1 Pedro 2:6 - Manobo Sarangani

⁶ Doen kagi te Timanem insolat tepad ki Cristo, “Pinemallì ko se ontò meelagà bato egpetindegan ko te balay doton te lonsod te Sion. Eked palos pekebollog se otaw somalig diyà kandin.”

1 Pedro 2:6 ပူးပေါင်းရင်းမြစ်များ

1 Pedro 2:4

Keilangan beyà-beyaan kaw i Cristo egpemegay te kaling pedowan wedad temanan. Iling sikandin te bato gemiten te peg-inang te balay. Pengkey mig-aneng-aneng se menge otaw te wedad keelagà din, meneng sikandin se pinemallì te Timanem aw meelagà diyà kandin.

Efeso 2:20

Se kedita tadon egpemenal, iling kidon te balay, aw iling te tollok te balay se menge sogounun i Cristo aw menge telekeliwat te kagi te Timanem. Si Jesu Cristo se iling te bato pinetindegan te balay sìyan.

Mar. 12:10

Migbasa kaw den besi te kagi te Timanem seini insolat, ‘Doen bato in-agbel te menge otaw mig-inang te balay, so eden dan aw wedad kekemowan niyan. Meneng yan se bato ontò salig te balay.

Roma 10:11

Doen kagi te Timanem insolat, “Eked palos pekebollog se otaw somalig diyà kandin.”

2 Timoteo 3:16

Lekat te Timanem se kedita te kagi impesolat din, aw doen ontong tadon kenyan te pegtoladà tadon te kebenalan, aw pegsagda tadon te medaet, aw pegtodà tadon te kolang, aw pegtoladà tadon tepad te metòlid eg-inangen.

Juan 7:38

Aw memenal se otaw kanak, metoman diyà kandin se kagi te Timanem insolat, ‘Kidoen te pedowan din, tomebol se wayeg mekebegay te kaling pedowan wedad temanan.’”

Luc. 23:35

Timengteng kandin se kedita te otaw netipon kidoen. Meneng se menge obanen te Judiyo, migbaet-baet dan kandin, kagi dan, “Migtabang sikandin te doma otaw netigdaan amon eked dan pa kematay. Kitaen tadon den aw meketabang sikandin te kandin pegkeotawun amon eked kematay. Kitaen tadon heman aw benal sikandin se Misiyas insogò te Timanem, sìyan tapay pinemallì din.”

Mat. 12:18

“Seini se pinemallì ko isogò doton kenyo, sìyan nedekelan ko te pedowan aw nelubahan ko. Ibegay ko se Espiritu Santo meg-ogpà diyà kandin. Megpetaga-taga sikandin te kedita te otaw pengkey kenà Judiyo te agpet a den meg-okom.

2 Pedro 3:16

Iling heman kenyan se ipegtoladà i Pablo diyà te kedita te solat din. Doen heman insolat din melima kelebetan, aw yan se todaen te menge otaw wedà ontò ketaga-taga te kebenalan aw wedà kelobos se pegsalig dan diyà te Timanem. Iling heman kenyan se pegtodà dan te menge doma kagi te Timanem insolat, aw yan se doun te pegbàtan din dan.

2 Pedro 1:20

Seini se melangkaw te kedita ipeaneng-aneng ko kenyo. Wedad otaw mekelabet te kagi te Timanem insolat te menge telekeliwat din gebii singed aw tebangan sikandin te Timanem,

Efeso 1:4

Gebii te wedà pa inangi te Timanem se keneyonan, tapay kidon din pinemallì amon inangen kidon sakop din pineokit ki Cristo, aw amon meg-aneng-aneng se Timanem te metòlid kidon, aw wedad silahen din diyà kenitadon. So dakel se pedowan te Timanem kenitadon,

Ininang 1:16

“Menge kedowa ko, netoman den se kagi te Timanem impesolat te Espiritu Santo ki David tepad ki Judas. Sikandin se nengibing te menge otaw migdakep ki Jesus.

Genesis 49:24

meneng megkedaet se bosog dan, aw megkelomay se bebenayen dan tandà te inang te Timanem Metolos egseligan ko. Timanem se megbantay aw meg-ipat te menge bowad-bowad ko.

Luc. 20:17

Meneng timengteng si Jesus diyà kandan aw minikagi, “Meneng keilangan iyan metoman, so doen kagi te Timanem insolat, ‘Doen bato in-agbel te menge otaw mig-inang te balay, so eden dan aw wedad kekemowan niyan. Meneng yan se bato ontò salig te balay.’

1 Pedro 2:8

Doen heman kagi te Timanem insolat, “Yan se bato mekebangkil kandan. Yan se bato kedogsoan dan.” Yan se dimateng kandan so wedà dan penenalan te kagi te Timanem, aw yan se pelumun impetagad din kandan.