1 Pedro 2:1 - Manobo Sarangani

¹ So menge batà kaw den te Timanem, yan keilangan eked kaw den peg-inang te medaet diyà te doma otaw. Ikà niyo egkebolalaw. Ikà niyo egpelingo-lingo. Ikà niyo eg-ingà. Ikà niyo egbaet-baet.

1 Pedro 2:1 ပူးပေါင်းရင်းမြစ်များ

Efeso 4:31

Ikà niyo egpeogpà te medaet diyà te pedowan. Ikà niyo egkeopal. Ikà niyo egdindil. Ikà niyo egbaet-baet. Ikà niyo heman eg-inang te medaet diyà te doma otaw.

Santiago 1:21

Yan tanan kaw te medaet inang niyo aw kedita te medaet aneng-aneng niyo. Tolò kaw te Timanem, aw pemenali niyo se kagi din insawol diyà te pedowan niyo, so se kagi din, yan se mekepelowà kenyo lekat te salà.

Santiago 4:11

Menge kedowa ko, ikà niyo egpesilahay. Aw somila kaw te doma otaw, aw meglindò kaw kandan, mekelindò kaw heman te punù te Timanem. Aw meglindò kaw te punù te Timanem, kenà kaw egtaking te punù din, so lomowan kaw peden kenyan.

1 Pedro 3:10

Doen kagi te Timanem insolat, “Aw meibeg se otaw meluba aw beyang-beyang dini lanto te tanà, keilangan eked sikandin ikagi te medaet, aw eked heman sikandin pegkebolalaw.

1 Pedro 4:4

Nepela den se menge medaet otaw tinekingan niyo kedengan, so kenà kaw den egtaking kandan te peg-inang dan te pengkey eden se medaet ibeg dan, aw yan egtompuyus dan kenyo.

1 Pedro 4:2

so dalem te peg-ogpà niyo dini lanto te tanà, eked kaw taking te medaet ibeg te pedowan niyo, meneng ibeg te Timanem se tekingan niyo.

Santiago 5:9

Menge kedowa ko, ikà niyo egpelibagay amon eked kaw pelumuni, so agpet den se peg-okom te Pengolo.

Menge Hebreo 12:1

Nayan, ontò medita se otaw simalig diyà te Timanem gebii, aw yan impetaga-taga dan diyà kenitadon te ontò egkeseligan se Timanem. Iling te pegkoyà se pegtaking tadon te Timanem dini lanto te tanà, aw yan keilangan tomanan kidon heman te kedita mekeanggà kenitadon iling te inangen te otaw megkekoyà. Keilangan lomengà kidon heman te peg-inang tadon te salà gayed egpekeiket kenitadon. Keilangan megpekagsen kidon komagnan lamig domateng kidon doton te temanan.

1 Timoteo 3:11

Keilangan metinuud heman se esawa dan. Eked kepakay aw egbaet-baet dan. Keilangan biyasa dan memallì te metòlid inangen dan. Keilangan keseligan dan te pengkey eden se eg-inangen dan.

1 Pedro 2:22

Wedad palos salà ininang din. Wedà sikandin palos pegkebolalaw.

Tito 2:3

Iling heman kenyan se itoladà no diyà te menge lokes, te keilangan metòlid se inangen dan amon meluba se Timanem kandan. Eked kepakay aw megbaet-baet dan aw meglasing dan. Keilangan mèpiya se itoladà dan

1 Korinto 14:20

Menge kedowa ko, ikà niyo eg-iling te mengisù wedad inenengen. Pengkey mèpiya aw iling kaw te mengisù wedad toig meg-inang te salà, meneng diyà te aneng-aneng niyo, pekitai niyo te metesan kaw den.

Roma 1:29

Nelegeb dan te medita kemolò te medaet. Egkeibeg dan te kedònan te doma, aw egtindaet dan. Gayed dan eg-ingà, aw egbonò, aw egdindil, aw eg-akal, aw medaet se eg-ikegiyen dan tepad te doma otaw. Egbelikbik dan,

Luc. 6:42

Aw eked niyo kitai se batang kidoen te kenyo mata, eked kaw peketabang te doma niyo amon meabat se sagbet lekat te kandin mata. Kolang se aneng-aneng niyo te wedad salà niyo. Ebati niyo onà se batang lekat te kenyo mata, aw penga niyan metaen se pegkità niyo amon mengabat kaw heman te sagbet lekat te mata te doma niyo.”

