1 Korinto 9:16 - Manobo Sarangani

¹⁶ Eked ko duyuni se pegkeotawun ko te migtoladà a te Mèpiya Indan, so insogò a te Timanem megtoladà kenyan, aw ipelumun a din aw eked a tolò.

1 Korinto 9:16 ပူးပေါင်းရင်းမြစ်များ

Roma 1:14

so keilangan tomolò a te Timanem simogò kanak megtoladà te kedita te kemolò te otaw, pengkey mig-iskwila dan aw wedà, pengkey biyasa dan aw wedad toig.

Kolasas 4:17

Keliwati niyo heman se kagi ko diyà ki Arkipo te keilangan ipengahen din se terbaho insogò te Pengolo tadon kandin.

Luc. 9:62

Minikagi si Jesus, “Ikà eg-iling te otaw megdaro gayed eglingì, so kolang se inangen din. Iling heman kenyan se otaw kenà melobos se pedowan din tomaking kanak, so eked kepakay aw megpesakop sikandin diyà te peglowan te Timanem.”

Ininang 4:20

Eked kay lengà te peg-indan te benal kinità aw dinineg day.”

Roma 15:17

Tandà te tabang i Jesu Cristo kanak, wedad ingkeyàyà ko tepad te pegtolò ko te Timanem.

Ininang 9:15

Minikagi se Pengolo, “Doton ka, so sikandin se pinemallì ko amon meg-indan tepad kanak doton te menge otaw kenà Judiyo, aw menge selotan, aw sikiyo menge bowad-bowad i Israel.

Ininang 9:6

Tindeg ka aw deleg ka doton te Damasko. Indanan ka aw eden se inangen nikaw.”

Roma 4:2

Simpana pineokit te mèpiya ininang din se peg-aneng-aneng te Timanem te metòlid sikandin, mepakay peden megpelangkaw-langkaw si Abraham. Meneng kenà pineokit kenyan se peg-aneng-aneng te Timanem te metòlid sikandin.

1 Korinto 4:15

Pengkey pila gatos se doma otaw megtoladà kenyo tepad ki Cristo, meneng ikà niyo egkelibel te siaken olò se amay niyo, so nemenal kaw ki Cristo pineokit te pegtoladà ko kenyo te Mèpiya Indan.

1 Korinto 9:12

Aw mepakay se pegpenogpò niyo te menge doma menenoladà, sikami se labi pa niyo togpoan, so sikami se onà migtoladà kenyo. Pengkey mepakay aw memoyò kay te togpò lekat kenyo, meneng wedà kay palos pemoyò. Pengkey nelimahan kay, meneng wedà kay palos pemoyò lekat kenyo, amon eked kebelebagi se menge otaw menenalan te Mèpiya Indan intoladà day tepad ki Cristo.

1 Korinto 9:14

Iling kenyan, migpunù se Pengolo tadon te keilangan togpoan te otaw menenalan se otaw megtoladà kandan te Mèpiya Indan tepad ki Cristo.

2 Korinto 2:12

Nayan, pegdoton ko te Troas amon megtoladà a te Mèpiya Indan tepad ki Cristo, kinità ko te doen dalan impetagad te Pengolo kanak amon megtoladà a.

Mat. 25:16

Nayan, se otaw binegayan din te lima melalan, mignigosyo sikandin aw doen gamad din lima melalan.