1 Korinto 9:8 - Manobo Sarangani

⁸ Lekat te keogpà tadon se tegdeyanan ko seini, meneng onawa heman se toladà diyà te kagi te Timanem insolat,

1 Korinto 9:8 ပူးပေါင်းရင်းမြစ်များ

1 Tesalonika 4:8

Yan aw doen otaw eked tolò te punù sìyan, kenà otaw se egkuluwan din meneng egkuluwan din se Timanem nemegay kenyo te Espiritu Santo.

1 Tesalonika 2:13

Gayed kay heman egpesiontong diyà te Timanem tepad kani. Pegtoladà day kenyo te kagi te Timanem, nemenal kaw kenyan, so netegahan niyo te kenà iyan olò kagi te otaw, meneng ontò benal kagi te Timanem. Pineokit te kagi te Timanem, doen eg-inangen din diyà te kedita niyo egpemenal.

1 Korinto 14:34

egkepenek se menge bayi doton te simbahan, so eked kepakay aw mikagi dan. Doen heman kagi te Timanem insolat, te keilangan tomolò se bayi te meama.

1 Korinto 7:40

Meneng se aneng-aneng ko, labi pa besi meluba se balo aw eked todà pengognan. Aneng-aneng ko, Espiritu Santo se migtoladà kanak kenyan.

Roma 6:19

Kenà medalem se kagi ko kenyo seini, so ibeg ko mekelabet kaw te toladà ko kenyo. Kedengan, neallang kaw te salà, aw ginamit niyo se lawa niyo mig-inang te salà, aw gayed niyo pigdogangan se salà. Meneng songkani, keilangan gemiten niyo se lawa niyo meg-inang te metòlid amon benal kaw egpenimanem.

Roma 3:31

Meneng ikà niyo eg-aneng-aneng te tinenanan tadon den se menge punù ingkeliwat i Moises pineokit te pegpemenal tadon ki Jesus. Meneng so nemenal kidon den ki Jesus, mekebatog kidon den tomolò te menge punù ingkeliwat i Moises.

Roma 3:5

Meneng doen besi menge otaw eg-aneng-aneng te mepakay aw meg-inang kidon te medaet, so pineokit kenyan, ontò metaga-taga se doma otaw te metòlid se Timanem, aw yan eked kepakay aw ipelumun te Timanem se otaw eg-inang te medaet. Doen besi menge otaw eg-aneng-aneng iling kenyan.

Galasya 1:11

Menge kedowa ko, seini se ipetaga-taga ko kenyo, kenà lekat te aneng-aneng te otaw se Mèpiya Indan tepad ki Cristo, sìyan intoladà ko kenyo,