1 Korinto 9:12 - Manobo Sarangani

¹² Aw mepakay se pegpenogpò niyo te menge doma menenoladà, sikami se labi pa niyo togpoan, so sikami se onà migtoladà kenyo. Pengkey mepakay aw memoyò kay te togpò lekat kenyo, meneng wedà kay palos pemoyò. Pengkey nelimahan kay, meneng wedà kay palos pemoyò lekat kenyo, amon eked kebelebagi se menge otaw menenalan te Mèpiya Indan intoladà day tepad ki Cristo.

1 Korinto 9:12 ပူးပေါင်းရင်းမြစ်များ

2 Korinto 11:12

Yan eked a pemoyò te tabang lekat kenyo, so eked a peg-iling te menge menenoladà doton kenyo eg-ikagi te egpetandan a iling kandan.

1 Korinto 9:15

Meneng siaken, wedà a palos pemoyò lekat kenyo. Se tod ko te pegsolat ko kani, kenà amon megpetogpò a kenyo, so kenà niyan se ibeg ko. Wedad otaw meketodà te peg-eked ko te pegpenogpò niyo kanak.

1 Korinto 9:2

Pengkey doen doma otaw eg-aneng-aneng te kenà a sogounun i Cristo, meneng sikiyo se netaga-taga kenyan, so pineokit te pegtoladà ko, nemenal kaw aw yan se pengilala te sogounun a i Cristo.

2 Korinto 11:20

so mepakay diyà kenyo aw ellangen kaw dan, aw ebaten dan se kwarta niyo, aw egawen dan se kedònan niyo. Aw lomowan dan kenyo, pengkey menampak dan kenyo, mepakay diyà kenyo.

2 Korinto 6:3

Ontò ko eg-imendayan se eg-inangen ko amon wedad otaw meg-eked te pegpemenal, aw amon wedad isila te ipegtoladà ko tepad te Pengolo.

1 Korinto 6:7

Kolang se eg-inangen niyo, so egpeibingay kaw doton te howis. Labi pa mèpiya aw kelibelan niyo se pegtindaet aw peglimbong kenyo.

Roma 15:22

So gayed a migtoladà doton te menge ogpeanan sìyan, yan se doun te wedà ko pa tomani se ibeg ko te lomaoy a kenyo doton te Roma.

Ininang 18:3

Mig-ogpà diyà kandan aw migpetelebanay dan, so sikandan se otaw biyasa eg-inang te balay eg-etepan te penenaktun, onawa te eg-inangen i Pablo.

Luc. 11:52

“Mekelelayò kaw menge menenoladà te punù ingkeliwat i Moises. Iling kaw te otaw mig-eles te konsì te balay amon wedad mekeawop, so wedà kaw keibeg aw doen otaw mekelabet te kagi te Timanem insolat. Wedà kaw pemenal te kagi din, aw egbelebagan niyo heman se menge otaw egkeibeg memenal kenyan.”

Genesis 24:56

Meneng minikagi sikandin, “Ikà niyo eg-anggà kenami, so tinoman den te Timanem se tod ko dini. Ibeg ko, mesayo kay den amon molì a doton te amo ko.”

1 Korinto 9:14

Iling kenyan, migpunù se Pengolo tadon te keilangan togpoan te otaw menenalan se otaw megtoladà kandan te Mèpiya Indan tepad ki Cristo.

1 Korinto 9:16

Eked ko duyuni se pegkeotawun ko te migtoladà a te Mèpiya Indan, so insogò a te Timanem megtoladà kenyan, aw ipelumun a din aw eked a tolò.

1 Korinto 13:7

Se otaw dakel se pedowan din, pengkey eden se inangen te doma kandin, eked pegbelisì. Meibeg heman sikandin memenal te mèpiya. Gayed din heman egpelimanan se mèpiya. Pengkey eden se kelimahan domateng kandin, eked sikandin lengà.

2 Korinto 2:12

Nayan, pegdoton ko te Troas amon megtoladà a te Mèpiya Indan tepad ki Cristo, kinità ko te doen dalan impetagad te Pengolo kanak amon megtoladà a.