetayun wedad temanan. Pengkey doen otaw eg-aneng-aneng te wedad mekebatog megtoladà kenyan, meneng egpekebatog a so egtebangan a te Timanem.

Roma 15:31

Pemoyò kaw diyà kandin te eked a peelegi te menge otaw kenà egpesakop diyà ki Cristo doton te Judiya. Pegtawal-tawal kaw heman te megpesiontong se menge sakop te Timanem doton te Jerusalem tandà te peg-ated ko te kwarta itabang kandan.

Roma 10:21

Doen heman kagi te Timanem insolat i Isaias tepad te menge Judiyo, kagi din, “Pengkey gayed a egtawal kandan amon megpedapag dan diyà kanak, meneng kenà dan egtolò so metugul dan.”

Ininang 26:19

“Sir, penga niyan, tinolò ko se impekità din kanak lekat te langit.

Juan 4:42

Minikagi dan diyà te bayi, “Nemenal kay den kenà olò pineokit te inikagi no kenami, meneng nemenal kay den so nenenalan kay den kandin, aw netegahan day den te ontò sikandin se megpelowà te kedita te otaw.”

Luc. 20:17

Meneng timengteng si Jesus diyà kandan aw minikagi, “Meneng keilangan iyan metoman, so doen kagi te Timanem insolat, ‘Doen bato in-agbel te menge otaw mig-inang te balay, so eden dan aw wedad kekemowan niyan. Meneng yan se bato ontò salig te balay.’

Luc. 2:32

Sikandin se mekelowa te kengitngit kidoen te pedowan te kedita te otaw kenà Judiyo, aw sikandin se megpetaga-taga diyà kenami menge bowad-bowad i Israel pinemallì no te ontò ka melangkaw.”

Luc. 2:34

Migtawal-tawal si Simeon te ketebangan dan te Timanem, aw minikagi sikandin diyà te inay te batà si Maria, “Na, meinang se batà seini pengilala kitaen te medita bowad-bowad i Israel. Aw komità dan kandin, medita se otaw komulu kandin aw ipelumun dan, meneng medita se doma otaw somalig diyà kandin aw mekelowà dan lekat te pelumun,

1 Pedro 2:4

Keilangan beyà-beyaan kaw i Cristo egpemegay te kaling pedowan wedad temanan. Iling sikandin te bato gemiten te peg-inang te balay. Pengkey mig-aneng-aneng se menge otaw te wedad keelagà din, meneng sikandin se pinemallì te Timanem aw meelagà diyà kandin.