Mat. 23:28

Iling kaw kenyan, so pengkey aneng-aneng te doma otaw metòlid se eg-inangen niyo, meneng nelegeb se pedowan niyo te kebolalaw aw kededàtan.”

Mat. 7:5

Kolang se aneng-aneng niyo. Ebati niyo onà se batang lekat te kenyo mata, aw penga niyan metaen se pegkità niyo amon mengabat kaw heman te sagbet lekat te mata te doma niyo.

2 Korinto 12:20

Netetana a aw domateng a kidoen kenyo, kitaen ko sikiyo meg-inang te kenà ko ibeg. Aw yan se inangen niyo, inangen ko heman kenyo se kenà niyo ibeg, so segdahen ko sikiyo. Netetana a aw kitaen ko sikiyo megpedindilay, aw megpeingaay, aw megpeopalay, aw megpedemetay kaw. Doen besi heman kitaen ko menge otaw egbaet-baet, aw egbelikbik, aw egpelangkaw-langkaw, aw egsamok.

Impekità 14:5

Wedad palos kebolalaw inikagi dan, so wedà dan peg-inang te medaet te wedà dan pa kematay.

1 Pedro 2:16

Mepakay aw memallì kaw den aw eden se inangen niyo, meneng ikà niyo eg-aneng-aneng te mepakay aw memallì kaw meg-inang te medaet, so keilangan metòlid se eg-inangen niyo, amon ipetaga-taga niyo te egtolò kaw den te Timanem.

Santiago 4:5

Eden niyo aw wedad ketomanan te kagi te Timanem, te insogò din se Espiritu Santo meg-ogpà diyà te pedowan tadon, aw ibeg din ontò melobos se pedowan tadon diyà kandin.

Santiago 3:14

Meneng aw eg-ingà aw egpelangkaw-langkaw diyà te doma otaw, eked kepakay aw mikagi te biyasa, so migkebolalaw sikandin.

1 Tesalonika 2:3

Kenà kebolalaw se ipegtoladà day. Kenà heman medaet se tod day. Kenà heman amon meg-akal kay kenyo.

1 Korinto 5:8

Yan se doun te mèpiya aw megpesiontong kidon diyà te Timanem tandà te peglengà tadon te peg-inang te medaet, so yan se iling te yist mekeketin kenyo. Meneng keilangan lobosen tadon se pedowan te pegtaking tadon te kebenalan, so yan se iling te pan wedad yist.

Juan 1:47

Pegdateng dan doton, minikagi si Jesus tepad ki Natanael, “Na, yan se benal bowad-bowad i Israel, so wedad palos ipegbolon din.”

Luc. 11:44

Mekelelayò kaw, so medaet se awop te pedowan niyo. Iling kaw te lebeng eked kilelai te otaw mokit kidoen.”

Luc. 12:1

Nayan, dalem te pegtoladà i Jesus, minelalan se otaw netipon diyà kandin igsà migpegìtay dan te benis. Onà minikagi si Jesus diyà te menge tinoledaan din, “Peg-ahà kaw amon eked kaw ketini te salà te menge Parisiyo, so eden dan aw egpenimanem dan.

Mar. 12:15

Meneng netegahan i Jesus te medaet se tod dan te peg-insà dan kenyan. Yan minikagi sikandin, “Medaet se pegtandà niyo kanak. Pekitai niyo kanak se kwarta ipegbayad niyo te mihoras.”

Mat. 24:51

Metoman sikandin ipelumun te amo din, so ipelumun sikandin iling te menge otaw eden dan aw egpenimanem dan. Ontò megkelag se otaw doton, aw megyangget-yangget se ngipen dan tandà te kegemakan dan.”

Mat. 15:7

Tay law. Eden niyo aw egpenimanem kaw. Sikiyo se tinedoan te kagi te Timanem ingkeliwat i Isaias gebii,