1 Korinto 8:6 - Manobo Sarangani

⁶ meneng diyà kenitadon egpemenal, olò sebad se Timanem Amay. Sikandin se eglekatan te kedita aw egtekingan tadon. Sebad heman se Pengolo tadon aw yan si Jesu Cristo. Pineokit kandin, ininang te Timanem se kedita, aw pineokit kandin, mekepedapag kidon diyà te Timanem.

1 Korinto 8:6 ပူးပေါင်းရင်းမြစ်များ

Roma 11:36

Sikandin se mig-inang te kedita, aw pineokit te tolos din, egbayà-bayà sikandin te kedita te ininang din. Iduyun heman sikandin pineokit te kedita niyan. Iduyun sikandin te wedad temanan. Metoman iyan.

Juan 1:3

Wedad palos ininang aw kenà pineokit kandin, so ininang te Timanem se kedita pineokit kandin.

1 Korinto 8:4

Nayan, tepad te pegkaen te pengelapen imbegay diyà te inotaw, benal se inikagi niyo te kenà ontò timanem se egbegayan dan. Benal heman se inikagi niyo te olò sebad se Timanem.

Ininang 17:28

‘Lekat te ibeg te Timanem timebaw kidon, aw timilles kidon, aw timayod kidon lamig songkani.’ Iling te insolat te sebad doma niyo biyasa, kagi din, ‘Tengke Timanem se kedita tadon.’

Juan 14:20

Aw domateng se aldaw sìyan, ontò niyo ketegahan te diyà a te Amay ko, aw diyà kaw kanak, aw diyà a kenyo.

1 Korinto 12:3

Megtoladà a den kenyo amon ketegahan niyo aw Espiritu Santo se egbayà-bayà te otaw. Aw doen otaw menollon ki Jesus, ketegahan niyo te kenà Espiritu Santo se egbayà-bayà kandin. Meneng aw mikagi se otaw te si Jesus se Pengolo din, yan ketegahan niyo te Espiritu Santo se egbayà-bayà kandin.

Ininang 2:36

Eneng-enengi niyo. Pengkey inlansang niyo si Jesus diyà te kros amon matay, meneng sikandin se ininang te Timanem Pengolo aw Misiyas.”

Juan 20:17

Minikagi si Jesus, “Ikà eg-awid kanak, so wedà a pa pegpeengat doton te Amay ko. Meneng doton ka te menge kedowa ko, aw peg-indan ka kandan te molì a pa doton te Amay ko, doton te Timanem ko. Sikandin se Amay niyo heman aw Timanem niyo.”

Juan 13:13

Eg-ikagi kaw te siak se Menenoladà, aw egtewalen a niyo Pengolo. Neketotok iyan, so ontò a Pengolo niyo, aw egtoladà a kenyo.

Mat. 28:18

Migpedapag si Jesus diyà kandan aw minikagi, “Impelowan a den diyà te kedita doton te langit aw dini heman te lanto te tanà.

Mat. 11:27

Penga niyan, minikagi si Jesus, “Insalig te Amay ko se kedita diyà kanak. Se Amay ko, yan olò se netaga-taga te kedita tepad kanak, so Batà a din. Siak olò heman se netaga-taga te kedita tepad te Amay ko, aw eked ketaga-taga se otaw tepad kandin singed aw ipetaga-taga ko iyan diyà kandan.

Juan 17:3

Seini se otaw doen kaling pedowan wedad temanan, se otaw netaga-taga kamno, sebad no se ontò benal Timanem, aw netaga-taga heman kanak, si Jesu Cristo insogò no dini te keneyonan.

Juan 10:30

Siak aw Amay ko migsebad.”

Impekità 1:18

Siak se doen pedowan wedad temanan. Inimetayan a, aw eked a den todà palos kematay. Siaken olò se mekebatog meg-antay te otaw lekat te nematay. Aw matay se otaw, siak olò se mekesogò aw kenan dan peogpai.

Efeso 3:14

Peg-aneng-aneng ko tepad te ontò mèpiya tabang te Timanem kenitadon, eglongken a aw egtawal-tawal a diyà te Timanem Amay.

1 Korinto 1:2

Seini se solat ko diyà te kedita niyo menge sakop te Timanem kidoen te Korinto. Egpenimanem kaw so migsebad se pedowan niyo diyà ki Jesu Cristo, aw tinawal kaw te Timanem amon inangen kaw din sakop din sipat kedita te doma otaw egpemenal te Pengolo tadon si Jesu Cristo, pengkey doton te menge doma ogpeanan, so sikandin se Pengolo dan heman.

Ininang 5:31

Penga niyan, inantay sikandin te Timanem metolos aw ininang din melangkaw doton te langit, so sikandin se lomowan kenitadon aw megpelowà kenitadon lekat te salà. Ibeg din megselsel kaw te salà amon pegwedaden din se salà niyo.

Kolasas 1:6

intoladà den doton kenyo aw doton te kebelad te keneyonan. Medita den se doma otaw nemenal kenyan, aw eg-inang den dan te mèpiya. Mig-iling kaw heman kandan, so lekat te aldaw te pegdineg niyo te doen tabang te Timanem kenyo, olò mèpiya se eg-inangen niyo, so netegahan niyo den te benal iyan.

Efeso 1:3

Iduyun se Timanem, Amay te Pengolo tadon si Jesu Cristo. Mèpiya se tabang te Timanem kenitadon pineokit te ininang i Cristo, so binegayan kidon din te kedita te kèpiyaan lekat te langit.

1 Korinto 6:13

Eneng-enengi niyo ini. Benal se eg-ikegiyen te doen kànen amon isawol diyà te getek, aw doen heman getek amon solan te kànen. Meneng eked kepakay aw megkelagok kidon, so doen kwani aldaw pegbàtan te Timanem se getek aw kànen. Iling heman kenyan se lawa tadon. Ininang iyan te Timanem kenà amon meibeg kidon te kenà kenitadon esawa, meneng ininang kidon din amon tomolò kidon te ibeg te Pengolo tadon, aw netegahan te Pengolo tadon se keilangan te lawa tadon.

1 Pedro 1:21

Pineokit ki Cristo, nemenal kaw den te Timanem mig-antay kandin lekat te nematay aw mig-inang kandin melangkaw doton te langit. Timanem den se egseligan niyo te doen egpelimanan niyo doton te langit.

Juan 1:10

Dimini si Jesus te keneyonan, meneng pengkey ininang te Timanem se kedita dini te keneyonan pineokit kandin, wedà sikandin kilelai te menge otaw.