1 Korinto 9:5 - Manobo Sarangani

⁵ Simpana doen esawa ko, mepakay aw ipetaking ko pengkey kenan a pesalo, so doen man esawa ipegpetaking te menge doma sogounun i Cristo, pengkey si Pedro aw menge kedowa i Jesus.

1 Korinto 9:5 ပူးပေါင်းရင်းမြစ်များ

Juan 1:42

Impetaking din se kakay din doton ki Jesus. Pegkità i Jesus kandin, minikagi, “Sikona si Simon, batà i Juan. Meneng ingedanan ka ki Cefas.” (Onawa se kelebadan te ngadan Cefas aw Pedro, yan se kagi “Bato.”)

Mat. 8:14

Nayan, dimoton si Jesus te balay i Pedro, aw kinità din se ogangan i Pedro bayi minibat so piglegenaw.

Menge Hebreo 13:4

Keilangan meg-aneng-aneng se kedita te otaw te meelagà se pegkelobos te pedowan te teleesawa. Keilangan wedad otaw lomakad te kandin esawa, so megpelumun se Timanem te kedita te otaw lomakad aw lomayok te kenà kandin esawa.

Galasya 1:19

Wedad doma sogounun i Cristo pigkità ko, olò sìyan kedowa i Jesus si Santiago.

1 Korinto 7:39

Eked kepakay aw somoway se bayi te esawa din singed aw matay se meama. Meneng aw matay se meama, mepakay aw todà mengognan se bayi balo, meneng keilangan egpemenal te Pengolo tadon se pengognanen din.

1 Korinto 7:7

Pengkey ibeg ko meiling kaw peden kanak so wedad esawa ko, meneng netegahan ko te lekat te Timanem se mebatog inangen te teg sebad-sebad otaw.

Ininang 1:14

Melikit dan netipon aw migsebad se pedowan te kedita dan migtawal-tawal diyà te Timanem. Netipon heman kidoen se menge bayi, aw menge kedowa i Jesus, aw inay din si Maria.

Tito 1:6

te keilangan pemellien no olò se otaw wedad palos isila kandin. Keilangan sebad olò se esawa din aw kenà eglakad. Keilangan egpemenal heman se menge batà din aw wedad dengeg dan te egtaking dan te keluba te keneyonan. Keilangan egtolò dan te ipegpunù kandan.

1 Timoteo 5:2

Peg-aneng-aneng ka te menge lokes iling te inay nikaw, aw menge kaling bayi iling te etebay nikaw, aw wedad medaet inangen no kandan.

1 Timoteo 3:2

Se otaw inangen egpengibing te simbahan, keilangan wedad palos isila kandin. Keilangan sebad olò se esawa din aw kenà eglakad. Keilangan biyasa sikandin memallì te metòlid inangen din. Keilangan tikbel sikandin. Keilangan besahan sikandin te menge doma otaw. Keilangan megsagman sikandin te menge otaw gomemaw kandin. Keilangan biyasa sikandin megtoladà.

1 Korinto 7:15

Meneng se otaw kenà egpemenal, aw ibeg din tomanan te esawa din egpemenal, mepakay iyan. Eked pegtameng se otaw egpemenal, so ibeg te Timanem eked kidon pegleges te doma.

1 Korinto 1:12

Ibeg ko ipekelabet kenyo. Doen ekon eg-ikagi te siak se egtekingan dan. Doen ekon heman menge doma eg-ikagi te si Apolos se egtekingan dan. Doen ekon doma egtaking ki Pedro, aw doen pa ekon eg-ikagi te si Cristo olò se egtekingan dan.

Roma 16:1

Nayan, iindan ko den kenyo tepad ki Febe. Sikandin se doma tadon egsalig diyà ki Cristo, aw sebad opisyal te simbahan doton te Sengkriya.

Juan 2:12

Penga te peipid, dimoton si Jesus te Kapirnaom tinekingan te inay din, aw menge kedowa din, aw menge tinoledaan din. Mig-ogpà dan kidoen te wedà kenamay.

Luc. 6:15

si Mateo, si Tomas, aw si Santiago batà i Alfeo, aw si Simon meyseg,

Mar. 6:3

Meneng netegahan tadon te olò sikandin karpintiro, aw si Maria se inay din. Netegahan tadon heman se menge kedowa din si Santiago, si Jose, si Judas, aw si Simon. Eg-ogpà heman se menge etebay din dini kenitadon.” Yan nebensi dan ki Jesus.

Mar. 1:30

Nayan, netigdaan se ogangan i Pedro bayi piglegenaw, aw inindanan dan si Jesus tepad kandin.

Mat. 13:55

Meneng netegahan tadon te sikandin se batà te karpintiro, aw si Maria se inay din. Netegahan tadon heman se menge kedowa din si Santiago, si Jose, si Simon, aw si Judas.

1 Timoteo 4:3

Megtoladà dan te eked kepakay aw mengognan se otaw. Megtoladà dan heman te doen kànen eked kepakay kànen. Meneng ininang te Timanem se kànen sìyan, aw penga te pegpesiontong tadon kandin, mepakay iyan kànen te kedita te otaw simalig diyà kandin aw netaga-taga den te kebenalan.

1 Korinto 7:8

Seini se kagi ko diyà te menge otaw wedà pengognan aw diyà te menge otaw balo. Mèpiya aw eked kaw pengognan iling kanak.

Luc. 8:20

Doen otaw minikagi diyà kandin, “Doton te lowà se inay no aw menge kedowa nikaw. Meibeg dan ekon megkità kamno.”